ନୂଆଦିଲ୍ଲୀ,୦୪/୦୩: ଇ-କମର୍ସ ୱେବସାଇଟ ଫ୍ଲିପକାର୍ଟ ୟୁନିଫାଏଡ ପେମେଣ୍ଟ  ଇଣ୍ଟରଫେସ ବା ୟୁପିଆଇ ସେବା ଶୁଭାରମ୍ଭ କରିଛି । ୟୁଜର୍ସ ଏହା ଜରିଆରେ କ୍ୟୁଆର୍‌ କୋଡ ସହାୟତାରେ ପେମେଣ୍ଟ କରିପାରିବେ । ବିଜୁଳି ବିଲ୍‌ ଭରିବା ସହ ମୋବାଇଲ ରିଚାର୍ଜ ଭଳି ଡିଜିଟାଲ ସର୍ଭିସର ବ୍ୟବହାର କରିପାରିବେ । କମ୍ପାନି ପ୍ରଥମ  ଅର୍ଡର ଉପରେ ୨୫ ଟଙ୍କାର ରିହାତି ଦେଉଛି । ଏଥିପାଇଁ କମ୍ପାନି ଆକ୍ସିସ ବ୍ୟାଙ୍କ ସହ ଚୁକ୍ତିରେ ସାମିଲ ହୋଇଥିବା ମୁଖ୍ୟ କର୍ପୋରେଟ ବ୍ୟାପାର ଅଧିକାରୀ ରଜନୀଶ କୁମାର କହିଛନ୍ତି । 

ଏହା ଦ୍ୱାରା ଫ୍ଲିପକାର୍ଟ ପ୍ଲାଟଫର୍ମରେ ଥିବା ୫୦ କୋଟି ପଞ୍ଜୀକୃତ ଗ୍ରାହକ ଏବଂ ୧୪ ଲକ୍ଷ ସେଲର ଲାଭବାନ ହୋଇପାରିବେ । ଫ୍ଲିପକାର୍ଟ ୟୁପିଆଇ  ସେବା ପାଇଁ ଗ୍ରାହକ ପ୍ରଥମେ ନିଜ ସ୍ମାର୍ଟଫୋନରେ ଫ୍ଲିପକାର୍ଟ ଆପ୍‌କୁ ଯାଇ ୟୁପିଆଇ  ଆକ୍ଟିଭ ହୋଇପାରିବ । ରୁପେ କ୍ରେଡିଟ କାର୍ଡକୁ ମଧ୍ୟ ଏହା ସହ ଲିଙ୍କ୍‌ କରିପାରିବେ।