ନୂଆଦିଲ୍ଲୀ, ୨୮/୯ : ଜମ୍ମୁ-କଶ୍ମୀରର କଠୁଆ ଜିଲ୍ଲାରେ ଶନିବାର ସନ୍ଧ୍ୟାରେ ଏକ ଗ୍ରାମରେ ଆତଙ୍କବାଦୀଙ୍କ ସହ ଗୁଳି ବିନିମୟରେ ଜଣେ ପୋଲିସ କର୍ମୀ ଶହୀଦ ଏବଂ ଅନ୍ୟ ଏକ ଆହତ ହୋଇଛନ୍ତି । ଆତଙ୍କବାଦୀ ସହ ଗୁଳିବିନିମୟ ସମୟରେ ଜମ୍ମୁ- କଶ୍ମୀର ପୋଲିସର ଜଣେ ହେଡ କନଷ୍ଟେବଳ ଶହୀଦ ହୋଇଯାଇଛନ୍ତି ଏବଂ ଅନ୍ୟ ଜଣେ ସହାୟକ ଆହତ ହୋଇଛନ୍ତି ।

ସମାଚାର ଏଜେନ୍ସି ପିଟିଆଇ ଅନୁସାରେ କଠୁଆ ଜିଲ୍ଲାର ଏକ ଗାଁରେ ସୁରକ୍ଷା ବଳ ସହ ଗୁଳି ବିନିମୟ ହୋଇଥିଲା । ବିଲାବର ତହସିଲର କୋଗ- ମଣ୍ଡଳୀ ଗାଁରେ ଗୁଳି ବିନିମୟ ପ୍ରାୟ ସାଢେ ୫ଟା ସମୟରେ ଆରମ୍ଭ ହୋଇଥିଲା । ସୁରକ୍ଷା ବଳ ଏକ ଘରେ ଆତଙ୍କବାଦୀଙ୍କ ଏକ ଗୋଷ୍ଠୀ ଉପସ୍ଥିତ ଥିବା ସୂଚନା ମିଳିବା ପରେ ମିଳିତ ଭାବେ ଘେରାବନ୍ଦୀ କରିଥିଲେ ଏବଂ ଯାଞ୍ଚ ଅଭିଯାନ ଆରମ୍ଭ କରିଥିଲେ । ଏହା ମଧ୍ୟରେ ଗୁଳିବିନିମୟ ଆରମ୍ଭ ହୋଇଯାଇଥିଲା ।

ଅଧିକାରୀଙ୍କ ସୂଚନା ଅନୁସାରେ ଆରମ୍ଭରୁ ଗୁଳି ବିନିମୟ କିଛି ସମୟ ପର୍ଯ୍ୟନ୍ତ ଚାଲିଥିଲା କିନ୍ତୁ ପରେ ଉଭୟ ପକ୍ଷ ମଧ୍ୟରେ ଭାରି ଗୁଳିଚାଳନା ଆରମ୍ଭ ହୋଇଯାଇଥିଲା । ସେ କହିଛନ୍ତି କି ଗୁଳି ବିନିମୟରେ ଏକ ପୋଲିସ ହେଡ଼ କନଷ୍ଟେବଳ ଶହୀଦ ହୋଇଯାଇଥିଲେ ଏବଂ ସହାୟକ ଉପନୀରିକ୍ଷକ ଆହତ ହୋଇଛନ୍ତି । ଅଧିକାରୀଙ୍କ ଅନୁସାରେ ଅନ୍ତିମ ସୂଚନା ମିଳିବା ପର୍ଯ୍ୟନ୍ତ ଗୁଳି ବିନିମୟ ଜାରି ଥିଲା ।