ପୁରୀ, ୨୮/୦୩ : ପୁରୀ ଗସ୍ତରେ ଆସି ମହାପ୍ରଭୁଙ୍କୁ ଦର୍ଶନ କଲେ ବଲିଉଡ୍ ଅଭିନେତ୍ରୀ ମିନାକ୍ଷୀ ସେଶାଦ୍ରି। ମହାପ୍ରଭୁଙ୍କ ଦର୍ଶନ ପାଇ ସେ ନିଜକୁ ଧନ୍ୟ ମନେ କରିଥିବା କହିଛନ୍ତି। ଗତ ୩୦ ବର୍ଷ ତଳେ ସେ ମହାପ୍ରଭୁଙ୍କ ଦର୍ଶନ ପାଇଁ ପୁରୀ ଆସିଥିଲେ। ଆଜି ପୁଣି ମହାପ୍ରଭୁଙ୍କ ଡାକରା ମିଳିବାରୁ ସେ ପୁରୀ ଆସିବାର ସୌଭାଗ୍ୟ ଲାଭ କରିଥିବା କହିଛନ୍ତି। 

ବଲିଉଡ୍ ଅଭିନେତ୍ରୀ ମିନାକ୍ଷୀ ସେଶାଦ୍ରି ପୁରୀ ଆସିବା ପୂର୍ବରୁ କୋଣାର୍କ ମନ୍ଦିର ଓ ଭୁବନେଶ୍ଵରର ବିଭିନ୍ନ ପ୍ରସିଦ୍ଧ ସ୍ଥାନ ବୁଲି ଦେଖିଛନ୍ତି। ସେ କହିଛନ୍ତି ଯେ, ଓଡ଼ିଶାବାସୀ ହେଉଛନ୍ତି ବେଶ୍ ସାଧାସିଧା। ଯାହାକି ତାଙ୍କୁ ବେଶ ଭଲ ଲାଗେ। ମହାପ୍ରଭୁ ତାଙ୍କ ଜୀବନକୁ ସଫଳ କରନ୍ତୁ ବୋଲି ସେ ମହାପ୍ରଭୁ ଶ୍ରୀଜଗନ୍ନାଥଙ୍କୁ ପ୍ରାର୍ଥନା କରିଛନ୍ତି। ସେହିପରି ଶ୍ରୀମନ୍ଦିର ପରିକ୍ରମା ମାର୍ଗ ଦେଖି ଉଚ୍ଚ ପ୍ରଶଂସା ମଧ୍ୟ କରିଛନ୍ତି। ୮୦ ଓ ୯୦ ଦଶକର ପ୍ରମୁଖ ଅଭିନେତ୍ରୀ ଥିଲେ ମିନାକ୍ଷୀ। ସେ ବହୁତ୍ ହିଟ୍ ଚଳଚ୍ଚିତ୍ରରେ ଅଭିନୟ କରି ଦର୍ଶକଙ୍କ ହୃଦୟରେ ସ୍ଵତନ୍ତ୍ର ସ୍ଥାନ ପାଇଛନ୍ତି।