ପ୍ରମୂଖ ଖବର
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ଫୋନ୍‌ ନ ଉଠାଇବାରୁ ପତ୍ନୀଙ୍କୁ ହତ୍ୟା, ବିଷ ଖାଇ ଚିକିତ୍ସିତ ହେଉଛନ୍ତି ଅଭିଯୁକ୍ତ ସ୍ୱାମୀ

ବେଙ୍ଗାଲୁରୁ,୦୯/୧୦: କର୍ଣ୍ଣାଟକରେ ଜଣେ ପୁଲିସ କନଷ୍ଟେବଲ କିଶୋର(୩୪) ଫୋନ୍‌ ନ ଉଠାଇବାରୁ ପତ୍ନୀ ପ୍ରତିଭା(୨୪)ଙ୍କୁ ହତ୍ୟା କରିଛନ୍ତି ।  ଅଘଟଣଟି ଗତ ୬ ତାରିଖରେ ଘଟିଥିଲା । ୧୧ ଦିନ ପୂର୍ବରୁ ଦମ୍ପତିଙ୍କର ଏକ ପୁଅ ହୋଇଥିଲା । ପ୍ରସବ ପରେ ପ୍ରତିଭା ନିଜ ବାପଘରେ ଥିଲେ ।  

ପୁଲିସ ଅନୁସାରେ, ପ୍ରତିଭା କମ୍ପ୍ୟୁଟର ସାଇନ୍ସରେ  ଇଞ୍ଜିନିୟରିଂ କରିଥିଲେ । ତାଙ୍କର ବାପା ସୁବ୍ରମଣି  ବେଟ୍ଟାହଲସୁର ଗ୍ରାମ ପଞ୍ଚାୟତର ସେକ୍ରେଟେରୀ ।  ଗତବର୍ଷ ନଭେମ୍ବର ୧୩ରେ କୋଲାର ଜିଲ୍ଲା  ବୀରାପୁରାର ବାସିନ୍ଦା କିଶୋରଙ୍କ ସହ ତାଙ୍କର  ବିବାହ ହୋଇଥିଲା । କିଶୋର ଚାମରାଜନଗରରେ  ମୁତୟନ ଅଛନ୍ତି । ତେବେ ସବୁବେଳେ ପତ୍ନୀଙ୍କର  ଚରିତ୍ରକୁ ନେଇ ସନ୍ଦେହ କରୁଥିଲେ ସେ । ତାଙ୍କର  କଲ୍‌ ଡିଟେଲସ୍‌ ଏବଂ ମେସେଜ୍‌ ଯାଞ୍ଚ କରୁଥିଲେ । ଘଟଣାର ଦିନକ ପୂର୍ବରୁ ଅର୍ଥାତ୍‌ ନଭେମ୍ବର ୫ରେ  ଉଭୟଙ୍କ ମଧ୍ୟରେ ଫୋନ୍‌ରେ ଯୁକ୍ତିତର୍କ ହୋଇଥିଲା ।  ଏହି ସମୟରେ ପ୍ରତିଭାଙ୍କ ମା’ ରାଗି ଯାଇ ଫୋନ୍‌  କାଟି ଦେଇଥିଲେ । ରାତି ସାରା କିଶୋର ପତ୍ନୀଙ୍କୁ  ପ୍ରାୟ ୧୫୦ ଥର ଫୋନ୍‌ କରିଥିଲେ । ପରଦିନ  ଚାମରାଜନଗରଠାରୁ ପ୍ରାୟ ୨୩୦ କିମି ଦୂର ଶ୍ୱଶୁର  ଘରକୁ ଯାଇଥିଲେ କିଶୋର । ସେତେବେଳକୁ ପ୍ରତିଭା ପୁଅ ସହ ପ୍ରଥମ ମହଲାରେ ଥିଲେ । ତାଙ୍କର ମା’  ଛାତ ଉପରକୁ ଯାଇଥିଲେ । 

ଏହି ସୁଯୋଗରେ  କିଶୋର କୋଠରୀ ମଧ୍ୟକୁ ପଶି ଭିତରୁ କବାଟ  ଦେଇଥିଲେ । ନିଜେ ବିଷ ଖାଇବା ପରେ ଓଢ଼ଣୀରେ  ଶ୍ୱାସରୁଦ୍ଧ କରି ପତ୍ନୀଙ୍କୁ ହତ୍ୟା କରିଥିଲେ । ୧୫ ମିନିଟ୍‌  ପରେ ବାହାରକୁ ଆସି ‘ମୁଁ ତାକୁ ମାରି ଦେଲି’ ବୋଲି  ପାଟି କରିବା ସହ ଫେରାର ହୋଇଯାଇଥିଲେ ।  କିଶୋରଙ୍କ ବିରୋଧରେ ପୁଲିସ ଏକ ହତ୍ୟା ମାମଲା ରୁଜୁ କରିଛି । ସେ ଏବେ ଏକ ହସ୍ପିଟାଲରେ ଚିକିତ୍ସିତ  ହେଉଥିବାବେଳେ ଡିସ୍‌ଚାର୍ଜ ହେବାପରେ ତାଙ୍କୁ  ଗିରଫ କରାଯିବ ବୋଲି ପୁଲିସ କହିଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.