ନୂଆଦିଲ୍ଲୀ, ୮/୫ : ଟି-୨୦ ବିଶ୍ବକପ ୨୦୨୪ର ଆରମ୍ଭ ୨ଜୁନରୁ ହେବାକୁ ଯାଉଛି । ଓ୍ବେଷ୍ଟଇଣ୍ଡିଜ ବ୍ୟତୀତ ଆମେରିକା ଟି-୨୦ ବିଶ୍ବକପର ଆୟୋଜନ କରିବ । ସେହିପରି ରୋହିତ ଶର୍ମାଙ୍କ ନେତୃତ୍ବାଧିନ ଟିମ୍ ଇଣ୍ଡିଆ ନିଜ ବିଶ୍ବକପ ଅଭିଯାନର ଆରମ୍ଭ ଆୟରଲ୍ୟାଣ୍ଡ ବିପକ୍ଷରେ କରିବ । ଭାରତ ଏବଂ ଆୟରଲ୍ୟାଣ୍ଡର ଟିମ୍ ୫ଜୁନରେ ସାମ୍ନାସାମ୍ନି ହେବେ । ଏହାପରେ ଟିମ୍ ଇଣ୍ଡିଆ ଟୁର୍ଣ୍ଣାମେଣ୍ଟରେ ନିଜ ଦ୍ବୀତୟ ମ୍ୟାଚ୍ ପାକିସ୍ତାନ ବିପକ୍ଷରେ ଖେଳିବ । ଭାରତ ଏବଂ ପାକିସ୍ତାନର ଟିମ୍ ୯ଜୁନରେ ସାମ୍ନାସାମ୍ନି ହେବେ। ଦୁଇ ଟିମ୍ ମଧ୍ୟରେ ମୁକାବିଲା ନ୍ୟୁୟର୍କର ନାସାଉ ଷ୍ଟାଡିୟମରେ ଖେଳାଯିବ । 

ସେହିଭଳି ଟି-୨୦ ବିଶ୍ବକପ ଆରମ୍ଭ ହେବା ପୂର୍ବରୁ ଭାରତୀୟ ଫ୍ୟାନ୍ସଙ୍କ ଲାଗି ଏକ ଭଲ ଖବର ସାମ୍ନାକୁ ଆସିଛି । ପ୍ରକାଶ ଯେ, ଭାରତୀୟ ଫ୍ୟାନ୍ସ ଟି-୨୦ବିଶ୍ବକପର ମୁକାବିଲା ଡିଜ୍ନି ପ୍ଲସ ହଟଷ୍ଟାରରେ ଫ୍ରିରେ ଦେଖିପାରିବେ । ଏଥିଲାଗି ସବ୍ସକ୍ରିପ୍ଶନ ନେବା ଜରୁରୀ ପଡ଼ିବ ନାହିଁ । ଯାହାକି ଷ୍ଟାର ସ୍ପୋର୍ଟ୍ସ ନେଟଓ୍ବାର୍କରେ ଲାଇଭ ବ୍ରଡକାଷ୍ଟିଂ ଦେଖିପାରିବେ । ଜଣାପଡ଼ିଛି କି ଷ୍ଟାର ସ୍ପୋର୍ଟ୍ସ ନେଟଓ୍ବାର୍କ ଟି-୨୦ ବିଶ୍ବକପ ୨୦୨୪ର ଅଫିଶିଆଲ ବ୍ରଡକାଷ୍ଟର ଅଟେ । ଏହା ବ୍ୟତୀତ ଏହି ଟୁର୍ଣ୍ଣାମେଣ୍ଟ ମ୍ୟାଚର ଲାଇଭ ଷ୍ଟ୍ରିମିଂ ଡିଜ୍ନି ପ୍ଲସ ହଟଷ୍ଟାରରେ ଫ୍ରିରେ ଦେଖି ପାରିବେ । 

ଗତ ଦିନରେ ଅଜିତ ଅଗରକରଙ୍କ ନେତୃତ୍ବାଧିନ ବିସିସିଆଇ ସିଲେକ୍ଶନ କମିଟି ଟି-୨୦ ବିଶ୍ବକପ ଲାଗି ଟିମ୍ ଇଣ୍ଡିଆର ଘୋଷଣା କରିଥିଲା । ରୋହିତ ଶର୍ମାଙ୍କ ନେତୃତ୍ବାଧିନ ଭାରତୀୟ ଟିମରେ ହାର୍ଦ୍ଦିକ ପାଣ୍ଡ୍ୟା ଉପ-ଅଧିନାୟକର ଭୂମିକାରେ ରହିବେ । ସେହିଭଳି ଏହା କୁହାଯାଉଛି କି ଭାରତୀୟ ଖେଳାଳୀ ଆଇପିଏଲ ପ୍ଲେଅଫ ପରେ ଟି-୨୦ ବିଶ୍ବକପ ଲାଗି ଯିବେ । ଏହାସହ ଟି -୨୦ ବିଶ୍ବକପ ଲାଗି ଚୟନ ହୋଇଥିବା ଖେଳାଳୀଙ୍କ ଆଇପିଏଲ୍ ଟିମ୍ ଯଦି ପ୍ଲେ ଅଫ ପର୍ଯ୍ୟନ୍ତ ପହଞ୍ଚି ନ ଥିବେ ସେହି ଖେଳାଳୀ ପ୍ରଥମେ ଯିବେ ।