ନୂଆଦିଲ୍ଲୀ,୯।୯: ୫ ସେପ୍ଟେମ୍ବର ୨୦୨୩ରେ ଚନ୍ଦ୍ରର ସେହି ଅଂଶରେ ରାତି ହୋଇଯାଇଥିଲା, ଯେଉଁଠି ଚନ୍ଦ୍ରାୟନ-୩ର ବିକ୍ରମ ଲ୍ୟାଣ୍ଡର ରହିଛି। ଏବେ ଅନ୍ଧାରରେ ଚନ୍ଦ୍ରଯାନ-୩ ଲ୍ୟାଣ୍ଡର କିଭଳି ଦେଖାଯାଉଛି। ଏହା ଜାଣିବାକୁ ତା ଉପରେ ଚନ୍ଦ୍ରଯାନ-୨ର ଅର୍ବିଟରକୁ ଛଡା ଯାଇଥିଲା। ଅର୍ବିଟରରେ ଲାଗିଥିବା ଖାସ୍‌ କ୍ୟାମେରା ରାତିର ଅନ୍ଧାରରେ ଚନ୍ଦ୍ରଯାନ-୩ ଲ୍ୟାଣ୍ଡରର ଫଟୋ ନେଇଥିଲା।

୬ ସେପ୍ଟେମ୍ବର ୨୦୨୩ରେ ନିଆଯାଇଥିବା ଫଟୋରେ ଚନ୍ଦ୍ର ପୃଷ୍ଠରେ ନୀଳ,ସବୁଜ ଓ ଘନ କଳା ରଙ୍ଗ ଦେଖିବାକୁ ମିଳିଥିଲା। ଏହା ଭିତରେଏକ ହଳଦିଆ ରଙ୍ଗର ଗୋଲାକାର ଜିନିଷ ଦେଖିବାକୁ ମିଳିଥିଲା। ହଳଦିଆ ରଙ୍ଗ ଦେଖାଯାଉଥିବା ଜିନିଷଟି ଥିଲା ଆମର ବିକ୍ରମ ଲ୍ୟାଣ୍ଡର। ଏଠାରେ ତିନୋଟି ଫଟୋ ରହିଛି। ବାମ ପଟେ ପ୍ରଥମ ଭର୍ଟିକାଲ ଫଟୋରେ ବଡ ଅଞ୍ଚଳରେ ହଳଦିଆ ରଙ୍ଗର ଡବା ଆକାରରେ ସେହି ଅଞ୍ଚଳ ଦେଖିବାକୁ ମିଳିଛି, ଯେଉଁଠି ଲ୍ୟାଣ୍ଡର କରିଥିଲା ଲ୍ୟାଣ୍ଡ। 

Chandrayaan-3 Mission:
Here is an image of the Chandrayaan-3 Lander taken by the Dual-frequency Synthetic Aperture Radar (DFSAR) instrument onboard the Chandrayaan-2 Orbiter on September 6, 2023.

More about the instrument: https://t.co/TrQU5V6NOq pic.twitter.com/ofMjCYQeso

— ISRO (@isro) September 9, 2023

ଡାହାଣ ପଟର ଉପରେ ଯେଉଁ ଫଟୋ ରହିଛି, ତାହା ୬ ସେପ୍ଟେମ୍ବରର ଫଟୋ, ଯେଉଁଥିରେ ଗୋଲା ହଳଦିଆ ରଙ୍ଗରେ ଚନ୍ଦ୍ରଯାନ-୩ର ବିକ୍ରମ ଲ୍ୟାଣ୍ଡର ହଳଦିଆ ରଙ୍ଗର ଲାଇଟ୍ ଦେଖିବାକୁ ମିଳୁଛି। ତଳେ ୨ ଜୁନ୍‌ ୨୦୨୩ର ଫଟୋ ରହିଛି, ଯେତେବେଳେ ବିକ୍ରମ ଲ୍ୟାଣ୍ଡ ସେଠାରେ ଲ୍ୟାଣ୍ଡ କରିନଥିଲା। ଏହି ଫଟୋ ଚନ୍ଦ୍ରଯାନ-୩ର ଅର୍ବିଟରରେ ଲାଗିଥିବା ଡ୍ୟୁଲ-ଫ୍ରିକ୍ବେଏନ୍ସି ସିନ୍ଥେଟିକ ଅପର୍ଚର ରାଡାର (DFSAR) ନେଇଛି।

DFSAR ଏକ ସ୍ବତନ୍ତ୍ର ଯନ୍ତ୍ର, ଯାହାକି ରାତିର ଅନ୍ଧାରରେ ହାଇ ରିଜ୍ୟୁଲେସନ୍ ପୋଲିରିମୋଟ୍ରିକ୍ ମୋଡ୍‌ରେ ଫଟୋ ନେଇଥାଏ। ଅର୍ଥାତ ଅନ୍ଧାରରେ ଧାତୁରୁ ବାହାରୁଥିବା ହିଟ୍‌ ଓ ଲାଇଟ୍‌କୁ ଏହା କ୍ୟାପଚର କରିଥାଏ। ଏହା ପ୍ରାକୃତିକ ଭାବରେ ସେଠାରେ ଥିବା ଧାତୁ କିମ୍ବା ମଣିଷ ଦ୍ବାରା ଧାତୁରୁ ନିର୍ମିତ କୌଣସି ବସ୍ତୁ।

ଚନ୍ଦ୍ରଯାନ-୨ର ଅର୍ବିଟର ୨୫ ଅଗଷ୍ଟ ୨୦୨୩ରେ ମଧ୍ୟ ଚନ୍ଦ୍ରଯାନ-୨ର ଫଟୋ ନେଇଥିଲା। ଏହା ଦୁଇଟି ଫଟୋର କମ୍ବିନେସନ୍ ଥିଲା। ଯେଉଁଥିରେ ବାମ ପଟୋ ଥିବା ଫଟୋରେ ଜାଗା ଖାଲି ଥିଲା। ଡାହଣ ପଟ ଫଟୋରେ ଲ୍ୟାଣ୍ଡର ଚନ୍ଦ୍ର ପୃଷ୍ଠରେ ଦେଖିବାକୁ ମିଳିଥିଲା। ଏହି ଫଟୋରେ ଲ୍ୟାଣ୍ଡରକୁ ଜୁମ୍ କରି ଇନସେଟ୍‌ରେ ଦେଖା ଯାଇଥିଲା। ଚନ୍ଦ୍ରଯାନ-୨ରେ ଅର୍ବିଟର ହାଇରିଜ୍ୟୁଲେସନ୍  କ୍ୟାମେରା (OHRC) ଲାଗିଛି। ଦୁଇଟି ଫଟୋ ଲ୍ୟାଣ୍ଡିଂ ଦିନର ଥିଲା। ବାମ ପଟେ ପ୍ରଥମ ଫଟୋ ୨୩ ଅଗଷ୍ଟ ମଧ୍ୟାହ୍ନ ୨ଟା ୨୮ ମିନିଟରେ ନିଆଯାଇଥିଲା, ଯେଉଁଥିରେ ଚନ୍ଦ୍ର ପୃଷ୍ଟରେ କୌଣସି ଲ୍ୟାଣ୍ହର ଦେଖିବାକୁ ମିଳୁନି। ଦ୍ବିତୀୟ ଫଟୋ ୨୩ ଅଗଷ୍ଟ ରାତି ୧୦ଟା ୧୭ ମିନିଟରେ ନିଆଯାଇଥିଲା, ଯେଉଁଥିରେ ବିକ୍ରମ ଲ୍ୟାଣ୍ଡର ଚନ୍ଦ୍ର ପୃଷ୍ଠରେ ଓହ୍ଳାଉଥିବାର ଦେଖିବାକୁ ମିଳିଥିଲା।