ଦେବଗଡ଼, ୧୬/୦୧ : ଧାନମଣ୍ଡିରେ ଅବ୍ୟବସ୍ଥା ଓ ଚାଷୀ ମରଣ ନୀତିକୁ ବିରୋଧ କରି କଂଗ୍ରେସର ଆଜି ଦେବଗଡ଼ ଜିଲ୍ଲା ୧୨ ଘଣ୍ଟିଆ ବନ୍ଦ ଡାକରା। ସକାଳୁ ଦେବଗଡ଼ ସମେତ ରିଆମାଳ, ବାରକୋଟ, ତିଳେଇବଣିରେ ଜିଲ୍ଲା ସଭାପତି ସେମ ହେମ୍ବ୍ରମଙ୍କ ନେତୃତ୍ୱରେ ବନ୍ଦ ପାଳନ ହେଉଛି l ସମସ୍ତ ଯାନବାହାନ, ଦୋକାନ ବଜାର, ସ୍କୁଲ କଲେଜ ସରକାରୀ ବେସରକାରୀ କାର୍ଯ୍ୟାଳୟ, ବ୍ୟାଙ୍କ ଆଦି ବନ୍ଦ ରହିବ ବୋଲି ସୂଚନା ଦିଆଯାଇଛି l 

ସେହିଭଳି ଆଜି ସକାଳୁ ରିଆମାଳ ସଦର ମହାକୁମା ବଜାର ଛକ ଠାରେ ଜାତୀୟ ରାଜପଥ ୫୩କୁ ଧାନବସ୍ତା ରଖି ଅବରୋଧ କରାଯାଇ ଆନ୍ଦୋଳନ ବ୍ଲକ ସଭାପତି ସୁଶାନ୍ତ ସ୍ୱାଇଁଙ୍କ ନେତୃତ୍ୱରେ ଚାଲିଛି l ସକାଳୁ ସମସ୍ତ ଦୋକାନ ବଜାର ବନ୍ଦ ଥିବାବେଳେ ବହୁ ଯାନବାହାନ ଅଟକି ରହିଛି l ରିଆମାଳ ଥାନା ଅଧିକାରୀ ସରସ୍ବତୀ ଟୁଡୁ ଏବଂ ପୁଲିସ ଆନ୍ଦୋଳନ ସ୍ଥଳରେ ଉପସ୍ଥିତ ଅଛନ୍ତି l