ଭୁବନେଶ୍ୱର, ୪।୪: ଅନିୟମିତ ଜୀବନଶୈଳୀ ଓ ଅପମିଶ୍ରିତ ଖାଦ୍ୟ ଆଜିକାଲି ରୋଗର ମୁଖ୍ୟ କାରଣ ସାଜିଛି । ଏବେ ଲୋକଙ୍କ ମଧ୍ୟରେ ଘାତକ ସାଜିଛି ଉଚ୍ଚ ରକ୍ତଚାପ ସମସ୍ୟା । ଏହାର ମୁଖ୍ୟ କାରଣ ହେଉଛି କୋଲେଷ୍ଟ୍ରଲ୍ । ଏହାକୁ ନିୟନ୍ତ୍ରଣ କରିବା ଲାଗି ଅନେକ ସୁଷମ ଖାଦ୍ୟ ରହିଥିଲେ ମଧ୍ୟ ଦହି ସବୁଠୁ ଉତ୍ତମ । ତେବେ ଆସନ୍ତୁ ଜାଣିବା ଦହି ଶରୀର ପାଇଁ କେତେ ଉପକାରୀ । କୋଲେଷ୍ଟ୍ରଲ୍ ମୁଖ୍ୟତଃ ୨ ପ୍ରକାରର । ଏଚଡିଏଲ୍ ଅର୍ଥାତ୍ ହାଇ ଡେନସିଟି ଲିପୋପ୍ରୋଟିନ୍ ଓ ଏଲଡିଏଲ୍ ଅର୍ଥ ଲୋ ଡେନସିଟି ଲିପୋପ୍ରୋଟିନ୍ । ଏଚଡିଏଲ୍କୁ ଉତ୍ତମ କୋଲେଷ୍ଟ୍ରଲ୍ କୁହାଯାଏ । ଏହା ଲିଭରକୁ ସୁସ୍ଥ ରଖିବାରେ ସହାୟତା କରିଥାଏ । ଲୋ ଡେନସିଟି ଲିପୋପ୍ରୋଟିନ୍ କୁହାଯାଏ । ଏହା ଧମନୀରେ ଜମା ହୋଇ ରହିଲେ ବିଭିନ୍ନ ପ୍ରକାର ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିଥାଏ ।
ଲକ୍ଷଣ :
ଏଲଡିଏଲ୍ର ବୃଦ୍ଧି ଯୋଗୁଁ ନାନା ରୋଗ ସୃଷ୍ଟି ହୁଏ । ଯେପରି ହାଇ ବ୍ଲଡ୍ ପ୍ରେସର, ଷ୍ଟ୍ରୋକ୍ ଓ ହାର୍ଟ ଆଟାକ୍ ଭଳି ସମସ୍ୟା ସୃଷ୍ଟି ହୁଏ । ଏଥିସହିତ ଓଜନ ବଢ଼ିବ, ପାଦରେ ଯନ୍ତ୍ରଣା, ଅଧିକ ଝାଳ ବୋହିବା, ତ୍ୱଚା ରଙ୍ଗରେ ପରିବର୍ତ୍ତନ ଓ ଛାତିରେ ଯନ୍ତ୍ରଣା ଅନୁଭବ ହୁଏ ।
ବଢ଼ୁଛି ହାଇକୋଲେଷ୍ଟ୍ରଲ୍ ସମସ୍ୟା :
ଆଜିକାଲି ହାଇ କୋଲେଷ୍ଟ୍ରଲ୍ ସମସ୍ୟା ବହୁଳ ଭାବରେ ବଢ଼ିବାରେ ଲାଗିଛି । ଧମନୀରେ ଫ୍ୟାଟ୍ ଜମା ହେବା କାରଣରୁ ରକ୍ତ ସଞ୍ଚାଳନ ଉପରେ ପ୍ରଭାବ ପଡ଼ିଥାଏ । ଏହି କାରଣରୁ ରକ୍ତଚାପ ଓ ହୃଦ୍ସମସ୍ୟା ବଢ଼ିଯାଇଥାଏ ।
ଦହି ଖାଆନ୍ତୁ :
ହାଇ କୋଲେଷ୍ଟ୍ରଲ୍କୁ ନିୟନ୍ତ୍ରଣରେ ରଖିବା ପାଇଁ ପ୍ରତିଦିନ ଖାଦ୍ୟରେ ଦହି ସାମିଲ କରିପାରିବେ । ଦହି କୋଲେଷ୍ଟ୍ରଲ୍କୁ କମ୍ କରିବାରେ ମହତ୍ତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ଏନଆଇଏଚ୍ ରିପୋର୍ଟ ଅନୁସାରେ, ଦହି ଖାଇବା ଦ୍ୱାରା ବ୍ୟାଡ୍ କୋଲେଷ୍ଟ୍ରଲ୍ ନିୟନ୍ତ୍ରଣ ରହିଥାଏ । ଦହିରେ ଭିଟାମିନ୍ ସି ଟ୍ରାଇଗ୍ଲିସରାଇଡ୍ସ, ଫାଷ୍ଟିଗ୍, ଗ୍ଲୁକୋଜ୍ ରହିଥାଏ, ଯାହା ଇନସୁଲିନ୍ ନିୟନ୍ତ୍ରଣରେ ରଖେ ଓ ରକ୍ତଚାପ ନିୟନ୍ତ୍ରଣରେ ରହିଥାଏ ।
ବହୁ ରୋଗ ଲାଗି ଉପକାରୀ :
ଦହି ଶରୀର ପାଇଁ ଖୁବ୍ ଉପକାରୀ । ଏହା କୋଲେଷ୍ଟ୍ରଲ୍ ସହିତ ଅନ୍ୟ ବହୁ ରୋଗରୁ ମୁକ୍ତି ଦେଇଥାଏ । ପାଚନ କ୍ରିୟାକୁ ଠିକ୍ ରଖିଥାଏ । ପେଟ ସମସ୍ୟା ଦୂର କରେ । ଖରାଦିନେ ଲୁରୁ ରକ୍ଷା କରେ । ଏଥିସହିତ ମୋଟାପଣ ହ୍ରାସ କରିବାରେ ସାହାଯ୍ୟ କରେ ।