ପ୍ରମୂଖ ଖବର
  • ଓଡ଼ିଶାରେ ନାକେଦମ୍ କରୁଛି ତାତି, କାଲିଠୁ ମିଳିବ ଆଶ୍ୱସ୍ତି: ୨୪ ସୁଦ୍ଧା ରାଜ୍ୟରେ ମୌସୁମୀ ବର୍ଷା ସମ୍ଭାବନା
  • ||

ଇସ୍ତଫା ଦେବାକୁ ଅଡ଼ି ବସିଥିଲେ ଦେବେନ୍ଦ୍ର ଫଡନାବିସ୍‌ , ଅମିତ ଶାହ ଏମିତି ମନାଇଲେ

ନୂଆଦିଲ୍ଲୀ – ବିଜେପିର ବରିଷ୍ଠ ନେତା ଅମିତ ଶାହ ଦେବେନ୍ଦ୍ର ଫଡନାବିସଙ୍କୁ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ପଦରେ ରହିବାକୁ କହିଛନ୍ତି। ଉଲ୍ଲେଖନୀୟ ଯେ ସଂସଦୀୟ ନିର୍ବାଚନରେ ମହାରାଷ୍ଟ୍ରରେ ଭାରତୀୟ ଜନତା ପାର୍ଟି (ବିଜେପି) ର ଲୋକସଭା ସଦସ୍ୟଙ୍କ ସଂଖ୍ୟା ୨୩ରୁ ହ୍ରାସ ପାଇଁ ୯ରେ ରହିଯିବା ପରେ , ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସ୍‌ ବୁଧବାର ପଦରୁ ଇସ୍ତଫା ଦେବାକୁ ପ୍ରସ୍ତାବ ରଖିଥିଲେ। ସେ କହିଥିଲେ କି , ସେ ଡେପୁଟୀ ସିଏମର ପଦ ଛାଡ଼ିବାକୁ ଚାହାନ୍ତି ,ଏହାକି ବିଧାନସଭା ନିର୍ବାଚନ ପୂର୍ବରୁ ସଂପୂର୍ଣ୍ଣ ରୂପେ ପାର୍ଟିର କାର୍ଯ୍ୟକଳାପରେ ଧ୍ୟାନ କେନ୍ଦ୍ରିତ କରି ପାରିବେ।

ହେଲେ ଅମିତ ଶାହ ତାଙ୍କୁ ଏମିତି କରିବାରୁ ରୋକି ନେଇଛନ୍ତି। ନ୍ୟୁଜ୍‌ ୧୮ସୂତ୍ରାନୁସାରେ ଲେଖିଛି କି ଫଡନାବିସ୍ ଗୁରୁବାର ଅମିତ ଶାହଙ୍କୁ ତାଙ୍କ ନିବାସରେ ସାକ୍ଷାତ କରିଥିଲେ ଏବଂ ଇସ୍ତଫା ଦେବା ତଥା ସ୍ପଷ୍ଟ କରିଥିଲେ । ଏହି ସମୟରେ ଶାହ ଫଡନାବିସଙ୍କୁ କହିଥିଲେ ନରେନ୍ଦ୍ର ମୋଦିଙ୍କ ଶପଥ ଗ୍ରହଣ ସମାରୋହ ଯାଏ ନିଜ ପଦରେ ରୁହନ୍ତୁ ଏବଂ ଏହା ପରେ ଆଗାମୀ ଆଲୋଚନା କରାଯିବ।

ପୂର୍ବତନ ମୁଖ୍ୟମନ୍ତ୍ରୀ ତଥା ବର୍ତ୍ତମାନର ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାବିସ୍ ଶିବସେନାର ଏକନାଥ ସିନ୍ଦେ ଗୋଷ୍ଠୀ ଓ ଅଜିତ୍‌ ପୱାରର ନେତୃତ୍ୱର ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି) ସହ ମହାରାଷ୍ଟ୍ର ସରକାରର ଅଂଶ ଭାବେ ରହିଛନ୍ତି। ଅବିଭାଜିତ ଶିବସେନା ଓ ବିଜେପି ୨୦୧୯ରେ ରାଜ୍ୟର ୪୮ମଧ୍ୟରୁ ୪୧ଟି ସିଟ୍‌ ଜିତି ଥିଲା, କିନ୍ତୁ ମହାରାଷ୍ଟ୍ରରେ ମହାଗଠବନ୍ଧନ କୁହାଯାଉ ଥିବା ନୂଆ ଗଠବନ୍ଧନକୁ ଏହି ଥର କେବଳ ୧୭ ଟି ସିଟ୍‌ ହିଁ ମିଳିପାରିଛି। ଅନ୍ୟପଟେ କଂଗ୍ରେସ, ଶିବସେନା (ଉଦ୍ଧବ ବାଲାସାହେବ ଠାକରେ) ଓ ରାଷ୍ଟ୍ରବାଦୀ କଂଗ୍ରେସ ପାର୍ଟି ( ଶରଦଚନ୍ଦ୍ର ପୱାର)ସହ ମିଶି ତିଆରି ମହା ବିକାଶ ଅଘାଡି (ଏମଭିଏ) ୩୦ ନିର୍ବାଚନ କ୍ଷେତ୍ରରେ ବିଜୟ ହାସଲ କରିଛି।

ଫଡନାବିସ୍‌ ଭୋଟଗଣନାର ଗୋଟିଏ ଦିନ ପରେ ବୁଧବାର ହିଁ ଇସ୍ତଫା ଦେବାକୁ ପ୍ରସ୍ତାବ ରଖିଥିଲେ ଏବଂ ଏହାପରେ ଅନେକ ବିଜେପି ନେତାମାନେ ତାଙ୍କ ସହ ଆଲୋଚନା କରିଥିଲେ। ଶୁକ୍ରବାର ଏନଡିଏର ବୈଠକ ପରେ ବିଜେପି ନେତା ରାଜ୍ୟରେ ଗଠବନ୍ଧନର ପ୍ରଦର୍ଶନ ଉପରେ ଆଲୋଚନା କରିବା ପାଇଁ ଉପମୁଖ୍ୟମନ୍ତ୍ରୀ ଅଜିତ ପୱାର ଓ ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ସହ ବୈଠକ କରିଥିଲେ। ସୂତ୍ରାନୁସାରେ ଏହି ସମୟରେ ଫଡନାବିସ ଇସ୍ତଫା ବିଷୟ ଉଠାଇ ଥିଲେ। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.