ପ୍ରମୁଖ ଖବର
  • ଅଯୋଧ୍ୟାରେ ରାମଲାଲାଙ୍କ ସୂର୍ଯ୍ୟତିଳକ, ଦିବ୍ୟ ରୂପ ଦେଖି ଭକ୍ତିରେ ବିଭୋର ହେଲେ ଶ୍ରଦ୍ଧାଳୁ
  • ||
  • ଦିନ ସାଢେ ୧୧ଟାରେ ୪୦ ଡିଗ୍ରୀ ଛୁଇଁଲା ତାପମାତ୍ରା, ବାଲେଶ୍ଵରରେ ସର୍ବାଧିକ ରେକର୍ଡ
  • ||
  • ଭୁବନେଶ୍ୱର : ପ୍ରଚଣ୍ଡ ଗ୍ରୀଷ୍ମପ୍ରବାହ ଯୋଗୁଁ ୩ ଦିନ ସ୍କୁଲ ଛୁଟି
  • ||
  • ମୁମ୍ୱାଇ: ଶୋଇବା ଅଧିକାର ମୌଳିକ ଆବଶ୍ୟକତା, ରାତି ଅଧରେ ଜେରା କରିବାରୁ ଇଡିକୁ ହାଇକୋର୍ଟ ନୋଟିସ୍‌
  • ||
  • ନୂଆଦିଲ୍ଲୀ : ଦ୍ୱିତୀୟ ପର୍ଯ୍ୟାୟ ଲୋକସଭା ନିର୍ବାଚନ: ୧୬୭ ଜଣଙ୍କ ବିରୋଧରେ ସଙ୍ଗିନ ମାମଲା, କଂଗ୍ରେସର ଭେଙ୍କଟରମଣ ସବୁଠୁ ଧନୀ
  • ||
  • ଭୁବନେଶ୍ୱର : ପିସିସି ପ୍ରଚାର କମିଟି ବୈଠକ, ୨୮ରେ ଓଡ଼ିଶା ଆସିବେ ରାହୁଲ ଗାନ୍ଧି
  • ||
  • ଆଇପିଏଲ୍‌ରେ ଆଜି ଦିଲ୍ଲୀ ଓ ଗୁଜୁରାଟ ମଧ୍ୟରେ ଟକ୍କର, ଅହମ୍ମଦାବାଦରେ ହେବ ମୁକାବିଲା
  • ||
  • ଦୁବାଇରେ ବର୍ଷାର ପ୍ରକୋପ, ଚାରିଆଡେ ଖାଲି ପାଣି ପାଣି, ଓମାନରେ ଚାଲିଗଲା ୧୮ ଜୀବନ
  • ||
  • ଭୁବନେଶ୍ଵର : ଅସହ୍ୟ ତାତି ଓ ଗୁଳୁଗୁଳିରେ ସିଝୁଛି ରାଜ୍ୟ, ୪ ଦିନ ପ୍ରଚଣ୍ଡ ଗ୍ରୀଷ୍ମପ୍ରବାହ, ୧୮ ଓ ୧୯ରେ ୪୫ ଡିଗ୍ରୀ ଛୁଇଁବ
  • ||
  • ଭୁବନେଶ୍ଵର : ଆଜି ପବିତ୍ର ରାମନବମୀ, ପ୍ରାଣ ପ୍ରତିଷ୍ଠା ପରେ ଅଯୋଧ୍ୟାରେ ପ୍ରଥମ ରାମନବମୀ, ଆସିବେ ୨୫ ଲକ୍ଷ ଶ୍ରଦ୍ଧାଳୁ
  • ||

ପ୍ରଶାସନର ପକ୍ଷରୁ ନିର୍ବାଚନ ପ୍ରସ୍ତୁତି: ଗଡ଼ିବ ଅଢ଼େଇ ହଜାର ଗାଡ଼ି,୧୦ ଜିଲ୍ଲାକୁ ବସ୍‌ ଯୋଗାଉଛି କଟକ, ଭୁବନେଶ୍ୱର

କଟକ,୨୩/୦୩: ନିର୍ବାଚନ ପାଖେଇ ଆସୁଥିବା ବେଳେ ଏଥିପାଇଁ ପ୍ରଶାସନର  ପ୍ରସ୍ତୁତି ଜୋର୍‌ଦାର୍‌ ଚାଲିଛି । ବିଶେଷକରି  ନିର୍ବାଚନ ସମୟରେ ଗାଡ଼ିର ଆବଶ୍ୟକତା  ଯଥେଷ୍ଟ ଅଧିକ ଥିବାରୁ ଏନେଇ କଟକ ଆଞ୍ଚଳିକ  ପରିବହନ ଅଧିକାରୀ (ଆରଟିଓ)ଙ୍କ ପକ୍ଷରୁ ଗାଡ଼ି ରିକ୍ୟୁଜେସନ୍‌ ଆରମ୍ଭ ହୋଇଛି । କଟକ ଜିଲ୍ଲା ପକ୍ଷରୁ  ପ୍ରାଥମିକ ପର୍ଯ୍ୟାୟରେ ଅଢ଼େଇ ହଜାର ଗାଡ଼ି(ଏଥିରେ  ବସ୍‌, ଟ୍ରକ୍‌, ମିନି ଟ୍ରକ୍‌, ଅଟୋ, ଦୁଇ ଚକିଆ ଯାନ)  ରିକ୍ୟୁଜେସନ୍‌ କରାଯିବ ବୋଲି ଆକଳନ କରାଯାଇଛି ।  ଏହାବାଦ୍‌ କଟକ ଜିଲ୍ଲା ପକ୍ଷରୁ ଆହୁରି ପ୍ରାୟ ୭ଶହ ବସ୍‌ ମଧ୍ୟ ରିକ୍ୟୁଜେସନ୍‌ କରାଯିବାକୁ ଯୋଜନା ରହିଛି ।  ସେହିସବୁ ବସ୍‌ ପ୍ରାୟ ୧୦ଟି ଜିଲ୍ଲାକୁ ପଠାଯିବ । କଟକ  ସହ ଭୁବନେଶ୍ୱରରୁ ମଧ୍ୟ ଆଉ ପ୍ରାୟ ୭ଶହ ବସ୍‌ ମଧ୍ୟ  ରିକ୍ୟୁଜେସନ୍‌ କରାଯାଇ ଅନ୍ୟ ଜିଲ୍ଲାଗୁଡ଼ିକୁ ପଠାଯିବ । 

କଟକ ଆରଟିଓଙ୍କ ସୂତ୍ରରୁ ମିଳିଥିବା ସୂଚନା ଅନୁସାରେ, କଟକ  ଜିଲ୍ଲାପାଇଁ ୩୮ଟି ଟ୍ରକ୍‌ ରିକ୍ୟୁଜେସନ୍‌ କରାଯିବ । ସେହିପରି ୩୧ ସିଟ୍‌ ବିଶିଷ୍ଟ ୨୯୩ଟି ବସ୍‌ ଏବଂ ୨୧ରୁ ୩୧ ସିଟ୍‌ ବିଶିଷ୍ଟ ୬୨୫ଟି ବସ୍‌, ୨୧ରୁ  କମ୍‌ ସିଟ୍‌ ବିଶିଷ୍ଟ ୯୫ଟି ବସ୍‌ ମଧ୍ୟ ରିକ୍ୟୁଜେସନ୍‌ କରାଯିବ । ୧୩୫୫ଟି  ପିକ୍‌ଅପ୍‌, ଟାଟା ମ୍ୟାଜିକ୍‌ ଏବଂ ବୋଲେରୋ ମଧ୍ୟ ନିଆଯିବ । ଏହା  ବାଦ୍‌ ୨୧ଟି ଇନୋଭା/ଜାଇଲୋ, ୩୦ଟି କାର୍‌ ଏବଂ ୪୩ଟି ମୋଟର  ସାଇକେଲ୍‌ ମଧ୍ୟ ନିର୍ବାଚନ ପ୍ରସ୍ତୁତିରେ ଲାଗିବ । ଏଥିରୁ କେବଳ  ୧୦୪୨ଟି ଗାଡ଼ି ରେଭେନ୍ସା କ୍ୟାମ୍ପସ୍‌ରେ ରହିବ । ବାଙ୍କୀ ସ୍ୱୟଂଶାସିତ  ମହାବିଦ୍ୟାଳୟରେ ୧୭୩ଟି, ଆଠଗଡ଼ରେ ୪୨୭ଟି, ପୁଲିସ୍‌ ପାଇଁ  ଆବଶ୍ୟକ କରୁଥିବା ୩୦୧ଟି ଗାଡ଼ି ବକ୍ସିବଜାର ରିଜର୍ଭ ଅଫିସ୍‌ରେ ରହିବ ।  

କିନ୍ତୁ କଟକ ଜିଲ୍ଲା କେବଳ ନିଜ ଜିଲ୍ଲା ପାଇଁ ଗାଡ଼ି ରିକ୍ୟୁଜେସନ୍‌  କରେନାହିଁ । କଟକ ଏବଂ ଭୁବନେଶ୍ୱର ଆଟିଓଙ୍କ ପକ୍ଷରୁ ପ୍ରାୟ  ୧୭୦୦ ବସ୍‌ ରିକ୍ୟୁଜେସନ୍‌ କରାଯାଇଥାଏ । କଟକ ଆରଟିଓଙ୍କ  ପକ୍ଷରୁ ୬୦୦ରୁ ଅଧିକ ଏବଂ ଭୁବନେଶ୍ୱର ଆରଟିଓଙ୍କ ପକ୍ଷରୁ  ପ୍ରାୟ ୭୦୦ ଏବଂ ଢେଙ୍କାନାଳ ଏବଂ ଅନୁଗୁଳ ଜିଲ୍ଲାରୁ ରିକ୍ୟୁଜେସନ୍‌  କରାଯାଇଥାଏ । ଏହିସବୁ ଗାଡ଼ିକୁ କୋରାପୁଟ, ମାଲାକାନଗିରି,  ରାୟଗଡ଼ା, ନବରଙ୍ଗପୁର, କଳାହାଣ୍ଡି, ସୋନପୁର, ବଲାଙ୍ଗୀର,  ଜଗତସିଂହପୁର, କେନ୍ଦ୍ରାପଡ଼ା ଆଦି ଜିଲ୍ଲାକୁ ପଠାଯାଇଥାଏ ।  

ଏନେଇ କଟକ ଏମ୍‌ଭିଆଇ ବିଶ୍ୱଜିତ୍‌ ଦାସ କହିଛନ୍ତି ଯେ,  ବିଭିନ୍ନ ଗାଡ଼ି ମାଲିକ କେବେ ସୁଦ୍ଧା ଆରଟିଓଙ୍କ କାର୍ଯ୍ୟାଳୟରେ ରିପୋର୍ଟିଂ କରିବେ ସେନେଇ ନୋଟିସ୍‌ କରାଯାଇଛି । ଯଦି ଧାର୍ଯ୍ୟ  ସମୟରେ ଗାଡ଼ି ମାଲିକମାନେ ରିପୋର୍ଟିଂ ନକରନ୍ତି ତାହେଲେ ସେମାନଙ୍କୁ କାରଣ ଦର୍ଶାଅ ନୋଟିସ୍‌ କରାଯିବା ସହ ଆବଶ୍ୟକ  କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ଶ୍ରୀ ଦାସ ପ୍ରକାଶ କରିଛନ୍ତି ।

  • prameyanews
  • PrameyaOdia
  • prameya
  • General Election 2024
  • Odisha election 2024
  • lok sabha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.