ପ୍ରମୁଖ ଖବର
  • ବୁଧବାର ଅରୁଣ ଗୋଭିଲ, ଗୁରୁବାର ପୁଣି ଓଡିଶା ଆସିବେ ଜେ.ପି ନଡ୍ଡା
  • ||
  • ପ୍ରଯୋଜକ ବିଜୟ ପଟ୍ଟନାୟକଙ୍କ ପରଲୋକ, ଚିକିତ୍ସାଧୀନ ଅବସ୍ଥାରେ ତ୍ୟାଗ କଲେ ଶେଷ ନିଶ୍ୱାସ
  • ||
  • ନିର୍ବାଚନ ଡ୍ୟୁଟି ସାରି ଫେରୁଥିବା ବେଳେ ଦୁର୍ଘଟଣା : ଜଣେ ଆହତ, ଅଳ୍ପକେ ବର୍ତ୍ତିଲେ ୨୦ ପୋଲିସ କର୍ମଚାରୀ
  • ||
  • ରଥଖଳା ହାଲ୍‌ଚାଲ୍‌...ଶ୍ରୀନୃସିଂହ ଚତୁର୍ଦ୍ଦଶୀ ତିଥିରେ ଗୁଜ ଅନୁକୂଳ, ଖୋଳା ହେବ ଯନ୍ତା ଗାଡ଼
  • ||
  • ସ୍ୱାତୀ ମାଲିୱାଲଙ୍କୁ ମାଡ଼ ମାମଲା: ସିଏମ୍‌ ହାଉସ୍‌ରେ ବିଭବଙ୍କୁ ନେଇ ସିନ୍‌ ରିକ୍ରିଏଟ୍‌
  • ||
  • ମଦ ନୀତି ଦୁର୍ନୀତି ମାମଲା: କେଜ୍‌ରିୱାଲଙ୍କୁ ପୁଣି ୧୪ ଦିନ ରିମାଣ୍ଡରେ ନେବାକୁ ଇଡିର ଆବେଦନ
  • ||
  • IPL ପ୍ରଥମ କ୍ୱାଲିଫାୟର ମ୍ୟାଚ୍‌ରେ ମୁହାଁମୁହିଁ ହେବେ କୋଲକାତା- ହାଇଦ୍ରାବାଦ, ରନ୍‌ ବର୍ଷା କରିବେ ବ୍ୟାଟିଂ ପାୱାର ହାଉସ୍‌
  • ||
  • ବାତ୍ୟା ହେବନି..ଅବପାତ ହୋଇ ମିଆଁମାର ଯିବ: ଜିଏଫଏସ୍
  • ||

ବିଶ୍ୱ ତାପମାତ୍ରା ବୃଦ୍ଧି ଚିନ୍ତାଜନକ: ଉତ୍ତାପ ବୃଦ୍ଧି ଯୋଗୁ ୨୦% କାର୍ଯ୍ୟ ସମୟ କ୍ଷତିଗ୍ରସ୍ତ, ଶ୍ରମିକଙ୍କ ସ୍ୱାସ୍ଥ୍ୟ ଓ ଅର୍ଥ ବ୍ୟବସ୍ଥା ହେଉଛି ପ୍ରଭାବିତ

ନୂଆଦିଲ୍ଲୀ,୧୫/୦୪: ଜଳବାୟୁ ପରିବର୍ତ୍ତନ ଯୋଗୁ ଏବେ ବିଶ୍ୱ ତାପମାତ୍ରା ଦ୍ରୁତ ଭାବେ ବୃଦ୍ଧି  ହେଉଛି । ଏହା ଉଷ୍ମ ମଣ୍ଡଳୀୟ ଅଞ୍ଚଳରେ ଲୋକଙ୍କ ଜୀବନ ଏବଂ ଅର୍ଥନୀତି ଉପରେ ଗଭୀର ପ୍ରଭାବ ପକାଉଛି । ନିର୍ମାଣ, କୃଷି, ମତ୍ସ୍ୟ ଚାଷ, ଜଙ୍ଗଲ ସହ ଅନ୍ୟ କଠିନ ପରିଶ୍ରମ କରୁଥିବା ଶ୍ରମଶକ୍ତି ଉପରେ ଏହାର ନକରାତ୍ମକ ପ୍ରଭାବ ରହୁଛି । ଏହା ଶ୍ରମିକଙ୍କ ସ୍ୱାସ୍ଥ୍ୟ ଏବଂ ଅର୍ଥନୀତି ପ୍ରତି କ୍ଷତି ପହଞ୍ଚାଉଛି । ଏଥିଯୋଗୁ ଶ୍ରମିକଙ୍କ ଉତ୍ପାଦକତା ବାବଦକୁ ବାର୍ଷିକ ପ୍ରାୟ ୨ ଲକ୍ଷ କୋଟି ଡଲାର କ୍ଷତି ହେଉଥିବା ୱାନ ଆର୍ଥ ଜର୍ଣ୍ଣାଲର ଏକ ଅଧ୍ୟୟନରୁ  ଜଣାପଡିଛି । 

ଏହି ଅଞ୍ଚଳରେ ତାପମାତ୍ରା ଅତିରିକ୍ତ ୧%  ବୃଦ୍ଧିରେ ପ୍ରାୟ ୮୦ କୋଟି ଲୋକ ସେମାନଙ୍କ  ବାର୍ଷିକ କାର୍ଯ୍ୟ ଦିବସର ପ୍ରାୟ ଅଧା ଦିନ କାମ କରିବାକୁ ସକ୍ଷମ ହେବେ ନାହିଁ । ଶ୍ରମିକଙ୍କ  ଉତ୍ପାଦକତା ହ୍ରାସ ଏବଂ କାମର ଦିନ କମିଲେ  ଏହା ମୋଟାମୋଟି ଭାବେ ସେମାନଙ୍କୁ ସମସ୍ୟାକୁ  ଠେଲିଦେବ । ସେମାନେ କଷ୍ଟରେ କାଳାତିପାତ  କରିବେ ବୋଲି ସର୍ଭେରେ ଉଲ୍ଲେଖ ରହିଛି ।  ବିଶ୍ୱର ୬୦ରୁ ୭୦% ଶ୍ରମ ଶକ୍ତି ଅଣ ସଙ୍ଗଠିତ  କ୍ଷେତ୍ରରେ ରହିଛନ୍ତି । ସେହିଭଳି ଅଭିବୃଦ୍ଧିଶୀଳ  ରାଷ୍ଟ୍ରଗୁଡିକରେ ୧୫ ବର୍ଷରୁ ଉଦ୍ଧ୍ୱର୍ ପ୍ରାୟ ୬୭% ରୁ ୯୦ଧ ଶ୍ରମଶକ୍ତି ଅଣ ସଙ୍ଗଠିତ କ୍ଷେତ୍ରରେ  କାମ କରୁଥିବା ଏହି ସର୍ଭେରେ କୁହାଯାଇଛି ।  

ଉଷ୍ଣମଣ୍ଡଳୀୟ ଅଞ୍ଚଳରେ ମରୁଭୂମି, ସମୁଦ୍ର କୂଳିଆ  ଅଞ୍ଚଳ, ହେନ୍ତାଳ ବନ ଏବଂ ଉଷ୍ମ ମଣ୍ଡଳୀୟ ଜଙ୍ଗଲ  ଦେଖାଯାଇଥାଏ । ଏସବୁ ଅଞ୍ଚଳରେ ବସବାସ  କରୁଥିବା ଲୋକେ ଆର୍ଥିକ ଦୃଷ୍ଟିକୋଣରୁ ଏତେଟା  ସ୍ୱଚ୍ଛଳ ନୁହନ୍ତି । ବାହାରେ କାମ କରୁଥିବା ଶ୍ରମିକଙ୍କ  ଅବସ୍ଥାକୁ ନେଇ ହୋଇଥିବା ଏହି ସର୍ଭେରେ ଭାରତ  ମଧ୍ୟ ଉଷ୍ଣ ମଣ୍ଡଳୀୟ ଅଞ୍ଚଳ ମଧ୍ୟରେ ରହୁଛି । ପଶ୍ଚିମରେ ଗୁଜରାଟର କଛ ଠାରୁ ପୂର୍ବରେ ମିଜୋରାମ ଯାଏ ଆସୁଛି । ଭାରତ ମଧ୍ୟ ଉତ୍ତାପ  ବୃଦ୍ଧି ଯୋଗୁ କ୍ଷତି ସହୁଛି । ଅତ୍ୟଧିକ ଉତ୍ତାପ ଯୋଗୁ ୨୦% କାର୍ଯ୍ୟ ସମୟ କ୍ଷତିଗ୍ରସ୍ତ ହେଉଛି ।  

ଉତ୍ତାପ ଅତିରିକ୍ତ ୧% ବୃଦ୍ଧି ହେଲେ ଏକ  ତୃତୀୟାଂଶ ବା ୩୩% କାର୍ଯ୍ୟ ସମୟ କ୍ଷତିଗ୍ରସ୍ତ  ହେବାର ଆଶଙ୍କା କରାଯାଉଛି । ଫଳରେ ଉଷ୍ମ  ମଣ୍ଡଳୀୟ ଅଞ୍ଚଳରେ ରହୁଥିବା ଲୋକଙ୍କ ମଧ୍ୟରୁ  ପ୍ରତି ୮ ଜଣରେ ଜଣେ ଲୋକ ଉତ୍ତାପ ବୃଦ୍ଧି  ଯୋଗୁ କ୍ଷତି ସାମ୍ନା କରିବେ । ଉତ୍ତାପ ଜନୀତ  ଚାପ ଯୋଗୁ ବ୍ୟକ୍ତି ବିଶେଷଙ୍କ କାର୍ଯ୍ୟକ୍ଷମତା ୧୦%  କମିବ । ସେହିଭଳି ତାପମାତ୍ରା ୪୦ ଡିଗ୍ରୀ ରହିଲେ  ବା ଅତ୍ୟଧିକ ଗରମରେ କାର୍ଯ୍ୟକ୍ଷମତା ୭୮% ଯାଏ  ହ୍ରାସ ହେବାର ଆଶଙ୍କା ରହିଛି । 

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.