ଉଦଳା,୧୨/୦୮: ଉଦଳାରୁ ବାରିପଦାକୁ ଚାଲାଣ ହେଉଥିଲେ ଗୋରୁ । କଲେଜ ରୋଡ଼ ଦେଇ ଗାଡ଼ି ଯାଉଥିବା ନେଇ ପୋଲିସକୁ ମିଳିଲା ସୂଚନା । ହଠାତ୍ ହେଲା ଚଢ଼ାଉ । ପୋଲିସକୁ ଦେଖି ଗାଡ଼ି ଛାଡ଼ି ଘଟଣାସ୍ଥଳ ଚମ୍ପଟ୍ ମାରିଲେ ଡ୍ରାଇଭର ଏବଂ ବେପାରୀ । ଗାଡ଼ିରୁ ଉଦ୍ଧାର ହେଲା ୧୦ ଗୋରୁ । ଅଭିଯୁକ୍ତଙ୍କୁ ଧରିବା ପାଇଁ ତଦନ୍ତ ଆରମ୍ଭ କରିଛି ପୋଲିସ।
ସୂଚନା ଅନୁଯାୟୀ, ସୋମବାର ଉଦଳାରୁ ବାରିପଦାକୁ ଏକ ଗୋରୁ ଗାଡି ଚାଲାଣ କରାଯାଉଥିଲା । କଲେଜ ରୋଡ଼ ଦେଇ ଏହି ଗାଡିରେ ଗୋରୁ ଗାଲାଣ କରାଯାଉଥିଲା । ଏହି ସମୟରେ ଉଦଳା ପୋଲିସ ଚଢାଉ କରିଥିଲା । ଚଢ଼ାଉ କରି ଗୋରୁ ଗାଡି ଜବତ କରିବା ସହ ଗାଡିରେ ଥିବା ୧୦ ଗୋରୁଙ୍କୁ ଉଦ୍ଧାର କରିଛି ପୋଲିସ । ଗୋରୁଙ୍କୁ ଉଦ୍ଧାର କରି ବାଲେଶ୍ବର ଗୋଶାଳା ପଠାଯିବାର ବ୍ୟବସ୍ଥା କରାଯାଇଛି ।
