ବାସୁଦେବପୁର, ୪।୦୨: ବାସୁଦେବପୁର ବ୍ଲକ ବିଦେଇପୁରଠାରେ ଚାଲିଥିବା କପିଳ ମୁନି ମେଳା ଉପଲକ୍ଷେ ଯାତ୍ରା ପରିବେଷଣ ହେଉଥିଲା । ଯାତ୍ରା ଦୁର୍ଗା ମନ୍ଦିର ଯାତ୍ରାର ମେଲୋଡ଼ି କାର୍ଯ୍ୟକ୍ରମ ଶେଷ ହେବା ପରେ ଯାତ୍ରାର ସିନ୍ ଚାଲିଥିବା ବେଳେ ଯାତ୍ରା ବାହାରେ କୌଣସି କାରଣକୁ ନେଇ ପ୍ରଥମେ ଯାତ୍ରା କମିଟି ସଦସ୍ୟଙ୍କ ସହିତ ବିରସ ଗ୍ରାମର କେତେକ ଯୁବକଙ୍କ ସହିତ ପ୍ରଥମେ ବଚସା ହୋଇଥିଲା । ପରେ ଯାତ୍ରା କମିଟି ସଦସ୍ୟମାନେ ମିଳିତ ହୋଇ କୋଦାଳ ବେଣ୍ଟ ସହିତ ବିଭିନ୍ନ ମାରଣାସ୍ତ୍ରରେ ବିରସ ଗ୍ରାମର ଯୁବକମାନଙ୍କୁ ଆକ୍ରମଣ କରିଥିଲେ । 

ଆକ୍ରମଣରେ ବିରସ ଗ୍ରାମର ୨ ଜଣ ଯୁବକ ଗୁରୁତର ଆହତ ହୋଇଛନ୍ତି । ଏହି ଦୁଇ ଆହତ ଯୁବକ ହେଲେ ବାସୁଦେବ ଜେନା ଓ ସୁଦର୍ଶନ ବିଶ୍ୱାଳ ବୋଲି ଜଣାପଡ଼ିଛି । ସ୍ଥାନୀୟ ଲୋକମାନେ ପହଞ୍ଚିବାରୁ ଆକ୍ରମଣକାରୀମାନେ ଦୌଡ଼ି ପଳାଇ ଯାଇଥିଲେ । ଏପରି ଗଣ୍ଡଗୋଳକୁ ନେଇ ଯାତ୍ରା ବନ୍ଦ କରାଯାଇଥିଲା । ଅନ୍ୟପକ୍ଷରେ ଦୁଇଜଣ ଆହତଙ୍କୁ ବାସୁଦେବପୁର ଡାକ୍ତରଖାନା ଆଣିଥିଲେ । ଉଭୟଙ୍କ ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ଅଧିକ ଚିକିତ୍ସା ପାଇଁ ତାଙ୍କୁ ଭଦ୍ରକ ସ୍ଥାନାନ୍ତର କରାଯାଇଛି । ଏ ଘଟଣା ନେଇ ପୋଲିସ ନିକଟରେ କୌଣସି ଅଭିଯୋଗ ହୋଇନଥିବା ସୂଚନାରୁ ପ୍ରକାଶ ।