ଭୁବନେଶ୍ୱର,୨୩/୦୫: ଆଜି ଓଡ଼ିଶା ଆସିବେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ଏହା ତାଙ୍କର ପ୍ରଥମ ନିର୍ବାଚନୀ ଗସ୍ତ ହେବ । ଚିଲିକା ନିର୍ବାଚନମଣ୍ଡଳୀର ବାଣପୁର ଓ ମାହାଙ୍ଗାର କୁଳିଆ ମାର୍କେଟ ପଡ଼ିଆରେ ଅନୁଷ୍ଠିତ ଜନସଭାକୁ ସେ ସମ୍ବୋଧିତ କରିବା ସହ ବିଜେପି ପାଇଁ ଭୋଟ୍‌ ମାଗିବେ । ସେହିଭଳି  ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା କରଞ୍ଜିଆ, ଧାମନଗରର ଅସୁରାଳି, ବଡ଼ଚଣା ଓ ବାଲିକୁଦା ନିର୍ବାଚନମଣ୍ଡଳୀର ଏରସମାରେ ଅନୁଷ୍ଠିତ ଜନସଭାକୁ ସମ୍ବୋଧିତ କରିବେ । 

ଗୁରୁବାର ଆସାମ  ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ସମ୍ବଲପୁର ଯାଇ ପ୍ରଚାର କରିବେ । ପ୍ରଥମେ ମା ସମଲେଶ୍ୱରୀଙ୍କ ଦର୍ଶନ କରି ଆର୍ଶୀବାଦ ନେବେ ।  ସକାଳ ୯ଟା ୧୫ରେ ସମ୍ବଲପୁରର ବିଜୁ ବରୁଆଙ୍କ ଜନ୍ମସ୍ଥାନକୁ  ଯାଇ ଶ୍ରଦ୍ଧାଞ୍ଜଳି ଦେବେ । ପରେ ଦେବଗଡ଼ରେ ରୋଡ୍‌ ସୋ କରିବେ । ମଧ୍ୟାହ୍ନରେ ଚମ୍ପୁଆ ନିର୍ବାଚନମଣ୍ଡଳୀର ବଡ଼ବିଲରେ  ସଭା କରିବେ । ଅପରାହ୍ନରେ ଚୌଦ୍ୱାର ଓ ବଡ଼ମ୍ବାରେ ଅନୁଷ୍ଠିତ  ଜନସଭାକୁ ସମ୍ବୋଧିତ କରିବେ ବୋଲି ସୂଚନା ମିଳିଛି ।