ଖୁଣ୍ଟା,୨।୫ ମୟୂରଭଞ୍ଜ ଜିଲ୍ଲା ଶିମିଳିପାଳ ଅଭୟାରଣ୍ୟରେ ଆଜି ଆଉ ଏକ ହାତୀ ଶାବକର ମୃତ ଦେହକୁ ବନ ବିଭାଗ ଠାବ କରିଛି। ଡୁକୁରା ଓ୍ବାଲ୍ଡଲାଇଫ୍ ରେଞ୍ଜ ଅନ୍ତର୍ଗତ ବହଳଦା ସେକସନ୍ର ଶିମିଳିପାଳ ଅଭୟାରଣ୍ୟ ମଧ୍ୟରେ ଏକ ହାତୀ ଶାବକର ମୃତ ଦେହକୁ ବନବିଭାଗ ଠାବ କରିଛି। 

ମୟୂରଭଞ୍ଜ ଜିଲ୍ଲାରେ ୪୪ ଡିଗ୍ରୀ ରୁ ୪୬ ଡିଗ୍ରୀ ତାପମାତ୍ରା ରେକର୍ଡ ସୃଷ୍ଟି କରିଥିବା ବେଳେ ଶିମିଳିପାଳ ଅଭୟାରଣ୍ୟରେ ଲଗାତାର ନିଆଁ ଲାଗି ଜଙ୍ଗଲ ଜଳି ଚାଲିଛି। ଏପଟେ ନିଆଁ କୁ ନିୟନ୍ତ୍ରଣ କରିବା ଲାଗି ବନ ବିଭାଗ ଅହରହ ଚେଷ୍ଟା ଜାରି ରଖିଥିବା ବେଳେ ଆଜି ନିଆଁ ଲିଭାରେ ନିୟୋଜିତ ଥିବା ଏବଂ  ପାଟ୍ରୋଲିଂ ରେ ଥିବା ବନ କର୍ମଚାରୀମାନେ ବହଳଦା ସେକସନ୍ ଅଧିନ ଶିମିଳିପାଳ ଅଭୟାରଣ୍ୟ ମଧ୍ୟରୁ ଏକ ଶାବକ ହାତୀର ମୃତଦେହ ଦେଖିବାକୁ ପାଇଥିଲେ। ହାତୀଟି ଦିନେ କି ଦୁଇଦିନ ହେବ ମରି ପଡିଥିବାର ବିଭାଗୀୟ ପକ୍ଷରୁ ଅନୁମାନ କରାଯାଉଛି। ତେବେ ଠାବ ହୋଇଥିବା ମୃତ ହାତୀର କାରଣ ଜଣାପଡି  ନାହିଁ। ତେବେ ରିପୋର୍ଟ ଲେଖା ହେବା ଯାଏଁ ମୃତ ଶାବକ ହାତୀଟି ଅଭୟାରଣ୍ୟ ନିକଟରେ ଥିବା ବେଳେ ବନ ବିଭାଗ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି  ତଦନ୍ତ ଜାରି ରଖିଛି।