ସୋର,୫।୯ : ଉତ୍ତ୍ୟକ୍ତ ଲୋକ  ଜାଳିଦେଲେ ମଦ ବୋଝେଇ ଗାଡି। ୧୬ ନଂ ଜାତୀୟ ରାଜପଥ ସିମୁଳିଆ ଥାନା ଅନ୍ତର୍ଗତ ଭଗିଆଛକ ନିକଟରେ ଏହି ଘଟଣା ଘଟିଛି। ଏଥିସହ ୨ ଜଣଙ୍କୁ କାବୁ କରି ଲୋକମାନେ  ପୋଲିସ ଜିମା ଦେଇଛନ୍ତି। ଗାଡିରେ ପ୍ରାୟ ଏକ ହଜାର ଲିଟରରୁ ଅଧିକ ଦେଶୀ ମଦ ଥିଲା। ଉତ୍ତ୍ୟକ୍ତ ଲୋକଙ୍କୁ ପୋଲିସ ବୁଝାସୁଝା କରୁଛି। 

ବେଆଇନ ମଦ ନେଇ ଏକ   ସ୍କର୍ପିଓ  ଆସୁଥିଲା। ସିମୁଳିଆ ଥାନା ଅନ୍ତର୍ଗତ ଭଗିଆଛକ ନିକଟରେ ଗାଡିକୁ ଗୋଡାଇ ଗୋଡାଇ ଅଞ୍ଚଳବାସୀ ଧରିଥିଲେ। ଗାଡି ଭିତରେ ପ୍ରାୟ ଏକ ହଜାର ଲିଟର ଦେଶୀ ମଦ ଥିଲା । ଏହାକୁ ନେଇ ଉତ୍ତେଜନା ଦେଖା ଦେଇଥିଲା। ଉତ୍ତ୍ୟକ୍ତ ଲୋକମାନେ ଗାଡିରେ ନିଆଁ ଲଗାଇ ଜାଳି ଦେଇଥିଲେ। ଏହି ସମୟରେ ଗାଡିରେ ଥିବା ୪ ଜଣଙ୍କ ମଧ୍ୟରୁ ୨ ଜଣ ଫେରାର ହୋଇଯାଇଥିବା ବେଳେ  ୨ ଜଣଙ୍କୁ ଅଞ୍ଚଳବାସୀ କାବୁ କରି ପୋଲିସ ଜିମା ଦେଇଛନ୍ତି। ଭଦ୍ରକ ଓ ସିମୁଳିଆ ପୋଲିସ ଘଟଣାସ୍ଥଳରେ ପହଞ୍ଚି   ଲୋକଙ୍କୁ ବୁଝାସୁଝା କରୁଛନ୍ତି।