ପ୍ରମୁଖ ଖବର
  • ଇଓଡବ୍ଲ୍ୟୁ ପଞ୍ଝାରେ ୨ କୁଖ୍ୟାତ କ୍ରିପ୍ଟୋ ଠକ, ୧୫ କୋଟି ଟଙ୍କାର ଠକେଇ ଅଭିଯୋଗ
  • ||
  • ସ୍ଵାମୀ ସରୋଜଙ୍କ ସହ ବିଜେପିରେ ମିଶିଲେ ଜ୍ୟୋତି ପାଣିଗ୍ରାହୀ, ବିଜେଡିରୁ ଦେଇଥିଲେ ଇସ୍ତଫା
  • ||
  • ମେ ୩୧ରେ ଆସିବ ‘ମିଷ୍ଟର ଆଣ୍ଡ ମିସେସ୍‌ ମାହି’, ଦେଖିବାକୁ ମିଳିବ ରାଜକୁମାର-ଜାହ୍ନବୀଙ୍କ ଜବରଦସ୍ତ କେମେଷ୍ଟ୍ରି
  • ||
  • ଖାଉଟିଙ୍କ ପକେଟକୁ ମହଙ୍ଗା ମାଡ଼: ଟ୍ୱିନ୍‌ ସିଟିରେ ଆଳୁ କିଲୋ ୩୦ ଟଙ୍କା, ସପ୍ତାହକରେ ୮ ଟଙ୍କା ବଢ଼ିଲାଣି
  • ||
  • ପ୍ଲାଷ୍ଟିକ ବଜାରକୁ ନେଇ ବିବାଦ: ଆଜି ୧୨ ସଂଘ-ବିଏମ୍‌ସି ବୈଠକ
  • ||
  • ସୋମବାର ଶ୍ରୀଲିଙ୍ଗରାଜଙ୍କ ରୁକୁଣା ରଥ ପ୍ରତିଷ୍ଠା ଉତ୍ସବ, ମଙ୍ଗଳବାର ଶ୍ରୀଜିଉଙ୍କ ରଥଯାତ୍ରା
  • ||
  • ପାରାଦୀପରେ ୬୧ ଦିନ ଯାଏଁ ମାଛଧରା ବନ୍ଦ, ମାଛ ସଂରକ୍ଷଣକୁ ଦୃଷ୍ଟିରେ ରଖି ମତ୍ସ୍ୟ ବିଭାଗ ପକ୍ଷରୁ ନିର୍ଦ୍ଦେଶ
  • ||
  • ଓଡ଼ିଶାରେ ମୋଦି ନୁହେଁ, ‘ନବୀନ ଗ୍ୟାରେଣ୍ଟି’: ଚାଲିଛି ମତାମତ ସଂଗ୍ରହ, ଖୁବ୍‌ଶୀଘ୍ର ବିଜେଡିର ଇସ୍ତାହାର
  • ||
  • IPL 2024: ବେଙ୍ଗାଲୁରୁ-ହାଇଦ୍ରାବାଦ ମଧ୍ୟରେ ଟକ୍କର, ରୟାଲର କ୍ଲାସେନ ଭୟ
  • ||
  • ରାଜ୍ୟରେ ପୁଣି ପ୍ରଚଣ୍ଡ ତାତି, ଆହୁରି ୪ରୁ ୬ ଡିଗ୍ରୀ ବଢ଼ିବ ପାରଦ: ୧୮ ଯାଏ ଭୀଷଣ ଗ୍ରୀଷ୍ମପ୍ରବାହ
  • ||

ସୁନ୍ଦର ଦିଶିବାର ଇଚ୍ଛା, ମାତ୍ର ୧୮ ବର୍ଷ ବୟସରେ ୧୦୦ରୁ ଅଧିକ ଥର କରାଇଛନ୍ତି ପ୍ଲାଷ୍ଟିକ୍‌ ସର୍ଜରୀ

ନୂଆଦିଲ୍ଲୀ ୦୪/୦୩: ସୁନ୍ଦର ଦିଶିବାକୁ କାହାର ବା ଇଚ୍ଛା ନଥାଏ । ତେବେ ନିଜର ସୁନ୍ଦରତାକୁ ବୃଦ୍ଧି କରିବା ଲାଗି ଚୀନ୍‌ର ଜଣେ ଝିଅ ୧୦୦ରୁ ଅଧିକ ଥର ପ୍ଲାଷ୍ଟିକ୍‌ ସର୍ଜରୀ କରାଇଛନ୍ତି । ତାଙ୍କର ବୟସ ମାତ୍ର ୧୮ ବର୍ଷ । ଅଦ୍ୟାବଧି ସର୍ଜରୀ ବାବଦରେ ସେ ଭାରତୀୟ ମୁଦ୍ରାରେ ପ୍ରାୟ ୪.୬୬ କୋଟି ଟଙ୍କା ଖର୍ଚ୍ଚ କରିଛନ୍ତି । ତାଙ୍କର ଏହି କାହାଣୀ ସୋସିଆଲ ମିଡିଆରେ ଭାଇରାଲ୍‌ ହେଉଛି । 

ସାଉଥ୍‌ ଚାଇନା ମର୍ଣ୍ଣିଂ ପୋଷ୍ଟର ରିପୋର୍ଟ ଅନୁସାରେ, ପୂର୍ବ ଚୀନ୍‌ର ଝୋଜିୟାଙ୍ଗ ପ୍ରଦେଶରେ ରହୁଥିବା ଝାଓ ଚୁନା ନାମକ ଏହି ଝିଅ ଜଣକ ବିଗତ ୫ ବର୍ଷ ହେଲା ଅସ୍ତ୍ରୋପଚାର କରାଉଛନ୍ତି । ସେ ନିଜ ପସନ୍ଦର ଅଭିନେତ୍ରୀ ଏସଥଲ ୟୁଙ୍କ ଭଳି ସୁନ୍ଦର ଦିଶିବାକୁ ଚାହାନ୍ତି । ଏଥିସହିତ ପ୍ରସିଦ୍ଧ ହେବାକୁ ବି ତାଙ୍କର ସ୍ୱପ୍ନ ରହିଛି । ତାଙ୍କର ପ୍ଲାଷ୍ଟିକ୍‌ ସର୍ଜରୀ ବାବଦ ପୂରା ଖର୍ଚ୍ଚକୁ ତାଙ୍କ ବାପା ମା’ ବହନ କରିଛନ୍ତି । ସ୍କୁଲ ସମୟରୁ ହିଁ ଝାଓ ନିଜର ଲୁକ୍‌କୁ ନେଇ ଚିନ୍ତାରେ ରହୁଥିଲେ । ପରବର୍ତ୍ତୀ ସମୟରେ ସାଂଘାଇ ଇଣ୍ଟରନ୍ୟାସନାଲ ସ୍କୁଲରେ ପଢ଼ିବା ଆରମ୍ଭ କରିବା ପରେ ନିଜଠୁ ଅଧିକ ସୁନ୍ଦର ସହପାଠୀଙ୍କୁ ଦେଖି ତାଙ୍କ ମନରେ ହୀନମନ୍ୟତା ଆସିଲା । ଏହାପରେ ଲୁକ୍‌ ପରିବର୍ତ୍ତନ ଲାଗି ପ୍ଲାଷ୍ଟିକ ସର୍ଜରୀ କରାଇବାକୁ ସେ ବାପାମା’ ନିକଟରେ ଅଳି କଲେ ।

ମାତ୍ର ୧୩ ବର୍ଷ ବୟସର ହୋଇଥିବାବେଳେ ତାଙ୍କର ପ୍ରଥମ ପ୍ଲାଷ୍ଟିକ ସର୍ଜରୀ ହୋଇଥିଲା । ସେତେବେଳେ ସେ ନିଜର ଆଖିର ପତାକୁ ଦୁଇ ଗୁଣ ବଡ଼ କରାଇଥିଲେ । ସେପଟେ ବାରମ୍ବାର ଅସ୍ତ୍ରୋପଚାର କରାଇବା ଯୋଗୁ ତାଙ୍କୁ ସ୍କୁଲ ବି ଛାଡ଼ିବାକୁ ପଡ଼ିଛି । ବର୍ତ୍ତମାନ ଡାକ୍ତରମାନେ ଝାଓଙ୍କୁ ଆଖିକୁ ଆହୁରି ବଡ଼ କରିହେବନାହିଁ ବୋଲି ଚେତାବନୀ ଦେଇଛନ୍ତି । ପୂର୍ବରୁ ୧୦ ଥର ଆଖିରେ ଅସ୍ତ୍ରୋପଚାର ହୋଇଥିବାବେଳେ ଆଉ ଅସ୍ତ୍ରୋପଚାର କରାଇବା କ୍ଷତିକାରକ ହୋଇପାରେ ବୋଲି ସେମାନେ ଆଶଙ୍କା ପ୍ରକାଶ କରିଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.