ପ୍ରମୁଖ ଖବର
  • କଂଗ୍ରେସ ସ୍କ୍ରିନିଂ କମିଟି ବୈଠକ, ୧୫ ସୁଦ୍ଧା ଘୋଷେଣା ହେବ ପ୍ରାର୍ଥୀ ତାଲିକା
  • ||
  • କ୍ୟାପିଟାଲ ହସ୍ପିଟାଲରେ ମହିଳାଙ୍କୁ ଦୁର୍ବ୍ୟବହାର, ଧାରଣାରେ ବସିଲେ ସିକ୍କ୍ୟୁରିଟ୍ ଓ ସଫୋଇ କର୍ମୀ
  • ||
  • ବିଜେଡି ଛାଡିଲେ ପୂର୍ବତନ ରାଜ୍ୟ ଯୁବ ଉପସଭାପତି ରାକେଶ ନାୟକ
  • ||
  • ଆଜି ଆସିବ ବିଜେପି ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା, ଘୋଷଣା ହୋଇପାରେ ୨୫ ପ୍ରାର୍ଥୀଙ୍କ ନା
  • ||
  • ରୋଷେୟାକୁ ହାଣିଲା ହୋଟେଲ ମାଲିକ, ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ଅବକାରୀ ବିଭାଗ ହାଜତରେ ଥାର୍ଡ ଡିଗ୍ରୀ ! ମଦ ବ୍ୟବସାୟୀ ଗୁରୁତର, ହତ୍ୟା ଉଦ୍ୟମ ଅଭିଯୋଗ
  • ||
  • ବେଲଗାମ ବୟାନ ଉପରେ ଲାଗିବ ଅଙ୍କୁଶ, ନିର୍ବାଚନ କମିଶନ ଆଣିବେ ନୂଆ ମାର୍ଗଦର୍ଶିକା
  • ||
  • ମାର୍ଗଦର୍ଶିକା ଜାରି କଲେ କେନ୍ଦ୍ର ସରକାର ଇସ୍ରାଏଲ, ଇରାନକୁ ଯାତ୍ରା ବାରଣ
  • ||
  • ୭୭ବର୍ଷରେ ପାଦ ଦେଲା ସ୍ୱପ୍ନର ସହର ଭୁବନେଶ୍ୱର, ୧୯୪୮ ମସିହାରେ ହୋଇଥିଲା ଗଠନ
  • ||
  • IPL 2024: ପଞ୍ଜାବ କିଙ୍ଗ୍‌ସ- ରାଜସ୍ଥାନ ରୟାଲ୍ସ ମୁକାବିଲା, ମୁଲନପୁରରେ ହେବ ପେସ୍‌ ଟେଷ୍ଟ୍‌
  • ||
  • ଶନିବାରଠୁ ୬ ଦିନ ଜଳାଇବ ତାତି, ୬ରୁ ୮ ଡିଗ୍ରୀ ବଢ଼ିଯିବ ତାପମାତ୍ରା;୧୪ରୁ ପୁଣି ନିର୍ଘାତ ଖରା
  • ||

୧୬୬ ରନରେ ଅଲଆଉଟ୍‌ ଦିଲ୍ଲୀ, ୧୦୬ ରନ୍‌ରେ ଜିତିଲା କୋଲକାତା

Image Courtesy: espncricinfo

ବିଶାଖାପାଟନମ୍‌:  କୋଲକାତା ନାଇଟ ରାଇଡର୍ସ (କେକେଆର) ପାଖରୁ ଶୋଚନୀୟ ପରାଜୟ ଭୋଗିଲା ଦଲ୍ଲୀ କ୍ୟାପିଟାଲ୍ସ (ଡିସି) । ୧୦୬ ରନ୍‌ରେ ମ୍ୟାଚ୍‌ ଜିତିନେଲା କୋଲକାତା । ୨୭୩ ରନ୍‌ର ପିଛା କରିବାକୁ ପଡ଼ିଆକୁ ଓହ୍ଲାଇଥିବା ଦିଲ୍ଲୀ ୧୭.୨ ଓଭରରେ ସମସ୍ତ ଓ୍ବିକେଟ ହରାଇ ୧୬୬ ରନ୍‌ରେ ଅଟକିଯାଇଛି । ଦିଲ୍ଲୀ ପକ୍ଷରୁ ଅଧିନାୟକ ଋଷଭ ପନ୍ତ ୫୫ ରନ୍‌ କରିଥିବା ବେଳେ ତ୍ରିଷ୍ଟାନ ଷ୍ଟବ୍ସ ୫୪ ରନ୍‌ କରିପାରିଥିଲେ । ଏହି ଦୁଇ ବ୍ୟାଟରଙ୍କୁ ବାଦ ଦେଲେ ଅନ୍ୟ କେଉଁ ଖେଳାଳି ଭଲ ପ୍ରଦର୍ଶନ କରିପାରି ନଥିଲେ । ଫଳରେ ଦିଲ୍ଲୀକୁ ଶୋଚନୀୟ ପରାଜୟର ସାମ୍ନା କରିବାକୁ ପଡ଼ିଛି । 

ସେପଟେ ଆଜି ଆଇପିଏଲ ଇତିହାସରେ କେକେଆର ଦ୍ବିତୀୟ ସର୍ବାଧିକ ରନ୍‌ ସ୍କୋର କରିଛି । ନିର୍ଦ୍ଧାରିତ ଓଭରରେ ୭ ଓ୍ବିକେଟ ହରାଇ ଦଳ ୨୭୨ ରନ୍‌ କରିଥିଲା । ଆଜିର ମ୍ୟାଚ୍‌ରେ ଟସ୍‌ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା କେକେଆର । ଏହି ନିଷ୍ପତ୍ତି ଦଳକୁ ଫାଇଦା ମଧ୍ୟ ଦେଇଥିଲା । ବିଶାଖାପାଟନମର ରାଜାଶେଖର ରେଡ୍ଡୀ ଷ୍ଟାଡିୟମରେ ଖେଳାଯାଇଥିବା ୧୬ ତମ ମ୍ୟାଚ୍‌ରେ କେକେଆର ରନ୍‌ ବର୍ଷା କରିବା ସହ ଦିଲ୍ଲୀ କ୍ୟାପିଟାଲ୍ସ ସାମ୍ନାରେ ୨୭୨ ରନ୍‌ର ବିଶାଳ ବିଜୟ ଲକ୍ଷ୍ୟ ରଖିଥିଲା । ହେଲେ ଦିଲ୍ଲୀ ୧୬୬ ରନ୍‌ କରି ଅଲଆଉଟ୍‌ ହୋଇଛି ।  

 କେକେଆର ବୋଲର ଦିଲ୍ଲୀକୁ ଭାରୀ ପଡ଼ିଥିଲେ । ବୈଭବ ଆରୋରା ଏବଂ ବରୁଣ ଚକ୍ରବର୍ତ୍ତୀ ୩ଟି ଲେଖାଏଁ ଓ୍ବିକେଟ ନେଇଥିଲେ । ମିଚେଲ ଷ୍ଟାର୍କ ଦୁଇଟି ଓ୍ବିକେଟ ନେଇଥିବା ବେଳେ ଆଣ୍ଡ୍ରେ ରସେଲ ଏବଂ ସୁନୀଲ ନାରାୟଣ ଗୋଟିଏ ଗୋଟିଏ ଓ୍ବିକେଟ ନେବାରେ ସଫଳ ହୋଇଥିଲେ । 

 ଆଜିର ମ୍ୟାଚ୍‌ରେ ସୁନୀଲ ନାରାୟଣ ଦମଦାର ପ୍ରଦର୍ଶନ କରିଥିଲେ । ୩୯ ବଲ୍‌ରେ ୭ ଛକା ଏବଂ ୭ ଚୌକା ସହ ୮୫ ରନ୍‌ କରିଥିଲେ ସୁନୀଲ । ସେହିଭଳି ରଘୁବଂଶୀ ୫୪ ରନ୍‌ କରିଥିବା ବେଳେ ଆଣ୍ଡ୍ରେ ରସେଲ ୪୧ ରନ୍‌ କରିଥିଲେ । ଦିଲ୍ଲୀ ବିପକ୍ଷରେ ରିଙ୍କୁ ସିଂହ ଚମତ୍କାର ପ୍ରଦର୍ଶନ କରିଥିଲେ  । ୮ ବଲ୍‌ରେ ୨୬ ରନ୍ କରି ପ୍ୟାଭିଲିୟନ୍‌ ଫେରିଥିଲେ ରିଙ୍କୁ । ସେପଟେ ଦିଲ୍ଲୀର ଏନରିଚ୍‌ ନୋର୍ଟଜେ ସର୍ବାଧିକ ୩ଟି ଓ୍ବିକେଟ ନେଇଥିଲେ । ଇଶାନ୍ତ ଶର୍ମା ବହୁତ ଭଲ ବୋଲିଂ କରି ଦର୍ଶକଙ୍କ ହୃଦୟ ଜିଣିଥିଲେ । ୪୩ ରନ୍‌ ଦେଇ ୨ଟି ଓ୍ବିକେଟ ନେଇଥିଲେ ଇଶାନ୍ତ । ତାଙ୍କର ଚମତ୍କାର ବୋଲିଂର ଶିକାର ହୋଇଥିଲେ ଆଣ୍ଡ୍ରେ ରସେଲ୍‌ । ସେହିଭଳି ଖଲିଲ ଅହମ୍ମଦ ଏବଂ ମିଚେଲ୍‌ ମାର୍ଶ ଗୋଟିଏ ଲେଖାଏଁ ଓ୍ବିକେଟ ନେଇଥିଲେ । 

  • IPL 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.