ନୂଆଦିଲ୍ଲୀ: ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ବାସଭବନରେ ପହଞ୍ଚିଲା ଦିଲ୍ଲୀ କ୍ରାଇମ ବ୍ରାଞ୍ଚର ଟିମ୍ । ଶୁକ୍ରବାର ବିଳମ୍ବିତ ରାତିରେ ମଧ୍ୟ କ୍ରାଇମ ବ୍ରାଞ୍ଚ ଟିମ୍ ଏକ ନୋଟିସ ନେଇ ସିଏମଙ୍କ ବାସଭବନରେ ପହଞ୍ଚିଥିଲେ ମଧ୍ୟ କେହି ନୋଟିସ ପାଇ ନ ଥିବା ଦର୍ଶାଇ ଦିଲ୍ଲୀ ପୋଲିସ ରାତିରେ ସେଠାରୁ ତାଙ୍କୁ ଫେରାଇ ଦେଇଥିଲା । ବର୍ତ୍ତମାନ ପୋଲିସ ଦିଲ୍ଲୀ ମୁଖ୍ୟମନ୍ତ୍ରୀଙ୍କ ବାସଭବନରେ ସୁରକ୍ଷା ବୃଦ୍ଧି କରିଛି । ସୂଚନାନୁସାରେ, ଦିଲ୍ଲୀ ମୁଖ୍ୟମନ୍ତ୍ରୀ କାର୍ଯ୍ୟାଳୟ ଏହି ନୋଟିସ ନେବାକୁ ରାଜି ହୋଇଛି ।
ସୂଚନାଥାଉକି, ଯେ କ୍ରାଇମ ବ୍ରାଞ୍ଚ ଟିମ୍ ମଧ୍ୟ ଶୁକ୍ରବାର ବିଳମ୍ବିତ ରାତିରେ ସିଏମ୍ ଅରବିନ୍ଦ କେଜ୍ରିୱାଲଙ୍କ ଘରେ ପହଞ୍ଚି ନୋଟିସ୍ ଦେଇଥିଲା । ସିଏମଙ୍କ ବାସଭବନରେ କେହି ଏସିପିଙ୍କ ନେତୃତ୍ୱାଧୀନ ଟିମ୍ର ନୋଟିସକୁ ଗ୍ରହଣ କରିନଥିଲେ । ସୂତ୍ରରୁ ମିଳିଥିବା ସୂଚନା ଅନୁଯାୟୀ କ୍ରାଇମ ବ୍ରାଞ୍ଚ ଦଳ ମଧ୍ୟ ଗତକାଲି ରାତିରେ ମନ୍ତ୍ରୀ ଅତିଶୀଙ୍କ ବାସଭବନରେ ନୋଟିସ ନେଇ ପହଞ୍ଚିଥିଲେ । ସେଠାରେ ମଧ୍ୟ ଏହି ନୋଟିସ୍କୁ କେହି ଧ୍ୟାନ ଦେଇନଥିଲେ । ଏଭଳି ପରିସ୍ଥିତିରେ ଗତକାଲି ରାତିରେ ଉଭୟ ସ୍ଥାନରୁ କ୍ରାଇମ ବ୍ରାଞ୍ଚ ଟିମ୍ ଖାଲି ହାତରେ ଫେରି ଆସିଥିଲା ।
ଦିଲ୍ଲୀ ପୋଲିସ କ୍ରାଇମ ବ୍ରାଞ୍ଚ ଟିମ୍ ସିଏମ୍ ବାସଭବନରେ ପହଞ୍ଚିବା ପରେ ରାଜ୍ୟ ବିଜେପି ସଭାପତି ଟ୍ବିଟ୍ କରିଛନ୍ତି ଯେ, ବର୍ତ୍ତମାନ ଦିଲ୍ଲୀର ମୁଖ୍ୟମନ୍ତ୍ରୀଙ୍କୁ ପୋଲିସର ପ୍ରଶ୍ନର ଉତ୍ତର ଦେବାକୁ ପଡିବ।
ପ୍ରକୃତରେ, ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଅଭିଯୋଗ କରିଥିଲେ ଯେ, ବିଜେପି ନେତାମାନେ ଆମ୍ ଆଦମୀ ପାର୍ଟି ବିଧାୟକଙ୍କୁ ଟଙ୍କା ଦେଇ ପ୍ରଲୋଭନ ଦେଖାଇବାକୁ ଚାହୁଁଛନ୍ତି । ଏହା ପରେ ମନ୍ତ୍ରୀ ଅତିଶୀ ଏକ ସାମ୍ବାଦିକ ସମ୍ମିଳନୀରେ ଅଭିଯୋଗ କରିଥିଲେ ଯେ, ବିଜେପି ସାତଜଣ ବିଧାୟକଙ୍କ ସହ ଯୋଗାଯୋଗ କରି ପ୍ରତ୍ୟେକଙ୍କୁ ୨୫ କୋଟି ଟଙ୍କା ଅଫର ଦେଇଛି । ଏହା ବ୍ୟତୀତ ତାଙ୍କୁ ଦଳ ଟିକେଟ୍ ରେ ନିର୍ବାଚନ ଲଢିବାକୁ ମଧ୍ୟ ପ୍ରଲୋଭିତ କରାଯାଇଛି । ବିଜେପି ଦଳର ୨୧ ଜଣ ବିଧାୟକଙ୍କୁ ଭାଙ୍ଗିବାକୁ ଚାହୁଁଛି।
