ବେଜିଂ : ଏମିତି ଜଣାପଡ଼ୁଛି କି, ଚୀନ୍କୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ସଦ୍ୟ ବାର୍ତ୍ତା ପଡୋଶୀ ଦେଶକୁ ସ୍ପଷ୍ଟ ଭାବେ ବୁଝା ପଡ଼ୁଛି। ଏହି କାରଣରୁ ଲଗାତାର ଦ୍ୱିତୀୟ ଦିନ ଚୀନ ପ୍ରଧାନମନ୍ତ୍ରୀଙ୍କ ବୟାନ ଉପରେ ପ୍ରତିକ୍ରିୟା ଦେଇଛି। ପଡୋଶୀ ଦେଶ ନିଜ ପକ୍ଷରୁ ସଫେଇ ଦେଇ କହିଛି କି, ଚୀନ୍ ଓ ଭାରତ ସୀମା ଗତିରୋଧକୁ ସମାଧାନ କରିବା ପାଇଁ ବଡ଼ ସକରାତ୍ମକ ପ୍ରଗତି କରିଛି ଏବଂ ଉଭୟ ପକ୍ଷ ମଧ୍ୟରେ ଗଭୀର କଥାବାର୍ତ୍ତା ଜାରି ରହିଛି। ବିଦେଶ ମନ୍ତ୍ରଣାଳୟର ଜଣେ ବରିଷ୍ଠ ଅଧିକାରୀ ଶୁକ୍ରବାର ଏଠାରେ ଏହି କଥା କହିଛନ୍ତି।
ବିଦେଶ ମନ୍ତ୍ରଣାଳୟର ପ୍ରବକ୍ତା ମାଓ ନିଙ୍ଗଙ୍କ ଟିପ୍ପଣୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସଦ୍ୟ ବୟାନ ଉପରେ ଚୀନର ପ୍ରତିକ୍ରିୟା ଭାବେ ଆହୁରି ବିସ୍ତୃତ ଭାବେ ଆସିଛି। ପ୍ରଧାନମନ୍ତ୍ରୀ କହିଥିଲେ କି ଭାରତ ପାଇଁ ଚୀନ ସହ ସମ୍ୱନ୍ଧ ମହତ୍ତ୍ୱପୂର୍ଣ୍ଣ ରହିଛି ଏବଂ ସୀମା ଗୁଡ଼ିକରେ ଦୀର୍ଘ ଦିନରୁ ଚାଲି ଆସୁଥିବା ସ୍ଥିତିର ତତ୍କାଳ ସମାଧାନ କରାଯିବା ଉଚିତ୍। ନ୍ୟୁଜୱିକ୍ ପତ୍ରିକା ସହ ସାକ୍ଷାତକାରରେ ପ୍ରଧାନମନ୍ତ୍ରୀ ଆଶା କରିଥିଲେ କି ପଲିଟିକାଲି ଓ ସେନା ସ୍ତରରେ ସକରାତ୍ମକ ଏବଂ ରଚନାତ୍ମକ ଦ୍ୱିପାକ୍ଷୀୟ କଥାବାର୍ତ୍ତା ମାଧ୍ୟମରେ , ଦୁଇ ଦେଶ ନିଜର ସୀମାରେ ଶାନ୍ତି ଓ ସ୍ଥିରତା ବଜାର ରଖିବାରେ ସକ୍ଷମ ହେବେ।
ଚାଇନା ବିଦେଶ ମନ୍ତ୍ରଣାଳୟର ପ୍ରବକ୍ତା ମାଓ ଏଠାରେ ଏକ ମିଡ଼ିଆ ବ୍ରିଫିଂରେ ନ୍ୟୁଜୱିକ୍କୁ ମୋଦି ଦେଇଥିବା ଏକ ସାକ୍ଷାତକାରରେ ଏକ ପ୍ରଶ୍ନର ଜବାବରେ କହିଛନ୍ତି , ସୀମା ମାମଲା ବିଷୟରେ , ମୁଁ ଆପଣଙ୍କୁ କହି ପାରିବି କି ଚୀନ୍ ଓ ଭାରତ ମଧ୍ୟରେ ରାଜନୀତିକ ଓ ସେନା ସମ୍ୱନ୍ଧୀୟ ମାଧ୍ୟମରେ ଗଭୀର ବାର୍ତ୍ତାଳାପ ସହ ବଡ଼ ସକରାତ୍ମକ ପ୍ରଗତି ହୋଇଛି। ସେ କହିଛନ୍ତି, ଆମେ ଏହା ବି ମାନୁଛୁ କି , ଚୀନ ଓ ଭାରତ ମଧ୍ୟରେ ଭଲ ସମ୍ୱନ୍ଧ ଦୁଇ ଦେଶରେ ହିତକୁ ଦର୍ଶାଇ ଥାଏ।
ମାଓ କହିଛନ୍ତି, ଚୀନ୍ର ଆଶା କି ଭାରତ ମତଭେଦକୁ ଠିକ୍ ଭାବେ ସମ୍ଭାଳିବ ଓ ଦ୍ୱିପାକ୍ଷୀୟ ସମ୍ୱନ୍ଧକୁ ସୁସ୍ଥ ଓ ସ୍ଥିର ମାର୍ଗରେ ଆଗକୁ ବଢାଇବା ପାଇଁ ଚୀନ ସହ ଏହି ସକରାତ୍ମକ ସହ କାମ କରିବ। ଗତ କିଛି ଦିନରେ ଏହା ଦ୍ୱିତୀୟ ସୁଯୋଗ,ଯେବେ ଚୀନ ମୋଦିଙ୍କ ସାକ୍ଷାତକାରରେ ପ୍ରତିକ୍ରିୟା ଦେଇଛି।
