ପ୍ରମୂଖ ଖବର
  • ଭୁବନେଶ୍ଵର : ୨୨ରୁ ବଜେଟ ଅଧିବେଶନ, ସରକାର ବନାମ ନବୀନଙ୍କ ଛାୟା ମନ୍ତ୍ରିମଣ୍ଡଳ ଲଢ଼େଇ
  • ||
  • ଆଜି ରସଗୋଲା ଦିବସ, ଜିଆଇର ୫ ବର୍ଷ ପରେ ବ୍ରାଣ୍ଡିଂ ନାହିଁ, ସରକାର ନିରବ
  • ||

ନିଟ୍‌ ପେପର ଲିକ୍‌ ମାମଲା, ଏନଟିଏ କାର୍ଯ୍ୟାଳୟରେ ପଶି ଆନ୍ଦୋଳନ କଲା କଂଗ୍ରେସ ଛାତ୍ର ସଂଗଠନ

ନୂଆଦିଲ୍ଲୀ: କଂଗ୍ରେସର ଛାତ୍ର ସଂଗଠନ (ଏନଏସୟୁଆଇ)ର ପ୍ରାୟ ୧୦୦ କାର୍ଯ୍ୟକର୍ତ୍ତା ଦିଲ୍ଲୀ ଏନଟିଏ କାର୍ଯ୍ୟାଳୟରେ ହୋହଲ୍ଲା କରିଛନ୍ତି । ଏପରିକି କାର୍ଯ୍ୟାଳୟ ଭିତରୁ ତାଲା ପକାଇ ଦେଇଛନ୍ତି । ନିଟ୍‌-ୟୁଜି ପରୀକ୍ଷାରେ ଅନିୟମିତତା ଏବଂ ପେପର ଲିକ୍‌ ମାମଲାକୁ କେନ୍ଦ୍ର କରି କଂଗ୍ରେସ ବିକ୍ଷୋଭ ପ୍ରଦର୍ଶନ କରିଛି । ନ୍ୟାସନାଲ ଟେଷ୍ଟିଂ ଏଜେନ୍ସି (ଏନଟିଏ) କାର୍ଯ୍ୟାଳୟରେ ଛାତ୍ର କଂଗ୍ରେସ ପକ୍ଷରୁ ଆନ୍ଦୋଳନ କରାଯାଇଛି । 

ଭାଇରାଲ୍‌ ହେଉଥିବା ଭିଡିଓରେ ଦେଖିବାକୁ ମିଳିଛି ଯେ, କଂଗ୍ରେସ ଛାତ୍ର ସଂଗଠନର କାର୍ଯ୍ୟକର୍ତ୍ତାମାନେ ଧାଡ଼ି ହୋଇ ଏନଟିଏ କାର୍ଯ୍ୟାଳୟରେ ପହଞ୍ଚିଛନ୍ତି ଏବଂ ସେଠାରେ ଜୋରଦାର ଆନ୍ଦୋଳନ କରିଛନ୍ତି । ଏନଟିଏ କାର୍ଯ୍ୟାଳୟରେ ପଶି ଭିତର ପଟୁ ତାଲା ପକାଇଦେଇଛନ୍ତି । ଏନଟିଏର ଦୁର୍ନୀତି ଚଳିବ ନାହିଁ ବୋଲି କଂଗ୍ରେସର ଛାତ୍ର ନେତାମାନେ ନାରା ଦେଇଛନ୍ତି । 

ଏପରିକି ‘ଏନଟିଏ ବନ୍ଦ କର, ବନ୍ଦ କର’ ନାରାରେ କମ୍ପିଛି ଏନଟିଏ ପରିସର ।   ଯୁବ କଂଗ୍ରେସ ପକ୍ଷରୁ ସଂସଦ ବାହାରେ ନାରାବାଜି ଏବଂ ଆନ୍ଦୋଳନ ପରେ ଏବେ କଂଗ୍ରେସର ଛାତ୍ର ସଂଗଠନ ପକ୍ଷରୁ ଆନ୍ଦୋଳନ କରାଯାଇଛି ।  ଆଜି ସଂସଦରେ ଉଦବୋଧନ ଦେଇ ନିଟ୍‌ ପରୀକ୍ଷାରେ ପେପର ଲିକ୍‌ର ଦୋଷୀଙ୍କୁ କଠୋର ଶାସ୍ତି ଦିଆଯିବ ବୋଲି କହିଥିଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । 

  • Congress
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.