ନୂଆଦିଲ୍ଲୀ : ଆହୁରି କମି ଯିବ ଇଲେକ୍ଟ୍ରିକ୍ ଗାଡ଼ିର ମୂଲ୍ୟ। ଏକଥା କହିଛନ୍ତି କେନ୍ଦ୍ର ସଡ଼କ ପରିବହନ ତଥା ରାଜପଥ ମନ୍ତ୍ରୀ ନିତିନ ଗଡ଼କରୀ। ଆସନ୍ତା ୨ ବର୍ଷ ଭିତରେ ଇଲେକ୍ଟ୍ରିକ୍‌ ଗାଡ଼ି (ଇଭି)ର ଦାମ୍ ପେଟ୍ରୋଲ ଓ ଡିଜେଲ ଗାଡ଼ି ସମାନ ହୋଇଯିବ। ଗଡ଼କରୀ ଏହା ମଧ୍ୟ କହିଛନ୍ତି ଯେ , ତାଙ୍କୁ ଅର୍ଥମନ୍ତ୍ରୀଙ୍କ ଦ୍ୱାରା ଇଭି ଉପରେ ସବସିଡି ଦେବାରେ ଆଉ କୌଣସି ସମସ୍ୟା ନାହିଁ।

ଏହା ପୂର୍ବରୁ ସେ ପରାମର୍ଶ ଦେଇଥିଲେ ଯେ, ଇଭି ନିର୍ମାତାଙ୍କୁ ଏବେ ସବସିଡି ଦେବାର ଆବଶ୍ୟକ ନାହିଁ , କାରଣ ଉତ୍ପାଦନର ମୂଲ୍ୟ କମ୍‌ ହୋଇ ଯାଇଛି ଏବଂ ଉପଭୋକ୍ତା ଏବେ ନିଜର ଦାମ୍‌ରେ ଇଲେକ୍ଟ୍ରିକ୍ ଗାଡ଼ି (ଇଭି) ବା ସିଏନଜି ଗାଡ଼ି ଚୟନ କରୁଛନ୍ତି। 

ସେ କହିଛନ୍ତି , ମୁଁ କୌଣସି ପ୍ରୋତ୍ସାହନ ବିରୋଧରେ ନାହିଁ। ଏହାର ଦାୟିତ୍ୱ ଭାରୀ ଉଦ୍ୟୋଗ ମନ୍ତ୍ରୀଙ୍କ ପାଖରେ ରହିଛି। ଯଦି ସେ ଇଲେକ୍ଟ୍ରିକ୍‌ ଗାଡ଼ିରେ ଅଧିକ ଇନ୍ସେଣ୍ଟିଭ୍‌ ଦେବାକୁ ଚାହାନ୍ତି , ତ ମୋର କୌଣସି ସମସ୍ୟା ନାହିଁ। ଗଡ଼କରୀ କହିଛନ୍ତି କି, ମୋ ମତରେ ଉତ୍ପାଦନର ସଂଖ୍ୟା ବି ବଢୁଛି। ସବସିଡି ବିନା ଆପଣ ଏହି ମୂଲ୍ୟକୁ ଜାରି ରଖି ପାରିବେ, କାରଣ ଉତ୍ପାଦନର ମୂଲ୍ୟ କମ୍‌ ରହିଛି। 

ଗଡ଼କରୀ କହିଛନ୍ତି, ଇଲେକ୍ଟ୍ରିକ୍‌ ଗାଡ଼ି ସହଜରେ ଉପଲବ୍ଧ ଅଛି ଏବଂ ମୋ ମତରେ ଦୁଇ ବର୍ଷ ଭିତରେ ଇଲେକ୍ଟ୍ରିକ୍‌ ଗାଡ଼ିର ଦାମ୍‌ ମଧ୍ୟ ପେଟ୍ରୋଲ ଓ ଡିଜେଲ ଗାଡ଼ିର ମୂଲ୍ୟ ଭଳି ହୋଇଯିବ। ଏଥିପାଇଁ ତାଙ୍କୁ ସବସିଡିର ଆବଶ୍ୟକତା ନାହିଁ, କାରଣ ଇନ୍ଧନ ଭାବେ ଇଲେକ୍ଟ୍ରିକ୍ ଉପରେ ପୂର୍ବରୁ ହିଁ ସେଭିଂ ହେଉଛି।