ନୀଳଗିରି,୭/୯ : ନୀଳଗିରି ତହସିଲ ଅଧିନ ମିତ୍ରପୁର ନିକଟ ବେଗୁନିଆ ଅଞ୍ଚଳରେ ମାତିଛନ୍ତି ପଥର ମାଫିଆ। ସ୍ପଷ୍ଟ ଦିବାଲୋକର ଲୁଟ୍ କରୁଛନ୍ତି କୋଟି କୋଟି ଟଙ୍କାର ରାଜସ୍ବ। ସେପଟେ ପଥର ଲୁଟ୍ ଦେଖି ନୀଳଗିରି ରାଜସ୍ବ ବିଭାଗ କୋମାକୁ ଚାଲି ଯାଇଥିବା ଅଭିଯୋଗ ଉଠିଛି।
ସୂଚନାଯୋଗ୍ୟ, ନୀଳଗିରି ତହସିଲ ଅଧିନ ବେଗୁନିଆ ପାହାଡ଼ ଏବେ ପଥର ମାଫିଆଙ୍କ କବଜାରେ। ଗ୍ରାମ୍ୟ ଜଙ୍ଗଲ ଓ ବନବିଭାଗର ସ୍ଥାନରେ ଠୁଳ ହୋଇ ରହିଛି କୋଟି କୋଟି ଟଙ୍କାର ପଥର। ପାଖ ବେଗୁନିଆ ପାହାଡ଼ରୁ ଶ୍ରମିକ ଲଗାଇ ପଥର ଟ୍ରାକ୍ଟରରେ ଆଣି ଗୋଟିଏ କିଲୋମିଟର ପରିଧିରେ ଜମା ହୋଇ ରହିଛି। ଏହାକୁ ଭାଙ୍ଗି ମେଟାଲ କରି ଟ୍ରକରେ ବାହାରକୁ ଚାଲାଣ ହେଉଛି। ଏହି ଅଞ୍ଚଳର କିଛି ମାଫିଆମାନେ ଚୋରା କାରବାର କରୁଥିବାର ଅଭିଯୋଗ ହୋଇଛି।
ନିରୀହ ଅଞ୍ଚଳବାସୀଙ୍କୁ କାମ ଦେବା କହି ବେଆଇନ କାର୍ଯ୍ୟରେ ଲଗାଉଛନ୍ତି। ଏଭଳି କଳା କାରବାର ହେଉଥିବା ବେଳେ ପୋଲିସ ନା ବନବିଭାଗ କାହାରି କାର୍ଯ୍ୟାନୁଷ୍ଠାନ ଶୂନ। ଖାଲି ସେତକ ନୁହେଁ କିଛି ନେତାଙ୍କ ଛତ୍ରଛାୟା ତଳେ ଏହି କାରବାର ହେଉଥିବା ବେଳେ କିଛି ନିର୍ଦିଷ୍ଟ ଦଳର କର୍ମୀ ପଥର ମାଫିଆ ସାଜିଥିବା ଅଭିଯୋଗ ଆସିଛି। ରାଜସ୍ୱ ବିଭାଗ ସତେ ଯେପରି କୋମାକୁ ଚାଲି ଯାଉଥିବା ବେଳେ ଗଣମାଧ୍ୟମରେ ପ୍ରଚାର ପ୍ରସାର କଲେ ଯାଇ ଚଢ଼ାଉ କରି ସ୍ୱଳ୍ପ ଜରିମାନା ଧାର୍ଯ୍ୟ କରୁଛନ୍ତି।
କେହି ସାମଗ୍ରୀ ଦାବିଦାର ନଥିଲେ ବାସ ନାଲି ପତାକା ମାରି ନିଜର କର୍ତ୍ତବ୍ୟ ସମ୍ପାଦନ କରୁଛନ୍ତି। ସରକାର କୋଟିକୋଟି ଟଙ୍କାର ରାଜସ୍ୱ ହରାଉଥିବା ବେଳେ ମାଫିଆମାନେ କୋଟିପତି ହେଉଛନ୍ତି। ପୂର୍ବରୁ ଜାତୀୟ ଗ୍ରୀନ୍ ଟ୍ରିବ୍ୟୁନାଲର ଅଧିକାରୀ ଆସି ତଦନ୍ତ କରି ଗଭୀର ଉଦବେଗ ପ୍ରକାଶ କରିଥିଲେ। ପର୍ଯ୍ୟାପ୍ତ ପରିମାଣରେ ପଥର ଗଛିତ ଥିବାବେଳେ ଏହାର ରିପୋର୍ଟ ପ୍ରସ୍ତୁତ କରି ଜିଲ୍ଲା ପ୍ରଶାସନକୁ ଦେଇ କାର୍ଯ୍ୟାନୁଷ୍ଠାନ ନେବାକୁ ନିର୍ଦେଶ ଦେଇଥିଲେ। ହେଲେ ଫଳ ଶୂନ। ଏନେଇ ନୀଳଗିରି ତହସିଲଦାର ଦାୟିତ୍ୱରେ ଥିବା ଅତିରିକ୍ତ ତହସିଲଦାର ପ୍ରଦୀପ ଦାସଙ୍କ ପ୍ରତିକ୍ରିୟା ନେବାରୁ ସେହି ଚିରାଚରିତ ଭଳି ଚଢ଼ାଉ ହେବ ବୋଲି କହିଥିଲେ। ତେବେ ଜିଲ୍ଲାପାଳ ନିଜେ ପଥର ଗୁଡିକ ଚାଲାଣ ହେବା ପୂର୍ବରୁ ନିଜେ ଆସି ପରିଦର୍ଶନ କଲେ ବାସ୍ତବ ଚିତ୍ର ଦେଖି ହୃଦବୋଧ କରିପାରିବେ ବୋଲି କୁହାଯାଉଛି।
ସୂଚନାଯୋଗ୍ୟ, ନୀଳଗିରି ତହସିଲ ଅଧିନ ବେଗୁନିଆ ପାହାଡ଼ ଏବେ ପଥର ମାଫିଆଙ୍କ କବଜାରେ। ଗ୍ରାମ୍ୟ ଜଙ୍ଗଲ ଓ ବନବିଭାଗର ସ୍ଥାନରେ ଠୁଳ ହୋଇ ରହିଛି କୋଟି କୋଟି ଟଙ୍କାର ପଥର। ପାଖ ବେଗୁନିଆ ପାହାଡ଼ରୁ ଶ୍ରମିକ ଲଗାଇ ପଥର ଟ୍ରାକ୍ଟରରେ ଆଣି ଗୋଟିଏ କିଲୋମିଟର ପରିଧିରେ ଜମା ହୋଇ ରହିଛି। ଏହାକୁ ଭାଙ୍ଗି ମେଟାଲ କରି ଟ୍ରକରେ ବାହାରକୁ ଚାଲାଣ ହେଉଛି। ଏହି ଅଞ୍ଚଳର କିଛି ମାଫିଆମାନେ ଚୋରା କାରବାର କରୁଥିବାର ଅଭିଯୋଗ ହୋଇଛି।
ନିରୀହ ଅଞ୍ଚଳବାସୀଙ୍କୁ କାମ ଦେବା କହି ବେଆଇନ କାର୍ଯ୍ୟରେ ଲଗାଉଛନ୍ତି। ଏଭଳି କଳା କାରବାର ହେଉଥିବା ବେଳେ ପୋଲିସ ନା ବନବିଭାଗ କାହାରି କାର୍ଯ୍ୟାନୁଷ୍ଠାନ ଶୂନ। ଖାଲି ସେତକ ନୁହେଁ କିଛି ନେତାଙ୍କ ଛତ୍ରଛାୟା ତଳେ ଏହି କାରବାର ହେଉଥିବା ବେଳେ କିଛି ନିର୍ଦିଷ୍ଟ ଦଳର କର୍ମୀ ପଥର ମାଫିଆ ସାଜିଥିବା ଅଭିଯୋଗ ଆସିଛି। ରାଜସ୍ୱ ବିଭାଗ ସତେ ଯେପରି କୋମାକୁ ଚାଲି ଯାଉଥିବା ବେଳେ ଗଣମାଧ୍ୟମରେ ପ୍ରଚାର ପ୍ରସାର କଲେ ଯାଇ ଚଢ଼ାଉ କରି ସ୍ୱଳ୍ପ ଜରିମାନା ଧାର୍ଯ୍ୟ କରୁଛନ୍ତି।
କେହି ସାମଗ୍ରୀ ଦାବିଦାର ନଥିଲେ ବାସ ନାଲି ପତାକା ମାରି ନିଜର କର୍ତ୍ତବ୍ୟ ସମ୍ପାଦନ କରୁଛନ୍ତି। ସରକାର କୋଟିକୋଟି ଟଙ୍କାର ରାଜସ୍ୱ ହରାଉଥିବା ବେଳେ ମାଫିଆମାନେ କୋଟିପତି ହେଉଛନ୍ତି। ପୂର୍ବରୁ ଜାତୀୟ ଗ୍ରୀନ୍ ଟ୍ରିବ୍ୟୁନାଲର ଅଧିକାରୀ ଆସି ତଦନ୍ତ କରି ଗଭୀର ଉଦବେଗ ପ୍ରକାଶ କରିଥିଲେ। ପର୍ଯ୍ୟାପ୍ତ ପରିମାଣରେ ପଥର ଗଛିତ ଥିବାବେଳେ ଏହାର ରିପୋର୍ଟ ପ୍ରସ୍ତୁତ କରି ଜିଲ୍ଲା ପ୍ରଶାସନକୁ ଦେଇ କାର୍ଯ୍ୟାନୁଷ୍ଠାନ ନେବାକୁ ନିର୍ଦେଶ ଦେଇଥିଲେ। ହେଲେ ଫଳ ଶୂନ। ଏନେଇ ନୀଳଗିରି ତହସିଲଦାର ଦାୟିତ୍ୱରେ ଥିବା ଅତିରିକ୍ତ ତହସିଲଦାର ପ୍ରଦୀପ ଦାସଙ୍କ ପ୍ରତିକ୍ରିୟା ନେବାରୁ ସେହି ଚିରାଚରିତ ଭଳି ଚଢ଼ାଉ ହେବ ବୋଲି କହିଥିଲେ। ତେବେ ଜିଲ୍ଲାପାଳ ନିଜେ ପଥର ଗୁଡିକ ଚାଲାଣ ହେବା ପୂର୍ବରୁ ନିଜେ ଆସି ପରିଦର୍ଶନ କଲେ ବାସ୍ତବ ଚିତ୍ର ଦେଖି ହୃଦବୋଧ କରିପାରିବେ ବୋଲି କୁହାଯାଉଛି।
