ନୂଆଦିଲ୍ଲୀ,୩୧/୦୫: ସ୍ପେସ ଏକ୍ସ ଏବଂ ଟେସ୍‌ଲାର ମାଲିକ ଏଲନ୍‌ ମସ୍କ ପୁଣି ଥରେ ବିଶ୍ୱର ୧ ନମ୍ବର ଧନୀ ମୁକୁଟ ପିନ୍ଧିଛନ୍ତି । ସେ ଫ୍ରାନ୍ସ ଅରବପତି ତଥା ଲୁଇ ବିତା ମାଏଟ ହେଲେସି (ଏଲ୍‌ଭିଏମ୍‌ଏଚ୍‌) ସିଇଓ ବର୍ଣ୍ଣାର୍ଡ ଆର୍‌ନଲ୍ଟକୁ ପଛରେ ପକାଇ ଏହି ସ୍ଥାନ ହାସଲ କରିଛନ୍ତି ।  ଆର୍ଟିଫିସିଆଲ ଇଣ୍ଟେଲିଜେନ୍ସ ଷ୍ଟାର୍ଟଅପ୍‌  ଏକ୍ସଏଆଇ ଯୋଗୁ ତାଙ୍କ ସମ୍ପତ୍ତି ବୃଦ୍ଧି  ହୋଇଛି । ୧୮ ବିଲିଅନ ଡଲାର (୧  .୫ଲକ୍ଷ କୋଟି) ପ୍ରିମ୍‌ନି ଭାଲ୍ୟୁଏସନରେ  ସେ ୬ ବିଲିଅନ ଡଲାର(୫୦ହଜାର  କୋଟି)ର ପାଣ୍ଠି ଉଠାଇଛନ୍ତି ।  

ପ୍ରଥମ ଥର ପାଇଁ ବର୍ଣ୍ଣାର୍ଡ ଆରନଲ୍ଟ  ତୃତୀୟ ସ୍ଥାନକୁ ଚାଲି ଯାଇଛନ୍ତି । ଫୋର୍ବସ  ରିପୋର୍ଟ ମୁତାବକ, ଏଲନ ମସ୍କଙ୍କ ସମ୍ପତ୍ତି  ୨୦୭ ବିଲିଅନ ଡଲାର (୧୭.୭୮ ଲକ୍ଷ  କୋଟି ଟଙ୍କା) ରହିଛି । ୧୬.୬୧ ଲକ୍ଷ  କୋଟି ସମ୍ପତ୍ତି ସହ ଆର୍‌ନଲ୍ଟ ତୃତୀୟ  ସ୍ଥାନରେ ଅଛନ୍ତି । ଅମାଜନର ଜେଫ୍‌  ବେଜୋସ ୧୬.୭୩ ଲକ୍ଷ କୋଟି ସମ୍ପତ୍ତି  ସହ ଦ୍ୱିତୀୟ ସ୍ଥାନରେ ଅଛନ୍ତି । ୯.୪୬  ଲକ୍ଷ କୋଟି ସମ୍ପତ୍ତି ସହ ମୁକେଶ ଅମ୍ବାନି  ୧୧ ଏବଂ ୭.୧୯ ଲକ୍ଷ କୋଟି ସମ୍ପତି ସହ  ଗୌତମ ଆଦାନି ୧୮ ତମ ସ୍ଥାନରେ ଅଛନ୍ତି ।