ଭୁବନେଶ୍ଵର, ୨୧/୦୩ : ନିର୍ବାଚନ କମିଶନଙ୍କ ବଦଳି ନିର୍ଦ୍ଦେଶ। ଓଡ଼ିଶାର ୨ ଏସ୍ପି ଓ ଜଣେ ଜିଲ୍ଲାପାଳଙ୍କୁ ବଦଳି ନିର୍ଦ୍ଦେଶ ଦିଆଯାଇଛି। ଢେଙ୍କାନାଳ ଜିଲ୍ଲାପାଳ, ଦେବଗଡ଼ ଜିଲ୍ଲା ଏସପି ଓ କଟକ ଗ୍ରାମାଞ୍ଚଳ ଏସପିଙ୍କୁ ବଦଳି କରାଯାଇଛି।
ସୂଚନାନୁଯାୟୀ, ୪ଟି ରାଜ୍ୟର କିଛି ଅଣକ୍ୟାଡର ଏସ୍ପି ଓ କଲେକ୍ଟରଙ୍କୁ ଇସିଆଇ ବଦଳି ନିର୍ଦ୍ଦେଶ ଦେଇଛନ୍ତି। ଓଡ଼ିଶା ସହ ଗୁଜୁରାଟ, ପଞ୍ଜାବ ଓ ପଶ୍ଚିମବଙ୍ଗ ପାଇଁ ଏହି ବଦଳି ନିର୍ଦ୍ଦେଶ ଦିଆଯାଇଛି। ଗୁଜୁରାଟର ଛୋଟ ଉଦୟପୁର ଓ ଅହମଦାବାଦ ଗ୍ରାମାଞ୍ଚଳ ଏସପି, ପଞ୍ଜାବର ପଠାନକୋଟ, ଫଜିଲକା, ଜଳନ୍ଧର, ଏବଂ ମାଲେରକୋଟଲା ଏସଏସପି, ଓଡ଼ିଶାର ଢେଙ୍କାନାଳ ଜିଲ୍ଲାପାଳ, ଦେବଗଡ଼ ଓ କଟକ ଗ୍ରାମାଞ୍ଚଳ ଏସପି, ପଶ୍ଚିମବଙ୍ଗର ପୂର୍ବ ମେଦିନିପୁର, ଝରଗ୍ରାମ, ପୂର୍ବ ବର୍ଦ୍ଧମାନ ଏବଂ ବୀରଭୂମ ଜିଲ୍ଲାପାଳଙ୍କୁ ବଦଳି ନିର୍ଦ୍ଦେଶ ଦିଆଯାଇଛି। ଏତଦ୍ ବ୍ୟତୀତ ପଞ୍ଜାବର ବଥିଣ୍ଡା ଏସଏସପି ଏବଂ ଆସାମର ଶୋଣିତପୁର ଏସପିଙ୍କୁ ବଦଳି ନିର୍ଦ୍ଦେଶ ଦିଆଯାଇଛି।