ପ୍ରମୁଖ ଖବର
  • କଂଗ୍ରେସ ସ୍କ୍ରିନିଂ କମିଟି ବୈଠକ, ୧୫ ସୁଦ୍ଧା ଘୋଷେଣା ହେବ ପ୍ରାର୍ଥୀ ତାଲିକା
  • ||
  • କ୍ୟାପିଟାଲ ହସ୍ପିଟାଲରେ ମହିଳାଙ୍କୁ ଦୁର୍ବ୍ୟବହାର, ଧାରଣାରେ ବସିଲେ ସିକ୍କ୍ୟୁରିଟ୍ ଓ ସଫୋଇ କର୍ମୀ
  • ||
  • ବିଜେଡି ଛାଡିଲେ ପୂର୍ବତନ ରାଜ୍ୟ ଯୁବ ଉପସଭାପତି ରାକେଶ ନାୟକ
  • ||
  • ଆଜି ଆସିବ ବିଜେପି ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା, ଘୋଷଣା ହୋଇପାରେ ୨୫ ପ୍ରାର୍ଥୀଙ୍କ ନା
  • ||
  • ରୋଷେୟାକୁ ହାଣିଲା ହୋଟେଲ ମାଲିକ, ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ଅବକାରୀ ବିଭାଗ ହାଜତରେ ଥାର୍ଡ ଡିଗ୍ରୀ ! ମଦ ବ୍ୟବସାୟୀ ଗୁରୁତର, ହତ୍ୟା ଉଦ୍ୟମ ଅଭିଯୋଗ
  • ||
  • ବେଲଗାମ ବୟାନ ଉପରେ ଲାଗିବ ଅଙ୍କୁଶ, ନିର୍ବାଚନ କମିଶନ ଆଣିବେ ନୂଆ ମାର୍ଗଦର୍ଶିକା
  • ||
  • ମାର୍ଗଦର୍ଶିକା ଜାରି କଲେ କେନ୍ଦ୍ର ସରକାର ଇସ୍ରାଏଲ, ଇରାନକୁ ଯାତ୍ରା ବାରଣ
  • ||
  • ୭୭ବର୍ଷରେ ପାଦ ଦେଲା ସ୍ୱପ୍ନର ସହର ଭୁବନେଶ୍ୱର, ୧୯୪୮ ମସିହାରେ ହୋଇଥିଲା ଗଠନ
  • ||
  • IPL 2024: ପଞ୍ଜାବ କିଙ୍ଗ୍‌ସ- ରାଜସ୍ଥାନ ରୟାଲ୍ସ ମୁକାବିଲା, ମୁଲନପୁରରେ ହେବ ପେସ୍‌ ଟେଷ୍ଟ୍‌
  • ||
  • ଶନିବାରଠୁ ୬ ଦିନ ଜଳାଇବ ତାତି, ୬ରୁ ୮ ଡିଗ୍ରୀ ବଢ଼ିଯିବ ତାପମାତ୍ରା;୧୪ରୁ ପୁଣି ନିର୍ଘାତ ଖରା
  • ||

ମମତା ବାନାର୍ଜୀଙ୍କ ଉପରେ ବିବାଦୀୟ ଟିପ୍ପଣୀ ଦେଲେ ଦିଲ୍ଲୀପ ଘୋଷ, ଜବାବ ଦେଲା ଟିଏମସି

Image Courtesy: catchnews

କୋଲକାତା: ଲୋକସଭା ନିର୍ବାଚନ ପୂର୍ବରୁ ଏବେ ଆରୋପ ପ୍ରତ୍ୟାରୋପ ରାଜନୀତି ଜୋର ଧରିଛି । ଏହାରି ମଧ୍ୟରେ ବିଜେପି ନେତା ଦିଲ୍ଲୀପ ଘୋଷ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ବିବାଦୀୟ ଟିପ୍ପଣୀ କରି ଅସୁବିଧାରେ ପଡ଼ିଛନ୍ତି ।  ତୃଣମୂଳ କଂଗ୍ରେସ (ଟିଏମସି) ଦିଲ୍ଲୀପ ଘୋଷଙ୍କୁ ଜୋରଦାର ଟାର୍ଗେଟ କରିଛି । ଦିଲ୍ଲୀପ ଘୋଷ କହିଥିଲେ ଯେ, ଦିଦି (ମମତା ବାନାର୍ଜୀ) ଗୋଆ ଯିବା ସହ ସେଠାରେ ନିଜକୁ ଗୋଆର ଝିଅ ବୋଲି କହୁଛନ୍ତି । ଏହାପରେ ସେ ତ୍ରିପୁରା ଯାଇ, ସେଠାରେ ବି ନିଜକୁ ତ୍ରିପୁରାର ଝିଅ କହୁଛନ୍ତି । ଦିଦି ପ୍ରଥମେ ନିଷ୍ପତ୍ତି ନିଅନ୍ତୁ ଯେ ତାଙ୍କ ବାପା କିଏ ? ଏମିତି କାହାର ବି ଝିଅ ହୋଇଯିବା ଆଦୌ ଭଲ କଥା ନୁହେଁ। 

ସେପଟେ ପଶ୍ଚିମବଙ୍ଗର ପୂର୍ବତନ ବିଜେପି ମୁଖ୍ୟ ଦିଲ୍ଲୀପ ଘୋଷଙ୍କୁ ଦଳ ତାଙ୍କ ନିର୍ବାଚନ ମଣ୍ଡଳୀରୁ ବାହାର କରି ଦେବାରୁ ସେ ହତାଶ ହୋଇ ଏପରି କଥା ସବୁ କହୁଛନ୍ତି ବୋଲି ଟିଏମସି କହିଛି । ଏହାର ଭିଡିଓ ଶେୟାର କରି ଟିଏମସି କହିଛି ଯେ, ମା’ ଦୁର୍ଗାଙ୍କ ବଂଶ ଉପରେ ପ୍ରଶ୍ନ ଉଠାଇଥିବା ବ୍ୟକ୍ତି ଏବେ ମମତା ବାନାର୍ଜୀଙ୍କ ପୂର୍ବ ପୁରୁଷଙ୍କ ଉପରେ ମଧ୍ୟ କଟାକ୍ଷ କରିଛନ୍ତି । ଏଥିରୁ ସ୍ପଷ୍ଟ ହୋଇଛି ଯେ ବେଙ୍ଗଲର ମହିଳାଙ୍କ ପ୍ରତି ଘୋଷଙ୍କର କୌଣସି ସମ୍ମାନ ନାହିଁ । ହିନ୍ଦୁତ୍ୱର ଦେବୀ ହୁଅନ୍ତୁ କି ଦେଶର ଏକମାତ୍ର ମହିଳା ମୁଖ୍ୟମନ୍ତ୍ରୀ ହୁଅନ୍ତୁ, କାହା ପ୍ରତି ତାଙ୍କର ସମ୍ମାନ ନାହିଁ।

୨୦୨୧ରେ ମା’ ଦୁର୍ଗାଙ୍କ ସମ୍ପର୍କରେ ଦିଲ୍ଲୀପ ଘୋଷ ଦେଇଥିବା ମନ୍ତବ୍ୟ ବେଶ ବିବାଦୀୟ ହୋଇଥିଲା। ସେ କହିଥିଲେ, ଭଗବାନ ରାମ ଜଣେ ସମ୍ରାଟ ଥିଲେ। କିଛି ଲୋକ ତାଙ୍କୁ ଅବତାର ରୂପେ ଚିତ୍ରଣ କରନ୍ତି । ଆମେ ତାଙ୍କ ପୂର୍ବପୁରୁଷଙ୍କ ନାଁ ଜାଣିଛେ । କିନ୍ତୁ ଦୁର୍ଗାଙ୍କ ସମ୍ପର୍କରେ ଆପଣମାନେ ସେମିତି କିଛି ଶୁଣିଛନ୍ତି କି ବୋଲି ସେ ପ୍ରଶ୍ନ କରିଥିଲେ । ତେବେ ରାଜନୀତିରେ ଆରୋପ ପ୍ରତ୍ୟାରୋପ ହେବା କୌଣସି ନୂଆ କଥା ନୁହେଁ । ଏହା ପୂର୍ବରୁ କଂଗ୍ରେସ ନେତା ସୁପ୍ରିୟା ଶ୍ରୀନେତ ବିଜେପି ପ୍ରାର୍ଥୀ କଙ୍ଗନା ରଣାଓ୍ବତଙ୍କୁ ନେଇ ବିବାଦୟୀ ମନ୍ତବ୍ୟ ଦେଇଥିଲେ । ଆଉ ଏହି ମାମଲା ଏବେ ନିର୍ବାଚନ ଆୟୋଗଙ୍କ ପାଖରେ ପହଞ୍ଚିଯାଇଛି । 

 

  • CM Mamata
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.