ଭୁବନେଶ୍ବର, ୯।୧୧   ଓଡିଶାରେ ହେବ ଖୋ-ଖୋ ସେଣ୍ଟର। ଏ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଉପସ୍ଥିତିରେ ଏକ ଏମଓୟୁ ସ୍ବାକ୍ଷର ହୋଇଛି।  ଆର୍ସେଲର ମିତ୍ତଲ ନିପ୍ପନ୍ ଷ୍ଟିଲ୍ (ଏଏମ୍ଏନ୍ଏସ୍ ଇଣ୍ଡିଆ) ସହିତ ରାଜ୍ୟ ସରକାର ଏକ ବୁଝାମଣାପତ୍ର  ସ୍ୱାକ୍ଷର କରିଛନ୍ତି।   ଏମଓୟୁ  ଅନୁଯାୟୀ ଖୋ-ଖୋ ସେଣ୍ଟର ପାଇଁ ଆବଶ୍ୟକ  ଭିତ୍ତିଭୂମି   ଯୋଗାଇ ଦେବେ ରାଜ୍ୟ ସରକାର।  ଅନ୍ୟପକ୍ଷରେ ଅଭିଜ୍ଞ କୋଚ ନିପ୍ପନ ଷ୍ଟିଲ ଯୋଗାଇ ଦେବ। ଏହା  ଦ୍ବାରା  କ୍ରୀଡା ଉତ୍କର୍ଷ ବୃଦ୍ଧି ପାଇଁ ଉଭୟ ପକ୍ଷର ପ୍ରତିବଦ୍ଧତା ରହିବ |

  ମୁଖ୍ୟମନ୍ତ୍ରୀ କହିଛନ୍ତି ଯେ, ଖୋ-ଖୋ ପରି ଆମର ଦେଶୀୟ କ୍ରୀଡାକୁ ସମର୍ଥନ କରିବାକୁ ଓଡିଶା ପ୍ରତିବଦ୍ଧ। ଖୋ ଖୋ ସେଣ୍ଟର ପ୍ରତିଷ୍ଠା ପାଇଁ ଏଏମଏନଏସ ସହ ଏହି ସହଭାଗିତା ଭାରତୀୟ କ୍ରୀଡା ପ୍ରତି ଏକ ନୂତନ ଅଧ୍ୟାୟ ସୃଷ୍ଟି କରିବ।ଏମଓୟୁ ସ୍ବାକ୍ଷର  ବେଳେ ୫-ଟି ତଥା ଆମ ଓଡିଶା ନବୀନ ଓଡିଶା ଅଧ୍ୟକ୍ଷ ଭି.କେ ପାଣ୍ଡିଆନ ଉପସ୍ଥିତ ଥିଲେ। ସେହିପରି  କ୍ରୀଡାମନ୍ତ୍ରୀ  ତୁଷାରକାନ୍ତି ବେହେରା ଓ କ୍ରୀଡା ସଚିବ ଭିନିଲ କ୍ରିଷ୍ଣା ଏବଂ ନିପ୍ପନ ଷ୍ଟିଲ ପକ୍ଷରୁ କିଜି କୁବୋଟା ଏବଂ ସୁପର୍ନା ନନ୍ଦା ଉପସ୍ଥିତ ଥିଲେ।

ଆହୁରି ପଢନ୍ତୁ : ୨୭ରେ ପାରାଦୀପ ଆସିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ