ଭୁବନେଶ୍ୱର,୦୪/୦୩: ବିଭିନ୍ନ ରାଜ୍ୟ ପାଇଁ ଭୁବନେଶ୍ୱର ମହାନଗର ନିଗମ (ବିଏମ୍‌ସି) ଏବେ ରୋଲ ମଡେଲ ହୋଇଛି । ଭୁବନେଶ୍ୱରରେ ମଶୁରୀସ୍ଥିତ ଭାରତ ସରକାରଙ୍କ ଲାଲ ବାହାଦୁର ଶାସ୍ତ୍ରୀ ନ୍ୟାସନାଲ ଏକାଡେମୀ ଅଫ୍‌ ଆଡମିନିଷ୍ଟ୍ରେସନର ୧୭ ଜଣ ଆଇଏଏସ ଅଫିସର ବିଏମ୍‌ସି ମଡେଲ ବୁଲି ଦେଖିଛନ୍ତି । ଷ୍ଟଡି ଟୁର୍‌ରେ ଆସିଥିବା ବିଭିନ୍ନ ବିଭାଗର ଏହି ଅଧିକାରୀମାନେ ବିଏମ୍‌ସିରେ ହୋଇଥିବା ରୂପାନ୍ତରୀକରଣ କାମ ବୁଲି ଦେଖିଛନ୍ତି । 

ମୁଖ୍ୟତଃ ଓଡିଶାରେ ଜାଗା ମିଶନ,  ୨୪ ଘଣ୍ଟିଆ ଡ୍ରିଙ୍କ ଫ୍ରମ ଟ୍ୟାପ ବୁଲି ଦେଖିଥିଲେ । ଏହି ଅଧିକାରୀମାନେ  ଆଜି ବିଏମ୍‌ସିରେ ହୋଇଥିବା ବିଭିନ୍ନ ପାର୍କ, ଖେଳପଡିଆ, କଂଜରଭେନ୍‌ସି  ଲେନ୍‌, ଚଲାପଥ, ଟଏଲେଟ୍‌, ମୁକ୍ତାକାଶ ଜିମ୍‌ ଆଦି ବିଭିନ୍ନ ଉନ୍ନୟନମୂଳକ  କାମ ଦେଖିବା ସହ ମା ମଙ୍ଗଳା ବିଜୁ ଆଦର୍ଶ କଲୋନୀ ଯାଇ ସେଠାରେ  ରୂପାନ୍ତରୀକରଣରେ ହୋଇଥିବା ବିଭିନ୍ନ କାମ ଦେଖିଥିଲେ । ବିଏମ୍‌ସି ପକ୍ଷରୁ ଯୋଗାଇ ଦିଆଯାଇଥିବା ବିଭିନ୍ନ ସୁବିଧା ସୁଯୋଗ ସଂପର୍କରେ  ଲୋକମାନଙ୍କଠାରୁ ପଚାରି ବୁଝିଥିଲେ । ଆଜି ସେମାନେ ପୁରୀ ଯାଇ ୫ଟି ଅଧିନରେ ହୋଇଥିବା ଶ୍ରୀକ୍ଷେତ୍ର ପରିକ୍ରମା ପକଳ୍ପ ଦେଖିବା ସହ ଜଗନ୍ନାଥଙ୍କୁ ଦର୍ଶନ କରିବାର କାର୍ଯ୍ୟକ୍ରମ ରହିଛି ।