ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ଯୌନ କେଳେଙ୍କାରୀ ମାମଲାରେ ବଢ଼ିଲା ପ୍ରଜ୍ବଳ ରେବାନ୍ନାଙ୍କ ଅଡ଼ୁଆ

Image Courtesy: businesstoday

ବେଙ୍ଗାଲୁରୁ: କର୍ଣ୍ଣାଟକର ହାଇପ୍ରୋଫାଇଲ୍‌ ଯୌନ କେଳେଙ୍କାରୀ ମାମଲାରେ ଜେଡିଏସ୍‌ ନେତା ପ୍ରଜ୍ବଳ ରେବାନ୍ନାଙ୍କ ଅଡ଼ୁଆ ବଢ଼ିଛି । ଦୁଷ୍କର୍ମ ଏବଂ ଯୌନ ଉତ୍ପୀଡ଼ନ ମାମଲାରେ ତାଙ୍କର ଜେଲ୍‌ ଅବଧି ଆଉ ୧୪ ଦିନ ବଢ଼ାଇ ଦେଇଛନ୍ତି କୋର୍ଟ ।  ଏହା ପରେ ତାଙ୍କୁ କର୍ଣ୍ଣାଟକ ପୋଲିସର ସ୍ବତନ୍ତ୍ର ତଦନ୍ତ ଟିମ୍‌ ପାରାପ୍ପାନା ଅଗ୍ରାହାର ଜେଲ୍‌କୁ ସ୍ଥାନାନ୍ତର କରିଛି । ୩୩ ବର୍ଷୀୟ ପୂର୍ବତନ ସାଂସଦ ପ୍ରଜ୍ବଳ ରେବେନ୍ନାଙ୍କୁ ମେ’ ୩୧ରେ ବେଙ୍ଗାଲୁରୁର କେମ୍ପାଗୌଡା ଅନ୍ତର୍ଜାତୀୟ ଏୟାରପୋର୍ଟରୁ ପୋଲିସ ଗିରଫ କରିଥିଲା । ହାସନ ଲୋକସଭା ନିର୍ବାଚନର ଗୋଟିଏ ଦିନ ପରେ ଏପ୍ରିଲ ୨୭ରେ ପ୍ରଜ୍ବଳ ଜର୍ମାନୀ ଚାଲିଯାଇଥିଲେ । ଏହା ପରେ ଇଣ୍ଟରପୋଲ୍‌ ଦ୍ବାରା ପ୍ରଜ୍ବଳଙ୍କ ବିରୋଧରେ ଏକ ବ୍ଲୁ କର୍ଣ୍ଣର ନୋଟିସ୍‌ ମଧ୍ୟ ଜାରି ହୋଇଥିଲା । 

ଯୌନ କେଳେଙ୍କାରୀ ମାମଲାରେ କର୍ଣ୍ଣାଟକ ସରକାରଙ୍କ ନିର୍ଦ୍ଦେଶ କ୍ରମେ ଏକ ଏସଆଇଟି ଗଠନ ହୋଇଥିଲା । ଏହା ପରେ ମେ ୧୮ରେ ପ୍ରଜ୍ବଳଙ୍କ ବିରୋଧରେ ଜାମିନ ବିହୀନ ଗିରଫ ପରଓ୍ବାନା ଜାରି କରିଥିଲେ କୋର୍ଟ । ତେବେ ଏପ୍ରିଲ ୨୮ରେ ହାସନ ଜିଲ୍ଳାରେ ରେବାନ୍ନାଙ୍କ ବିରୋଧରେ ଏକ ମାମଲା ରୁଜୁ ହୋଇଥିଲା।  ଏହା ପରଠାରୁ ପୂର୍ବତନ ଜେଡିଏସ୍‌ ସାଂସଦ ଖବରରେ ରହିଆସିଛନ୍ତି । 

ସେପଟେ ନିକଟରେ ଲୋକସଭା ନିର୍ବାଚନ ରେଜଲ୍ଟ ସାମ୍ନାକୁ ଆସିଛି।  ପ୍ରଜ୍ବଳ ରେବାନ୍ନା ଏନଡିଏ ପ୍ରାର୍ଥୀ ଭାବରେ ହାସନ ଲୋକସଭାରୁ ନିର୍ବାଚନ ଲଢ଼ି ପରାସ୍ତ ହୋଇଛନ୍ତି ।  ରେବାନ୍ନାଙ୍କ ବିରୋଧରେ ୩ଟି ଯୌନ କେଳେଙ୍କାରୀ ମାମଲା ରୁଜୁ ହୋଇଛି । ଲୋକସଭା ନିର୍ବାଚନ ପୂର୍ବରୁ ଯୌନ ଉତ୍ପୀଡନର ଭିଡିଓ ଥିବା ଏକ ପେନଡ୍ରାଇଭ ଘୁରିବୁଲିଥିଲା । ଯେଉଁଥିରେ ପ୍ରଜ୍ବଳ ରେବନ୍ନା ଥିବା କଥା ମଧ୍ୟ ଅଭିଯୋଗ ରହିଛି ।  

  • Karnataka
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.