ପ୍ରମୂଖ ଖବର
  • ବଜେପି ଅଧ୍ୟକ୍ଷ ଜେପି ନଡ୍ଡା ରାଜ୍ୟସଭା ନେତା ନିର୍ବାଚିତ
  • ||
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ନରେନ୍ଦ୍ର ମୋଦିଙ୍କ ସମର୍ଥନରେ ପୁରା NDA, ନେତା ଭାବରେ କଲେ ଚୟନ: ନୀତୀଶ କହିଲେ ଶୀଘ୍ର ଗଠନ ହେଉ ସରକାର

ନୂଆଦିଲ୍ଲୀ,୫।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ସରିଛି ଏନ୍‌ଡିଏର ବୈଠକ। ଏହି ବୈଠକରେ ମୋଦିଙ୍କୁ ଏନ୍‌ଡିଏର ନେତା ଭାବରେ ଚୟନ କରାଯାଇଛି ।ବୈଠକରେ ନୀତୀଶ କୁମାର, ଚନ୍ଦ୍ରବାବୁ ନାଇଡୁଙ୍କ ସହିତ ସବୁ ଘଟକ ଦଳ ସମର୍ଥନରେ ଏକ ପ୍ରସ୍ତାବ ପାସ୍ କରିଛନ୍ତି। ଏହି ପ୍ରସ୍ତାବରେ କୁହାଯାଇଥିଲା ନରେନ୍ଦ୍ର ମୋଦିଙ୍କ ଲିଡରସିପ୍‌ରେ ଆମେ ସବୁ ଲୋକ ନିର୍ବାଚନ ଲଢିଥିଲୁ ଓ ଆମେ ବିଜୟୀ ହୋଇଛୁ। ୧୦ ବର୍ଷରେ ଦ୍ରୁତ ବିକାଶ ହୋଇଛି। ଆମର ତାଙ୍କ ନେତୃତ୍ବ ଉପରେ ଭରସା ରହିଛି। ତାଙ୍କ ନେତୃତ୍ବରେ ଏନ୍‌ଡିଏ ପୁଣିଥରେ ବହୁମତ ହାସଲ କରିଛି।’ ଏହି ପ୍ରସ୍ତାବ ଉପରେ ବିଜେପିର ଜେପି ନଡ୍ଡା, ଅମିତ ଶାହ ଓ ରାଜନାଥ ସିଂହଙ୍କ ସହିତ ଏନ୍‌ଡିଏର ୨୪ ନେତା ଦସ୍ତଖତ କରିଛନ୍ତି।

ବୈଠକରେ ସମସ୍ତଙ୍କ ନଜର ଟିଡିପି ମୁଖ୍ୟ ଏନ ଚନ୍ଦ୍ରବାବୁ ନାଇଡୁ ଓ ଜେଡିୟୁର ନୀତୀଶ କୁମାରଙ୍କ ଉପରେ ରହିଥିଲା। କାରଣ ଏହି ଦୁଇ ଜଣ ଏବେ କିଙ୍ଗ ମେକର। ଉଭୟଙ୍କ ପାଖରେ ୨୮ଟି ଆସନ ରହିଛି। କାଳେ ଏମାନେ ମେଣ୍ଟ ପରିବର୍ତ୍ତନ କରିନେବେ, ସେଥିପାଇଁ ବୈଠକରେ ଉଭୟଙ୍କ ଠାରୁ ମୋଦି ଲିଖିତ ଭାବେ ସମର୍ଥନ ହାସଲ କରିଥିବା ଜଣାପଡ଼ିଛି।

ମୋଦିଙ୍କୁ ନେତା ଭାବରେ ଚୟନ କରିବା ପରେ ରାଷ୍ଟ୍ରପତି ଦୌପ୍ରଦୀ ମୁର୍ମୁଙ୍କୁ ଏନ୍‌ଡିଏନ ନେତା ଭେଟିବେ ଓ ସରକାର ଗଠନ କରିବାର ଦାବି ରଖିବେ। ମୋଦି ତୃତୀୟ ଥର ୮ ଜୁନ୍‌ରେ ପିଏମ୍ ପଦର ଶପଥ ନେଇ ପାରନ୍ତି। ସେ ବୁଧବାର ରାଷ୍ଟ୍ରପତିଙ୍କୁ ଭେଟି ନିଜର ଇସ୍ତଫା ପତ୍ର ପ୍ରଦାନ କରିଛନ୍ତି। ଇସ୍ତଫାକୁ ରାଷ୍ଟ୍ରପତି ଗ୍ରହଣ କରିଛନ୍ତି। ସେଭଳି  ଏନଡିଏ ବୈଠକରେ ସାମିଲ ହୋଇଥିବା ବିହାର ମୁଖ୍ୟମନ୍ତ୍ରୀ ନୀତୀଶ କୁମାର କହିଛନ୍ତି, ସରକାର ଗଠନରେ ବିଳମ୍ବ ନହେଉ। ଆମକୁ ଅତି ଶୀଘ୍ର ସରକାର ଗଠନ କରିବା ଦରକାର।  ଉଲ୍ଲେଖନୀୟ ଯେ, ଲୋକସଭା ନିର୍ବାଚନରେ ବିଜେପିକୁ ୨୪୦ ଆସନ ମିଳିଛି, ଯାହାକି ମ୍ୟାଜିକ୍ ନମ୍ବରଠାରୁ ୩୨ କମ୍ ରହିଛି। ଏହି କାରଣରୁ ଜେଡିୟୁ, ଟଡିପି ସହିତ ବହୁ ରାଜନୈତିକ ଦଳର ସମର୍ଥନ ଦରକାର ରହିଛି, ଯେଉଁମାନେ କି ଏନ୍‌ଡିର ଅଂଶ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.