କୋକସରା ୧୧/୦୮: କଳାହାଣ୍ଡି ଜିଲ୍ଲା କୋକସରା ବ୍ଲକ ଖୁଣ୍ଟିଆ ପଞ୍ଚାୟତ ବାର ବଖରା ଗ୍ରାମ ରେ ଗତ କିଛିଦିନ ତଳେ ଝାଡାବା୍ତି ବ୍ୟାପି ଜଣଙ୍କର ମୃତ୍ୟୁ ହୋଇଥିଲା।  ପୁଣି ବ୍ଲକ ର ଗୋତମୁଣ୍ଡା ପଞ୍ଚାୟତ ଠୁଟିବର ଗ୍ରାମ ର ନାଗପଡା ରେ ଗତ ଦୁଇଦିନ ମଧ୍ୟରେ ୧୫ ଜଣ ଝାଡାବାନ୍ତି ରେ ଆକ୍ରାନ୍ତ ହୋଇଛନ୍ତି।  ସେମାନଙ୍କ ମଧ୍ୟରୁ ୫ ଜଣ ଆକ୍ରାନ୍ତ ଧର୍ମଗଡ,ଜୁନାଗଡ଼ ଓ ଭବାନୀପାଟଣା ଡାକ୍ତରଖାନାରେ ଚିକିତ୍ସିତ ହେଉଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି। ଗୁରୁତର ଙ୍କ ମଧ୍ୟରେ ବିଳାସ ଗୋପାଳ(୩୦),ପାଦୁକା ଗୋପାଳ(୪୫) ନିଳାମ୍ବର ଗୋପାଲ(୨୨) ନମିତା ବାଗ(୨୨)ଶୋଭାବତୀ ଗୋପାଳ(୬୦) ରହିଛନ୍ତି। 

ଏହି ଘଟଣା ପରେ ଜିଲ୍ଲା ସ୍ୱାସ୍ଥ୍ୟ ବିଭାଗ ପକ୍ଷରୁ  ତତ୍ପରତା ପ୍ରକାଶ ପାଇଛି। ରବିବାର ଏପିଡେମୋଲୋଜିଷ୍ଟ ବିଶେଷଜ୍ଞ ଡ଼.ନିହାର ଠାକୁର ଙ୍କ ନେତୃତ୍ୱରେ ଏକ ମେଡ଼ିକାଲ ଟିମ ଠୁଟିବର ଗ୍ରାମ ରେ ପହଞ୍ଚିଥିଲେ। ଘର ଘର ବୁଲି ଆକ୍ରାନ୍ତ ରୋଗୀ ଙ୍କୁ ପରୀକ୍ଷା କରିବା ସହ ଔଷଧ ଓ ସଚେତନ କରିବା ସହ ଝାଡାବାନ୍ତି ବ୍ୟାପୁଥିବା ର କାରଣ ଖୋଜିଛନ୍ତି। ନାଗପଡା ରେ ଥିବା ୪ ଟି ନଳକୂପ ର ପାଣି ସଂଗ୍ରହ କରି ପରୀକ୍ଷା ପାଇଁ ନେଇଛନ୍ତି ଓ ନଳକୂପ ଗୁଡିକ ଦୂଷିତ ପରିବେଶ ମଧ୍ୟରେ ଥିବା ବେଳେ ଗ୍ରାମ୍ୟ ଜଳଯୋଗାଣ ପକ୍ଷରୁ ବିଶୋଧନ ହୋଇ ନଥିବା ସୂଚନା ଦେଇଛନ୍ତି। 

ସେହିପରି କୋକସରା ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ପକ୍ଷରୁ ପି ଏଚ ଇଓ ଉର୍ମିଳା ଛାତ୍ରୀଆ ଙ୍କ ନେତୃତ୍ୱରେ ଫାର୍ମାସିଷ୍ଟ ଶୁଭେନ୍ଦୁ ପଣ୍ଡା,ମହିଳା ସ୍ଵାସ୍ଥ୍ୟ କର୍ମି ଅଯୋଧ୍ୟା ବାଗ, ସଞ୍ଚୟ ଶବର ,ସ୍ୱାସ୍ଥ୍ୟ ପରିଦର୍ଶକ କ୍ଷୀରୋଧ ବାଗ, ଆଶା କର୍ମି ମଞ୍ଜୁଳାତା ପ୍ରଧାନ ପ୍ରମୁଖ ଠୁଟିବର ଗାଁ ରେ ଆକ୍ରାନ୍ତ ରୋଗୀ ଙ୍କୁ ଚିକିତ୍ସା ସହ ସ୍ଥିତି ଉପରେ ସତର୍କ ଦୃଷ୍ଟି ରଖିଛନ୍ତି।

ତେବେ ନଳକୂପର ପାନୀୟ ଜଳ ବ୍ୟବହାର କରୁଥିବା ନେଇ ଗ୍ରାମବାସୀ କହିଥିବା ବେଳେ ନଳକୂପ ଗୁଡିକୁ ବିଶୋଧନ କରା ଯାଉନଥିବା ଅଭିଯୋଗ କରିଛନ୍ତି। ଏନେଇ ବ୍ଲକ ଗ୍ରାମ୍ୟ ଜଳଯୋଗାଣ ସହକାରୀ ଯନ୍ତ୍ରୀ ଯଶୋବନ୍ତି ଭୋଇଙ୍କୁ ପଚାରିବାରୁ  ଆମ ପାଖରେ  ଏ ସମ୍ପର୍କରେ ଖବର ନଥିଲା, ଆଜି ଗାଁ ରେ ଥିବା ନଳକୂପ ଗୁଡିକୁ ବିଶୋଧନ କରିବା ପାଇଁ ଗାଡି ପଠାଯାଇଛି ବୋଲି କହିଥିଲେ।