ଟାଙ୍ଗି, ୨୪।୩: ଟ୍ରଲର୍ ପଛରେ ପିଟି ହୋଇଗଲା କାର୍ । ଘଟଣାସ୍ଥଳରେ ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟରେ ୨ ଜଣଙ୍କ ଅବସ୍ଥା ଗୁରୁତର ଥିବା ବେଳେ ଜଣେ ସାମାନ୍ୟ ଆହତ ହୋଇଛନ୍ତି । ୧୬ ନଂ ଜାତୀୟ ରାଜପଥର ଚାନ୍ଦପୁର ଥାନା ଅଧିନସ୍ଥ ଗୌରଚନ୍ଦ୍ରପୁର ଛକ ନିକଟରେ ଏହି ଦୁର୍ଘଟଣା ଘଟିଥିବା ସୂଚନା । ୨ ଯୁବକ ଓ ୨ ଜଣ ଯୁବତୀ ଏକ କାର୍ ଯୋଗେ ଭୁବନେଶ୍ୱରରୁ ଚିଲିକା ଭ୍ରମଣରେ ଯାଉଥିବା ବେଳେ ଅଧାବାଟରେ ଏହି ଦୁର୍ଘଟଣା ଘଟିଛି । 

ମୃତ ଯୁବକ ଜଣକ ଧାମନଗରସ୍ଥିତି ଜାହାଙ୍ଗୀର ଅଞ୍ଚଳର ଶୁଭକାନ୍ତ ରାଉତଙ୍କର ୨୮ ବର୍ଷର ପୁଅ ଅମରଜ୍ୟୋତି ରାଉତ । ଗୁରୁତର ଆହତ ହୋଇଥିବା ଯୁବକ ଜଣକ ହେଉଛନ୍ତି କେନ୍ଦ୍ରାପଡ଼ା ଅଞ୍ଚଳର ରତ୍ନାକର ସାମନାରାୟଙ୍କର ୨୪ ବର୍ଷର ପୁଅ ଦିପ୍ତୀ ସାମନାରାୟ । ଠିକ୍ ସେହିପରି ଆହତ ହୋଇଛନ୍ତି ୨ ଜଣ ଯୁବତୀ ହେଉଛନ୍ତି ରଞ୍ଜିତା ନାୟକ ଓ କୋମଲ ଶର୍ମା ଏମାନଙ୍କ ଘର କଳାହାଣ୍ଡି ଅଞ୍ଚଳର । ମଉଜ-ମଜଲିସ୍ କରିବା ପାଇଁ ପରିବାର ଲୋକଙ୍କ ଅଗୋଚରରେ ଏମାନେ ଚିଲିକା ଭ୍ରମଣରେ ଆସୁଥିବା ବେଳେ ଏହି ଦୁର୍ଘଟଣା ଘଟିଛି । ଚାନ୍ଦପୁର ଥାନା ପୋଲିସ ପକ୍ଷରୁ ତଦନ୍ତ ଆରମ୍ଭ ହୋଇଛି ।