ଭୁବନେଶ୍ୱର,୨୯/୦୮: ପୂର୍ବ ଶତ୍ରୁତା ପାଇଁ ଜଣେ ଯୁବକଙ୍କୁ ଦୁର୍ବୃତ୍ତଙ୍କ ସଂଘବଧ ଆକ୍ରମଣ । ଆକ୍ରମଣରୁ ବଞ୍ଚିବା ପାଇଁ ଇଲେକ୍ଟ୍ରି ସବଷ୍ଟେସନ୍ ଖୁଣ୍ଟିରେ ଚଢିଲେ ଯୁବକ । ଯୁବକଙ୍କ ପରିଚୟ ଅସ୍ପଷ୍ଟ ଥିବାବେଳେ ଭୁବନେଶ୍ୱରର ପଟିଆ ଛକରେ ଏଭଳି ଘଟଣା ଘଟିଛି । 

ସୂଚନା ଅନୁଯାୟୀ, ବୁଧବାର ବିଳମ୍ୱିତ ରାତିରେ ରାଜଧାନୀରେ ଦେଖିବାକୁ ମିଳିଛି ଏଭଳି ଅଭାବନୀୟ ଘଟଣା । ପୂର୍ବ ଶତ୍ରୁତା ପାଇଁ ଜଣେ ଯୁବକଙ୍କୁ କିଛି ଦୁର୍ବୃତ୍ତ ସଂଘବଦ୍ଧ ହୋଇ ଆକ୍ରମଣ କରିଥିଲେ । ନିଜକୁ ରକ୍ଷା କରିବା ପାଇଁ ଯୁବକ ଜଣକ ପଟିଆ ଛକରେ ଥିବା ଇଲେକ୍ଟ୍ରି ସବଷ୍ଟେସନ୍ ଖୁଣ୍ଟିରେ ଚଢ଼ି ଯାଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ଚନ୍ଦ୍ରଶେଖରପୁର ପୋଲିସକୁ ଖବର ଦେଇଥିଲେ । ଖବର ପାଇ ଏକସଙ୍ଗେ ଚନ୍ଦ୍ରଶେଖରପୁର ଥାନା ପୋଲିସ୍, ଦୁଇଟି ପିସିଆର ଭ୍ୟାନ, ଅଗ୍ନିଶମ ବାହିନୀ ଏବଂ କିଛି ସ୍ଥାନୀୟଲୋକେ ମିଶି ଯୁବକଙ୍କୁ ସବଷ୍ଟେସନ୍ ଉପରୁ ଉଦ୍ଧାର କରିଥିଲେ । ଉଦ୍ଧାର ହୋଇଥିବା ଯୁବକ ଚନ୍ଦ୍ରଶେଖରପୁର ଥାନାରେ ଥିବା ବେଳେ କିଏ ଆଉ କାହିଁକି ଯୁବକଙ୍କୁ ଆକ୍ରମଣ କରିବାକୁ ଆସିଥିଲେ, ସେ ନେଇ ଛାନଭିନ୍ କରୁଛି ପୋଲିସ ।