ରାଉରକେଲା, ୦୯/୧୨ : ନାଳରୁ ବୃଦ୍ଧଙ୍କ ମୃତଦେହ ଉଦ୍ଧାର। ରାଉରକେଲା ସେକ୍ଟର-୧୮ ଇସ୍ପାତ ହାଟ ନାଳରୁ ଜଣେ ୬୭ ବର୍ଷୀୟ ବୃଦ୍ଧଙ୍କ ମୃତଦେହ ଉଦ୍ଧାର ହୋଇଛି। ଖବର ପାଇ ଘଟଣା ସ୍ଥଳରେ ସେକ୍ଟର -୧୫ ପୋଲିସ ପହଞ୍ଚି ମୃତଦେହ ଉଦ୍ଧାର କରିଛି।
ସୂଚନାନୁଯାୟୀ, ଶନିବାର ସକାଳୁ ଇସ୍ପାତ ହାଟ ନାଳରେ ଜଣେ ବୃଦ୍ଧଙ୍କ ମୃତଦେହ ଭାସୁଥିବାର ଲୋକେ ଦେଖି ପୋଲିସକୁ ଖବର ଦେଇଥିଲେ । ଖବର ପାଇ ଘଟଣା ସ୍ଥଳରେ ସେକ୍ଟର -୧୫ ପୋଲିସ ପହଞ୍ଚି ଥିଲା । ପୋଲିସ ନାଳରୁ ମୃତଦେହ ଉଦ୍ଧାର କରି ଶବ ବ୍ୟବଛେଦ ପାଇଁ ପଠାଇଛି। ମୃତ ବ୍ୟକ୍ତି ହେଉଛନ୍ତି ସେକ୍ଟର-୧୪, Q- ନମ୍ବର B/୧୫୫ ରେ ରହୁଥିବା ଷ୍ଟିଲ ପ୍ଲାଣ୍ଟର ଅବସରପ୍ରାପ୍ତ ଅଗପିତ ଏକ୍କା। ଅଗପିତ୍ ଗତ ୩ ତାରିଖରୁ ନିଖୋଜ ଥିଲେ। ପରିବାର ଲୋକେ ଗତ ୫ ତାରିଖରେ ସେକ୍ଟର -୧୫ ଥାନାରେ ଅଭିଯୋଗ କରିଥିଲେ। ଆଜି ନାଳରୁ ମୃତଦେହ ଉଦ୍ଧାର ହୋଇଛି। ପୋଲିସ ପ୍ରଥମେ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।