ହରିଆଣା : ହରିଆଣାର ଏକ ଭିଡ଼ିଓ ଖୁବ୍ ଭାଇରାଲ ହେଉଛି। ଏହି ଭାଇରାଲ ଫୁଟେଜ୍ରେ ଦେଖିବାକୁ ମିଳୁଛି ଦୁଇ ଜଣ ଚୋର ଜଣେ ମହିଳାଙ୍କ ଠାରୁ ଚେନ୍ ଲୁଟି ଫେରାର ହୋଇ ଯାଉଛନ୍ତି। ଭିଡ଼ିଓ କ୍ଲିପ୍ଟି ଆରମ୍ଭ ହେଉଛି - ଜଣେ ବ୍ୟକ୍ତି ବାଇକ୍ରେ ବସି ତାର ସାଥି ଲୁଟେରାକୁ ଅପେକ୍ଷା କରିଛି। ଅନ୍ୟ ଜଣଙ୍କ ମହିଳାଙ୍କୁ ଚେନ୍ ଛଡ଼େଇ ତୁରନ୍ତ ବାଇକ୍ ବସି ଯାଉଛି। ଦୁହେଁ ବାଇକ୍ରେ ଫେରାର ହେବାକୁ ଚେଷ୍ଟା କରୁଛନ୍ତି। ଏହି ସମୟରେ ହରିଆଣା ରୋଡୱେଜ୍ର ଜଣେ ବସ୍ ଚାଳକ ନିଜ ବସ୍ରେ ଲୁଟେରାଙ୍କ ବାଇକକୁ ସାଇଡ୍ରେ ଧକ୍କା ଦେଉଛନ୍ତି। ଦୁହେଁ ବାଇକ୍ରୁ ପଡ଼ି ଯାଇଛନ୍ତି। ଆଉ ଧରାପଡ଼ି ଯିବା ଭୟରେ ଉଠି ଦୌଡ଼ୁଛନ୍ତି।
ଲୁଟେରା ଦୁହେଁ ଦୌଡ଼ି ପଳାଉ ଥିବା ବେଳେ ସେଠାରେ ଆଖପାଖରେ ଥିବା ଲୋକେ ତାଙ୍କର ପିଛା କରି ଧରି ପକାଇ ଥିଲେ। ଏହି ଘଟଣାକୁ ହରିଆଣା ରୋଡ୍ୱେଜ୍ର ଅଫିସିଆଲି ପେଜ୍ ଇନଷ୍ଟାଗ୍ରାମ୍ରେ ସେୟାର କରାଯାଇଛି। ସୋସିଆଲ ମିଡ଼ିଆରେ ଏହା ଖୁବ୍ ଭାଇରାଲ ହେଉଛି ଏବଂ ଏହା ଉପରେ ଏବେସୁଦ୍ଧା ୪୬ ମିଲିୟନ ଭ୍ୟୁଜ୍ ହୋଇ ସାରିଛି। ଭିଡ଼ିଓର କ୍ୟାପସନରେ ଦିଆ ଯାଇଛି , ସାଲ୍ୟୁଟ୍ । ହରିଆଣା ରୋଡୱେଜ୍ ଡ୍ରାଇଭର ।
ଲୋକେ ବସ୍ ଚାଳକଙ୍କ ଉପସ୍ଥିତ ବୁଦ୍ଧି ଓ ସାହସକୁ ଖୁବ୍ ପ୍ରଶଂସା କରୁଛନ୍ତି। ଉକ୍ତ ପୋଷ୍ଟରେ ଅନେକ ପ୍ରକାରର କମେଣ୍ଟ ମଧ୍ୟ ଦେଉଛନ୍ତି।
