ନୂଆଦିଲ୍ଳୀ,୧୪।୫: ଇଣ୍ଡୋନେସିଆର ପଶ୍ଚିମ ସୁମାତ୍ରାରେ କୋଲ୍ଡା ଲାଭାର ଫ୍ଲାସ ଫ୍ଲଡ୍‌ ଉଜାଡି ଦେଇଛି ସବୁ କିଛି। ଏହି କାରଣରୁ ୫୨ରୁ ଅଧିକ ଲୋକଙ୍କର ମୃତ୍ୟୁହୋଇଛି। ୩୦୦୦ ରୁ ଅଧିକ ଲୋକଙ୍କୁ ସୁରକ୍ଷିତ ସ୍ଥାନରେ ପହଁଞ୍ଚା ଯାଇଛି। ଏହା କୌଣସି ସାଧାରଣ ବନ୍ୟା ନୁହେଁ। ଏଥିରେ ଥଣ୍ଡା ଲାଭା ସହିତ ପଙ୍କ, ବନ୍ୟା ପାଣି, ବର୍ଷା ସବୁକିଛି ଦେଖିବାକୁ ମିଳିଛି। ଇଣ୍ଡୋନେସିଆ ପାଣିପାଗ ବିଭାଗର କହିବା ଅନୁସାରେ, ଆଗାମୀ ସପ୍ତାହ ପର୍ଯ୍ୟନ୍ତ ଏଭଳି ବର୍ଷା ହେବ। ତେଣୁ ଆଶଙ୍କା ରହିଛି ଯେ, ଫ୍ଲାସ୍ ଫ୍ଲଡ୍, ଭୂସ୍ଖଳନ, କୋଲ୍ଡା ଲାଭା ବୋହିପାରେ। ଏହାଫଳରେ ପଥର ସହ ପାଣି ଓ ଜ୍ବାଳାମୁଖୀ ପାଉଁଶ ମଧ୍ୟ ବୋହିକି ଆସିବ।

କୋଲ୍ଡା ଲାଭାର ଫ୍ଲାସ୍ ଫ୍ଲଡ ଯୋଗୁଁ ପଶ୍ଚିମ ସୁମାତ୍ରାରେ ୩ ଜିଲ୍ଲାର ବିଶେଷ ଭାବରେ ପ୍ରଭାବିତ ହୋଇଛି। ଏହି କୋଲ୍ଡା ଲାଭାକୁ ଇଣ୍ଡୋନେସିଆରେ ଲହାର ନାମରେ ଜଣାଯାଏ। ସାଧାରଣତଃ ଏହା ସକ୍ରିୟ ଜ୍ବାଳାମୁଖୀ ମାଉଣ୍ଟ ମେରାପିରୁ ବୋହି ତଳକୁ ଆସିଥାଏ। ଗତ ବର୍ଷ ଡିସେମ୍ବରରେ ମେରାପିରେ ବିସ୍ଫୋରଣ ଫଳରେ ୨୦ ରୁ ଅଧିକ ଲୋକଙ୍କ ମୃତ୍ୟୁ ହୋଇଥିଲା। 

ଏହାପରେ ମେରାପିରେ ଲଗାତାର ବିସ୍ଫୋରଣ ହେଉଛି। ସେବେଠାରୁ ୫ ୨ ଜଣଙ୍କର ମୃତ୍ୟୁ ହୋଇସାରିଛି,୪୫ ଜଣଙ୍କୁ ଚିହ୍ନଟ କରାଯାଇଛି। ଉଦ୍ଧାରକାରୀ, ପୋଲିସ ଓ ସେନା ଯବାନ ଲଗାତାର ଲୋକଙ୍କ ସନ୍ଧାନରେ ଅଛନ୍ତି। ଏବେ ବି କୋଲ୍ଡ ଲାଭା ଫ୍ଲାସ ଫ୍ଲଡରେ ୧୭ ଜଣ ନିଖୋଜ ଅଛନ୍ତି।