ଆନନ୍ଦପୁର ୦୪/୦୨: ଭାରସାମ୍ୟ ହରାଇ ଜଳଖିଆ ଦୋକାନ ଉପରେ ଓଲଟିଲା ହାଇୱା। ନନ୍ଦିପଦା ଥାନା ଚଣ୍ଡୀବିରଞ୍ଚିପୁର ଛକ ନିକଟ ଘଟଛି ଦୁର୍ଘଟଣା। ବାଲି ବୋଝେଇ ହାଇୱାଟି କିଶୋର ଭୋଳଙ୍କ ଜଳଖିଆ ଦୋକାନ ଉପରେ ଓଲଟିିବାରୁ ସମ୍ପୂର୍ଣ୍ଣ ଭାଙ୍ଗି ଯାଇଛି। ଦୁର୍ଘଟଣା ଘଟାଇବା ପରେ ହାଇୱା ଡ୍ରାଇଭର ଗାଡ଼ି ଛାଡ଼ି ଚମ୍ପଟ୍ ମାରିଛି। ଭାଗ୍ୟକୁ ଦୁର୍ଘଟଣା ସମୟରେ ଦୋକାନ ଭିତରେ କେହି ନ ଥିବାରୁ କୌଣସି ମୃତାହତ ହୋଇ ନଥିବା ସୂଚନା ମିଳିଛି। ଘଟଣାସ୍ଥଳରେ ପୋଲିସ ପହଞ୍ଚି ଗାଡ଼ି ଜବତ କରିବା ସହ ତଦନ୍ତ ଆରମ୍ଭ କରିଛି।
ସୂଚନା ମୁତାବକ, ଶନିବାର ବିଳମ୍ବିତ ରାତିରେ ୫୩ ନମ୍ବର ରାଜ୍ୟ ରାଜପଥ ନନ୍ଦିପଦା ଥାନା ଅନ୍ତର୍ଗତ ଚଣ୍ଡୀବିରଞ୍ଚିପୁର ଛକ ଦୁର୍ଘଟଣା। ହାଇୱାଟି ଭାରସାମ୍ୟ ହରାଇ ରାସ୍ତା କଡ଼ରେ ଥିବା କିଶୋର ଭୋଳଙ୍କ ଜଳଖିଆ ମାଡ଼ି ଯାଇଥିଲା। ଫଳରେ ଦୋକାନ ଉପରେ ଓଲଟିପଡିଥିଲା। ବାଲି ବୋଝେଇ ହାଇୱା ତଳେ ଚାପି ହୋଇ ଦୋକାନର ଆସବାବପତ୍ର ଓ ବିଭିନ୍ନ ଜିନିଷ ଭାଙ୍ଗି ଚୁରମାର ହୋଇଯାଇଛି। ହେଲେ ଭାଗ୍ୟକୁ ସେହି ସମୟରେ ଦୋକାନ ଭିତରେ କେହିନଥିବା ଜଣାପଡିଛି।
