ନୂଆଦିଲ୍ଲୀ : ବିଗ୍ ବସ୍ ଓଟିଟି-୨ର ୱିନର ଏଲଭିଶ ଯାଦବ ମାରପିଟି ଓ ସାପ ଜହର ମାମଲାରେ ଜାମିନ ପାଇବା ପରେ ଶନିବାର ଘରେ ପହଞ୍ଚିଛନ୍ତି। ସେ ସୋସିଆଲ ମିଡ଼ିଆରେ ନିଜର ଫଟୋ ସେୟାର କରି କହିଛନ୍ତି - ସବୁ ଠିକ୍ ଅଛି ।ସବୁ ପ୍ରଶଂସକଙ୍କୁ ମଧ୍ୟ ସେ ଧନ୍ୟବାଦ ଦେଇଛନ୍ତି। ଜେଲରୁ ବାହାରିବା ପରେ ଏଲଭିଶ୍ ନିଜର ପ୍ରଥମ ବ୍ଲଗ୍ ପୋଷ୍ଟ କରିଛନ୍ତି ଏବଂ କହିଛନ୍ତି ଜେଲ୍ରେ ବିତି ଥିବା ଦିନ ଗୁଡ଼ିକ କେମିତି ଥିଲା। ଭିଡ଼ିଓରେ ତାଙ୍କ ପରିବାରର ଲୋକଙ୍କୁ ମଧ୍ୟ ତାଙ୍କ ସହ ଦେଖିବାକୁ ମିଳିଛି।
ଏଲଭିଶ କହିଛନ୍ତି, ଏକ ସପ୍ତାହ ଧରି ଯାହା ବିତିଲା ଏଥିରେ କୌଣସି ସନ୍ଦେହ ନାହିଁ କି , ଏହା ମୋ ଜୀବନର ବହୁତ ଖରାପ ସମୟ ଥିଲା। ଏହି ସମୟ ବିଷୟରେ କଣ କହିବି, ଯେବେ ମୁଁ ଜେଲ୍ରେ ଥିଲି। ଏଥର ଏକ ସକରାତ୍ମକ ଉପାୟରେ ନୂଆ ଅଧ୍ୟାୟର ଆରମ୍ଭ କରିବା। ଯେଉଁ ଲୋକେ ମୋ ସହ ଥିଲେ , ଆଉ ଯେଉଁ ମାନେ ମୋ ସହ ନଥିଲେ , ମୋ ବିଷୟରେ ଭଲ-ଖରାପ କହିଲେ...ସେମାନଙ୍କୁ ମଧ୍ୟ ଧନ୍ୟବାଦ। ମୁଁ କେବଳ ଧନ୍ୟବାଦ ହିଁ ଦେଇ ପାରିବି। ମୁଁ ନିଜ କାମକୁ ପୁଣି ଫେରିଛି। ଏଲଭିଶ୍ କହିଛନ୍ତି ଯେ, ତାଙ୍କୁ ଗୁଡଗାଁ ଯିବାର ଏକ ସପ୍ତାହ ବିତି ଗଲାଣି, ସେଠାକୁ ସେ ଆଉ ଥରେ ଯିବାକୁ ଭାବିଛନ୍ତି।
ଜେଲ୍ରେ ବିତାଇ ଥିବା ଦିନ ଗୁଡ଼ିକ ବିଷୟରେ କଥା ହୋଇ ଏଲଭିଶ କହିଛନ୍ତି , ଆମେ ନା କିଛି ଭୁଲ୍ କହୁଛୁ , ନା କିଥି ଭୁଲ୍ କରୁଛୁ । ସେ କହନ୍ତି , ମୁଁ ମଧ୍ୟ ଏହାକୁ ସାମନା କରିବି। ଭଗବାନ ନକରନ୍ତୁ କି କାହାକୁ ମଧ୍ୟ ଏମିତି ସମସ୍ୟାର ସାମନା କରିବାକୁ ପଡ଼ୁ , ଯେଉଁଭଳି ମୋତ କରିବାକୁ ପଡ଼ିଲା । କିନ୍ତୁ ଏହା ଜୀବନର ଅଙ୍ଗ । ମୁଁ ଏଥିରୁ ମଧ୍ୟ ଅତିକ୍ରମ କରିଯିବି।
