ନୂଆଦିଲ୍ଲୀ : ଟ୍ରେନ ଯାତ୍ରାକୁ ସହଜ ଓ ସୁଗମ କରିବା ପାଇଁ କେନ୍ଦ୍ର ସରକାରଙ୍କ ପକ୍ଷରୁ ଚେଷ୍ଟା ଜାରି ରହିଛି। ଏଥିପାଇଁ ସରକାର ଏକ ନୂଆ ରେଲୱେ ସୁପର ଆପ୍ ଆଣୁଛନ୍ତି। କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଘୋଷଣା କରିଛନ୍ତି କି , ରେଲୱେ ପକ୍ଷରୁ ଏକ ନୂଆ ସୁପର ଆପ୍ ଉପରେ କାମ କରାଯାଉଛି। ଏହି ଆପ୍ରେ ରେଲୱେର ସବୁ ସର୍ଭିସ୍ ଉପଲବ୍ଧ ରହିବ।
ବର୍ତ୍ତମାନ ସମୟରେ ଟ୍ରେନ୍ ଟିକେଟ୍ ବୁକିଂ ପାଇଁ ଆଇଆରସିଟିସି ଆପ୍ ଓ ୱେବସାଇଟ୍ର ବ୍ୟବହାର କରାଯାଉଛି , ଟ୍ରେନ୍ର ଷ୍ଟାଟସକୁ ଟ୍ରାକ୍ କରିବା ଠାରୁ ନେଇ ପିଏନଆର ଚେକ୍ କରିବାକୁ ଅଲଗା ଆପ୍ର ବ୍ୟବବାର କରାଯାଏ। ଏଥିରେ ଟ୍ରେନ୍ ଯାତ୍ରୀଙ୍କୁ ଖୁବ୍ ସମସ୍ୟା ହୋଇଥାଏ। ଏହି ସମସ୍ୟାକୁ ଦୂର କରିବା ପାଇଁ ସରକାର ନୂଆ ସୁପର ଆପ୍ ନେଇ ଆସୁଛନ୍ତି।
ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ପକ୍ଷରୁ ବର୍ତ୍ତମାନ ରେଲୱେର ନୂଆ ଆପ୍କୁ ନେଇ ଅଧିକ ସୂଚନା ଦିଆଯାଇ ନାହିଁ। କିନ୍ତୁ ଏମିତି କୁହାଯାଉଛି କି, ଏହି ଆପ୍ରେ ମୋବାଇଲ ୟୁଜର୍ସ ଅନଲାଇନ୍ ଟିକେଟ୍ ବୁକିଂ କରି ପାରିବେ। ଏହାସହ ଟ୍ରେନ୍ର ପିଏନଆର ଷ୍ଟାଟସକୁ ଚେକ୍ କରି ପାରିବେ। ଏହା ବ୍ୟତୀତ ଟ୍ରେନ୍ର ଅନଲାଇନ୍ ରନିଂ ଷ୍ଟାଟସ୍କୁ ଚେକ୍ କରିବାରେ ସହଜ ହେବ।
ମନ୍ତ୍ରୀ କହିଛନ୍ତି , ତାଙ୍କ ପକ୍ଷରୁ ଟ୍ରେନ୍ର ଇନଫ୍ରାଷ୍ଟକଚରକୁ ଉତ୍ତମ କରିବା ଦିଗରେ କାମ କରାଯାଉଛି। ସେ କହିଛନ୍ତି କି, ସରକାର ଗତ ଏକ ଦଶକରୁ ଇଣ୍ଡିଆନ ରେଲୱେର ଅତ୍ୟାଧୁନିକ କରିବା ଉପରେ ଜୋର ଦେଉଛନ୍ତି। ଏହାସହ ଏହାକୁ ଡିଜିଟାଲୀ ମୁତାବକ ଅଧିକ ଭଲ କରୁଛନ୍ତି।
କହି ରଖୁଛୁ କି, ଆଜିକା ସମୟରେ ପ୍ଲାଟଫର୍ମରୁ ନେଇ ଜେନେରାଲ ଟିକେଟ୍କୁ ଅନଲାଇନ୍ ମୋଡରେ କିଣା ଯାଇପାରେ, ଯେଉଁଥି ପାଇଁ ପୂର୍ବରୁ ଲମ୍ୱା ଲାଇନ୍ ଲଗେଇବାରୁ ପଡ଼ୁଥିଲା। ହେଲେ ରେଲୱେର ସବୁ ଅନଲାଇନ୍ ସର୍ଭିସ୍ ଅଲଗା ଅଲଗା ପ୍ଲାଟଫର୍ମରେ ରହିଛି , ଯାହାକୁ ଗୋଟିଏ ସ୍ଥାନକୁ ଆଣିବା ପାଇଁ ସରକାର ସୁପର ଆପ୍ ନେଇ ଆସୁଛନ୍ତି।
ସରକାର ରେଲୱେ ସୁରକ୍ଷା ଉପରେ ପୂରା ଧ୍ୟାନ ଦେଉଛନ୍ତି। ମନ୍ତ୍ରୀଙ୍କ କହିବାନୁସାରେ, ଏଥିରେ ଟ୍ରେନ୍ ଦୁର୍ଘଟଣାର ସଂଖ୍ୟାରେ ହ୍ରାସ ଦେଖିବାକୁ ମିଳିଛି। ସରକାରଙ୍କ ପକ୍ଷରୁ ସ୍ୱଦେଶୀ ଅଟୋମେଟିକ ଟ୍ରେନ୍ ପ୍ରୋଟେକ୍ସନ ( ଏଟିପି) ସିଷ୍ଟମ ଲାଗୁ କରାଯାଇଛି, ଯାହାକି ‘କବଚ’ ନାମରେ ଜଣାଯାଏ। ବର୍ତ୍ତମାନ ସମୟରେ ୧୦ ହଜାର କବଚ ଲଗାଯାଇଛି, ଯାହା ଟ୍ରେନର ପରସ୍ପର ଭିତରେ ହେଉଥିବା ଧକ୍କାକୁ ରୋକିଥାଏ।
