ଭୁବନେଶ୍ବର, ୨୮।୪ : କଂଗ୍ରେସ  ଓଡିଶାର ୨ଟି ଲୋକସଭା ଓ ୮ଟି ବିଧାନସଭା ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରିଛି।  ବିଜେଡି ଛାଡି କଂଗ୍ରେସରେ ଯୋଗ ଦେଇଥିବା ନଗେନ୍ଦ୍ର ପ୍ରଧାନଙ୍କୁ ସମ୍ବଲପୁର ଆସନରୁ ପ୍ରାର୍ଥୀ କରିଛି। ସେହିପରି କଟକ ଲୋକସଭା ଆସନ ପାଇଁ ସୁରେଶ ମହାପାତ୍ର ପ୍ରାର୍ଥୀ ହୋଇଛନ୍ତି। 

 ସେହିପରି ୮ଟି ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା କରିଛି। ବାରବାଟି-କଟକ ଆସନରୁ ମହମ୍ମଦ ମୋକିମଙ୍କ ଝିଅ ସୋଫିଆ ଫିର୍ଦୋସଙ୍କୁ  ଟିକେଟ ମିଳିଛି। ବାରିପଦା ଓ ଖଣ୍ଡପଡା ଆସନରେ ପ୍ରାର୍ଥୀ ପରିବର୍ତ୍ତନ କରିଛି। ବାରିପଦା ଆସନରେ  ପୂର୍ବରୁ ବାଦଲ ହେମ୍ବ୍ରମଙ୍କୁ ପ୍ରାର୍ଥୀ କରିଥିବା ବେଳେ ଏଥିରେ ପରିବର୍ତ୍ତନ କରି ପ୍ରମୋଦ କୁମାର ହେମ୍ବ୍ରମଙ୍କୁ ପ୍ରାର୍ଥୀ କରିଛି। ଜଳେଶ୍ବର ଦେବୀ ପ୍ରଶନ୍ନ ଚାନ୍ଦ, ବାଲେଶ୍ବର ମୋନାଲିସା ଲେଙ୍କା,  ବଡଚଣା ଅଜୟ ସାମଲ, ପାଲଲହଡା ଫକିର ସାମଲ, ଜଗତସିଂହପୁର ପ୍ରତିମା ମଲ୍ଲିକଙ୍କୁ ପ୍ରାର୍ଥୀ କରିଛି।  ସେହିପରି ଖଣ୍ଡପଡାରେ କଂଗ୍ରେସ ପ୍ରାର୍ଥୀ ପରିବର୍ତ୍ତନ କରିଛି। ସେଠାରେ ମନୋଜ କୁମାର ପ୍ରଧାନଙ୍କୁ ପରିବର୍ତ୍ତନ କରି ବୈଜୟନ୍ତିମାଲା ମହାନ୍ତିଙ୍କୁ କଂଗ୍ରେସ ପ୍ରାର୍ଥୀ କରିଛି। 

ଆହୁରି ପଢନ୍ତୁ : ମୋଦିଙ୍କ ବିକାଶ କାର୍ଯ୍ୟକାରୀ କରିବା ପାଇଁ ଓଡ଼ିଶାରେ ବିଜେପି ସରକାର ଦରକାର : ନଡ୍ଡା