ପ୍ରମୁଖ ଖବର
  • ପଦ୍ମ ଧରିଲେ ପ୍ରଶାନ୍ତ ଜଗଦେବ, ବିଜେଡିରୁ ହୋଇଥିଲେ ୨ ଥରର ବିଧାୟକ
  • ||
  • ରତ୍ନଭଣ୍ଡାର ଅଳଙ୍କାର ଲିଷ୍ଟ ପାଇଁ କମିଟି ଗଠନ, ୧୨ ଜଣିଆ କମିଟି ଗଠନ ନେଇ ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • ଶ୍ରୀମନ୍ଦିର ପରିଚାଳନା କମିଟି ବୈଠକ ଆରମ୍ଭ, ମହାରାଜ ଗଜପତିଙ୍କ ଅଧ୍ୟକ୍ଷତାରେ ବସିଛି ମିଟିଂ
  • ||
  • ମାର୍ଚ୍ଚ ୫​‌ରେ ଓଡ଼ିଶା ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ଚଣ୍ଡିଖୋଲର ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||
  • ହିମାଚଳର ୬ ବିଦ୍ରୋହୀ କଂଗ୍ରେସ ବିଧାୟକଙ୍କ ସଦସ୍ୟତା ରଦ୍ଦ
  • ||
  • ଉଦଳା: ସ୍କୁଟି- ବାଇକ୍ ଧକ୍କାରେ ଚାଲିଗଲା ୩ ଜଣ ଜୀବନ
  • ||
  • ୧୦ ବର୍ଷର ପ୍ରତୀକ୍ଷାର ଅନ୍ତ: ଆଜି ବକ୍ସ ଡ୍ରେନ୍‌ ଲୋକାର୍ପଣ କରିବେ ମୁଖ୍ୟମନ୍ତ୍ରୀ, ୪୫୦ କୋଟିରେ ହୋଇଛି ନିର୍ମାଣ
  • ||
  • ଭିଜିଲାନ୍ସ ଜାଲରେ ରାଉରକେଲା ESIC ସିନିଅର ଆସିଷ୍ଟାଣ୍ଟ ଅଭିରାମ ସାହୁ, ଲାଞ୍ଚ ନେବା ବେଳେ ଧରାପଡ଼ିଲେ
  • ||
  • ବିଜେପି ସିଇସିର ପ୍ରଥମ ବୈଠକ: ଆଜି ୧୨୦ ପ୍ରାର୍ଥୀଙ୍କ ତାଲିକା ଜାରି କରିପାରେ ଦଳ
  • ||
  • ପଦ୍ମ ଧରିବେ ପ୍ରଶାନ୍ତ, ମନ୍ମଥ ! ଖୁବଶୀଘ୍ର ହୋଇପାରେ କିଛି ବଡ଼ ଘୋଷଣା
  • ||
  • ଜଳ ସମ୍ପଦ ବିଭାଗ କନିଷ୍ଠ ଯନ୍ତ୍ରୀଙ୍କ ଆତ୍ମହତ୍ୟା, ଫ୍ୟାନ୍‌ରେ ଝୁଲିପଡିଲେ ପ୍ରଦୀପ କୁମାର ଘୋଷ
  • ||
  • ସରିବ ଖଣ୍ଡଗିରି ଯାତ୍ରା ମହାକୁମ୍ଭ, ଆଜି ବିଦାୟ ନେବେ ୬ ଅପେରା ପାର୍ଟି
  • ||
  • ଟ୍ରକ୍ ସହ ବସ୍ ମୁହାଁମୁହିଁ ଧକ୍କା, ଜଣେ ମୃତ ୬ ଗୁରୁତର
  • ||
  • WPL-2024: ବିଜୟ ଖାତା ଖୋଲିଲା ୟୁପି ଓ୍ୱାରିୟର୍ସ, ୭ ୱିକେଟ୍‌ରେ ହାରିଲା ମୁମ୍ବାଇ ଇଣ୍ଡିଆନ୍ସ
  • ||
  • ଝଲସୁଛି ଉତ୍କଳ ବିଶ୍ୱବିଦ୍ୟାଳୟ, ୫୩ତମ ସମାବର୍ତ୍ତନ ଉତ୍ସବରେ ଯୋଗଦେବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ
  • ||
  • ରାଜ୍ୟର ୫ ଜିଲ୍ଲାରେ ହାଲୁକା ବର୍ଷା ସମ୍ଭାବନା, ଉପକୂଳ ଓଡ଼ିଶାରେ ବଢ଼ିବପାରେ ତାତି
  • ||

ଦେବସ୍ମିତା ହେବେ ଆଳିରୁ କଂଗ୍ରେସ ପ୍ରାର୍ଥୀ ! ସରକାରୀ ଚାକିରିରୁ ଦେଲେ ଇସ୍ତଫା ‌

କେନ୍ଦ୍ରାପଡ଼ା,୧୩/୦୨: ରାଜକନିକା ବ୍ଲକ୍‌ ଅଧୀନ କଣ୍ଡିଆହାଟ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତର ଭାବେ କାର୍ଯ୍ୟରତ ଦେବସ୍ମିତା ଶର୍ମା  ସରକାରୀ ଚାକିରିରୁ ଇସ୍ତଫା ଦେଇଛନ୍ତି । ସେ ତାଙ୍କ ଇସ୍ତଫାପତ୍ର ରାଜକନିକା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ମେଡିକାଲ ଅଫିସରଙ୍କୁ ପ୍ରଦାନ କରିଛନ୍ତି। ଦେବସ୍ମିତା ଆଳିର ପୂର୍ବତନ ବିଧାୟକ ତଥା କଂଗ୍ରେସର ଟାଣୁଆ ନେତା ଦେବେନ୍ଦ୍ର ଶର୍ମାଙ୍କ ଝିଅ । ଦେବେନ୍ଦ୍ର ଦୀର୍ଘଦିନ ଧରି କଂଗ୍ରେସ ଜିଲ୍ଲା ସଭାପତି ଦାୟିିତ୍ୱରେ ମଧ୍ୟ ଥିଲେ । ଦେବସ୍ମିତା ଚାକିରି ଛାଡ଼ି ରାଜନୀତିରେ ଯୋଗଦେବା କଥା ଅନେକ ଦିନୁ ଚର୍ଚ୍ଚା ହେଉଥିବା ବେଳେ ସୋମବାର ସ୍ପଷ୍ଟ ହୋଇଯାଇଛି । ଆଳି ନିର୍ବାଚନମଣ୍ଡଳୀରୁ କଂଗ୍ରେସ ତାଙ୍କୁ ପ୍ରାର୍ଥୀ କରିବ ବୋଲି ଆପାତତଃ ସ୍ଥିର ହୋଇଥିବା ତାଙ୍କ ବାପା ଶ୍ରୀ ଶର୍ମା ସୂଚନା ଦେଇଛନ୍ତି । ଏବେ କଂଗ୍ରେସରେ କାହାର ଟିକେଟ୍‌ ଚୂଡ଼ାନ୍ତ ହୋଇନାହିଁ । ଦେବସ୍ମିତା ଆବେଦନ କରିସାରିଛନ୍ତି । ତାଙ୍କୁ ଟିକେଟ୍‌ ମିଳିବା ଏକପ୍ରକାର ନିଶ୍ଚିତ ବୋଲି ଶ୍ରୀ ଶର୍ମା କହିଛନ୍ତି । ସାମାଜିକ ଗଣମାଧ୍ୟମ ଫେସ୍‌ବୁକ୍‌ରେ ବାପା ଦେବେନ୍ଦ୍ରଙ୍କ ବଦଳରେ ଝିଅ ଦେବସ୍ମିତା ଆଳିରୁ କଂଗ୍ରେସର ମଙ୍ଗ ଧରୁଥିବା ନେଇ ଦଳୀୟ କର୍ମୀମାନେ ସୋମବାର ପୋଷ୍ଟ ମଧ୍ୟ କରିଥିବା ଦେଖିବାକୁ ମିଳିଛି । 

ଦେବସ୍ମିତା ଜଣେ ମେଧାବୀ ଛାତ୍ରୀ । ସେ ଇନ୍ଦୋରସ୍ଥିତ ଇଣ୍ଡେକ୍ସ ମେଡିକାଲ କଲେଜରୁ ଏମ୍‌ବିବିଏସ୍‌ ଡିଗ୍ରୀ ହାସଲ କରିବା ପରେ ୨୦୨୦ ମସିହାରେ ଆଳି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଡାକ୍ତର ଭାବେ କାର୍ଯ୍ୟରେ ଯୋଗଦାନ କରିଥିଲେ । ପରେ କୋରାପୁଟର କୋଟପାଡ଼ ସ୍ୱାସ୍ଥ୍ୟକେନ୍ଦ୍ରରେ ବର୍ଷାଧିକ କାଳ କାର୍ଯ୍ୟ କରିବା ପରେ କେନ୍ଦ୍ରାପଡ଼ାକୁ ଫେରିଥିଲେ । କଣ୍ଡିଆହାଟ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରର ଡାକ୍ତର ଭାବେ ତାଙ୍କୁ ନିଯୁକ୍ତି ଦିଆଯାଇଥିଲା । ସେ ପାଠପଢ଼ା ସମୟରେ କଂଗ୍ରେସ ରାଜନୀତି ସହ ଓତଃପ୍ରୋତ ଭାବେ ଜଡ଼ିତ ଥିଲେ । ଯୁବ କଂଗ୍ରେସର ଜଣେ ସକ୍ରିୟ ସଦସ୍ୟ ଭାବେ ଗର୍ଜନ ସମାବେଶର ମଙ୍ଗ ଧରି ଚର୍ଚ୍ଚାକୁ ମଧ୍ୟ ଆସିଥିଲେ । ବିଗତ ବିଧାନସଭା ନିର୍ବାଚନ ସମୟରେ ବାପାଙ୍କ ପାଇଁ ମଧ୍ୟ ସେ ପ୍ରଚାର ମଇଦାନକୁ ଓହ୍ଲାଇଥିଲେ । ବିଭିନ୍ନ ସମୟରେ ବାପାଙ୍କୁ ରାଜନୈତିକ ପରାମର୍ଶ ବି ଦେଉଥିଲେ । 

ଦେବସ୍ମିତାଙ୍କ ଜେଜେବାପା ତଥା ଦେବେନ୍ଦ୍ରଙ୍କ ବାପା ଦିବାକର ନାଥ ଶର୍ମା କଂଗ୍ରେସ ଟିକେଟ୍‌ରୁ ବିଧାୟକ ନିର୍ବାଚିତ ହୋଇଥିଲେ । ଆଳି ନିର୍ବାଚନ ମଣ୍ଡଳୀରେ ମୁଖ୍ୟତଃ ବିଜେଡି ଓ କଂଗ୍ରେସ ମଧ୍ୟରେ ମୁହାଁମୁହିଁ ଲଢ଼େଇ ଦେଖିବାକୁ ମିଳିଛି । ବିଜେପି ଏଠାରେ ତୃତୀୟ ସ୍ଥାନରେ ଅଛି । ୨୦୧୪ ନିର୍ବାଚନରେ ଦେବେନ୍ଦ୍ର କଂଗ୍ରେସ ଟିକେଟ୍‌ରେ ଏଠାରୁ ବିଜୟ ଲାଭ କରିଥିଲେ । ଶାସକ ଦଳର ହେଭିୱେଟ୍‌ ନେତା ପ୍ରତାପ କେଶରୀ ଦେବଙ୍କୁ ସେ ପରାସ୍ତ କରି ବିଜୟର ଟିକା ପିନ୍ଧିଥିଲେ । ହେଲେ ୨୦୧୯ ମସିହାରେ ତାଙ୍କୁ ପରାଜୟର ସାମ୍‌ନା କରିବାକୁ ପଡ଼ିଥିଲା ।

  • prameyanews
  • PrameyaOdia
  • prameya
  • General Election 2024
  • Odisha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.