ଭୁବନେଶ୍ୱର ୨୧/୦୪: ବିଜେଡି ଓ କଂଗ୍ରେସ ପକ୍ଷରୁ ଶନିବାର କିଛି ଆସନ ପାଇଁ ପ୍ରାର୍ଥୀ ତାଲିକା ଘୋଷଣା କରାଯାଇଛି । ମାତ୍ର ଏଯାଏ ଆହୁରି ୩ ଦଳର ପ୍ରାର୍ଥୀ ଚୟନ ବାକି ଅଛି । ବିଜେଡି ଓ ବିଜେପି ସମସ୍ତ ୨୧ ଲୋକସଭା ସିଟ୍ ପାଇଁ ପ୍ରାର୍ଥୀ ଦେଇ ସାରିଛି । କଂଗ୍ରେସ କିନ୍ତୁ ଏଯାଏ ମୟୂରଭଞ୍ଜ ଓ କଟକ ଲୋକସଭା ସିଟ୍ ପାଇଁ ପ୍ରାର୍ଥୀ ଘୋଷଣା କରିନି । ଏହାସହ ଦଳ ପକ୍ଷରୁ ଆହୁରି ୯ ବିଧାନସଭା ଆସନରେ ପ୍ରାର୍ଥୀ ଘୋଷଣା ବାକି ରହିଛି ।
ଶାସକ ବିଜେଡି ପକ୍ଷରୁ ଆହୁରି ୧୨ ବିଧାନସଭା ଆସନ ପାଇଁ ପ୍ରାର୍ଥୀ ଘୋଷଣା ବାକି ଅଛି । ଏହି ଆସନଗୁଡ଼ିକ ହେଲା ରଘୁନାଥପାଲ୍ଲୀ, ଖଣ୍ଡପଡ଼ା, ବେଗୁନିଆ, ଖୋର୍ଦ୍ଧା । ସେହିଭଳି ବାଲିକୁଦା ଏରସମା, କାକଟପୁର, ହିନ୍ଦୋଳ, କୋରେଇ,ବରୀ, ଭୋଗରାଇ,ନୀଳଗିରି, ବାଙ୍ଗିରିପୋଷି ବିଧାନସଭା ପାଇଁ ବିଜେଡିରେ ଟିକଟ କସରତ ଜାରି ରହିଛି । ବିଜେପି ମଧ୍ୟ ଏଯାଏ ଖୋର୍ଦ୍ଧା, ବେଗୁନିଆ, ଭଳି ୧୬ ବିଧାନସଭା ଆସନ ପାଇଁ ପ୍ରାର୍ଥୀ ଖୋଜୁଛି ।
