ଚିକିଟି, ୩୦/୧୧ : ଚିକିଟି ବିଜ୍ଞାପିତ ଅଞ୍ଚଳ ପରିଷଦ ୩ ନମ୍ୱର ୱାର୍ଡର ସଭ୍ୟ ଭାବେ ବିଜେଡିରୁ ହର ପ୍ରସାଦ ଚୌଧୁରୀ ନିର୍ବାଚିତ l ଆଜି ସକାଳୁ ଭୋଟ ଗଣତି ଆରମ୍ଭ ହୋଇଥିଲା l ୪୮୪ ଖଣ୍ଡ ଭୋଟ୍ ହାତେଇ ହର ପ୍ରସାଦ ଚୌଧୁରୀ ବିଜୟୀ ହୋଇଛନ୍ତି। ନିକଟତମ ପ୍ରତିଦ୍ବନ୍ଦୀ ବିଜେପିର ଅନନ୍ତ ନାରାୟଣ ପାଣିଗ୍ରାହୀ ମାତ୍ର ୧୫ ଟି ଏବଂ ନୋଟାକୁ ୨ ଟି ଭୋଟ ମିଳିଥିବାବେଳେ ସ୍ଵାଧୀନ ପ୍ରାର୍ଥୀକୁ କିଛି ବି ଭୋଟ ମିଳିନାହିଁ l 

ପ୍ରକାଶ ଥାଉକି, ୩ନଂ ୱାର୍ଡର ସଭ୍ୟ ଦୁର୍ଗା ପ୍ରସାଦ ଦେଓଙ୍କ ମୃତ୍ୟ ପରେ ଏହି ପଦବୀ ଖାଲି ପଡ଼ିଥିଲା l ଗତକାଲି ଏଥିପାଇଁ ମତଦାନ ହୋଇଥିଲା । ୱାର୍ଡର ଭୋଟର ସାଂଖ୍ୟ ୬୫୪ ଥିବାବେଳେ ସେଥିମଧ୍ୟରୁ ମଧ୍ୟରୁ ୫୦୧ ଜଣ ଭୋଟର ମତଦାନ କରିଥିଲେ l ବିଜେଡିର ବିଜୟ ପରେ କର୍ମୀମାନଙ୍କ ମଧ୍ୟରେ ଉତ୍ସାହ ବୃଦ୍ଧିପାଇଛି l ବିଜୟୀ ପ୍ରାର୍ଥୀଙ୍କ ପାଇଁ ଶୁଭେଛାର ସୁଅ ଛୁଟିଛି l