ନୂଆଦିଲ୍ଲୀ: ବୁଧବାର ଉତ୍ତର ପୂର୍ବ ଦିଲ୍ଲୀରୁ କଂଗ୍ରେସର ‘ଘର ଘର ଗ୍ୟାରେଣ୍ଟି’ ଅଭିଯାନର ଶୁଭାରମ୍ଭ କରିଛନ୍ତି ଦଳର ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ।  ଏହି ସମୟରେ ଖଡ଼ଗେ କହିଛନ୍ତି ଯେ, ମୋଦିଙ୍କ ଗ୍ୟାରେଣ୍ଟି ଲୋକଙ୍କୁ ମିଳି ନାହିଁ । ହେଲେ କଂଗ୍ରେସ ଦେଇଥିବା ଗ୍ୟାରେଣ୍ଟି ସମସ୍ତ ଲୋକଙ୍କୁ ମିଳିବ । ଦଳର ଏହି ନିର୍ବାଚନୀ ଅଭିଯାନ ୫ଟି ନ୍ୟାୟ ଏବଂ ୨୫ଟି ଗ୍ୟାରେଣ୍ଟି ଉପରେ ପର୍ଯ୍ୟବେସିତ । 

ଏନେଇ ଘରେ ଘରେ ଯାଇ କଂଗ୍ରେସ ନେତା କାର୍ଡ ଦେବେ । ୮ କୋଟି ଘରେ ପହଞ୍ଚିବାକୁ ଦଳ ଲକ୍ଷ୍ୟ ରଖିଛି । ଖଡ଼ଗେ ଆହୁରି କହିଛନ୍ତି, ଆମ ନେତା ଘରେ ଘରେ ଗ୍ୟାରେଣ୍ଟି କାର୍ଡ ବିତରଣ କରିବେ । ଆମ ସରକାର ଆସିବା ପରେ କିଭଳି କାର୍ଯ୍ୟ କରିବ ସେନେଇ ଲୋକଙ୍କୁ ବୁଝାଇବେ ନେତା । କଂଗ୍ରେସ ଗରିବ ଲୋକଙ୍କ ସହ ସର୍ବଦା ରହିବ ଏବଂ ସେମାନଙ୍କ ପାଇଁ କାର୍ଯ୍ୟ କରିବ । ମୋଦି ଦେଇଥିବା ଗ୍ୟାରେଣ୍ଟି କାର୍ଯ୍ୟକ୍ଷମ ହୋଇପାରିଲା ନାହିଁ ବୋଲି ମଧ୍ୟ ଖଡ଼ଗେ ଅଭିଯୋଗ  କରିଛନ୍ତି । 

आज दिल्ली के नॉर्थ ईस्ट में कांग्रेस अपना गारंटी कार्ड बांटने के लिए आई है।

हमारा संदेश है- कांग्रेस की 5 गारंटी के तहत हम 25 गारंटी पूरी करेंगे।

कांग्रेस के कार्यकर्ता घर-घर जाकर गारंटी कार्ड बांटेंगे और लोगों से मिलकर उन्हें बताएंगे कि INDIA की सरकार बनने पर हम जनता के लिए… pic.twitter.com/jxe092Pcjf

— Congress (@INCIndia) April 3, 2024

ସେ ପ୍ରତି ବର୍ଷ ଦୁଇ କୋଟି ଚାକିରି ଦେବେ ବୋଲି ପ୍ରତିଶ୍ରୁତି ଦେଇଥିଲେ । ହେଲେ ଲୋକଙ୍କୁ ଚାକିରି ମିଳିଲା ନାହିଁ । ସେ ୧୫ ଲକ୍ଷ ଲେଖାଏଁ ଦେବାକୁ କହିଥିଲେ, ଏହି ଗ୍ୟାରେଣ୍ଟି ମଧ୍ୟ ପୂରା କଲେ ନାହିଁ ବୋଲି ଖଡ଼ଗେ ଅଭିଯୋଗ କରିଛନ୍ତି । କଂଗ୍ରେସ ନିଜର ଏହି ଅଭିଯାନ ଜରିଆରେ ୫ଟି ନ୍ୟାୟ ‘ଭାଗିଦାରୀ ନ୍ୟାୟ, ନାରୀ ନ୍ୟାୟ, ଶ୍ରମିକ ନ୍ୟାୟ ଏବଂ ଯୁବ ନ୍ୟାୟ’ ଘୋଷଣା କରିଛି ।