ନୂଆଦିଲ୍ଲୀ, ୨୮/୯ : ଭାରତର ସବୁଠାରୁ କଠିନ ପରୀକ୍ଷା ଭିତରେ ଆସିଥାଏ ୟୁପିଏସସି ସିଭିଲ ସେବା ପରୀକ୍ଷା । ପ୍ରତ୍ୟେକ ବର୍ଷ ଏହି ପରୀକ୍ଷାରେ ଲକ୍ଷାଧିକ ଛାତ୍ରଛାତ୍ରୀ ଭାଗ ନେଇଥାନ୍ତି । ମାତ୍ର ସେମାନଙ୍କ ମଧ୍ୟରୁ କ୍ବଚିତ ପରୀକ୍ଷାର୍ଥି ନିଜର ସ୍ବପ୍ନ ପୂରା କରିପାରି ଆଇପିଏସ ଏବଂ ଆଇଏଏସ ହୋଇଥାନ୍ତି । ଏହି ପରୀକ୍ଷା ଦେବା ପୂର୍ବରୁ ଅନେକ ଛାତ୍ରଛାତ୍ରୀ ବହୁ କଠିନ ପରିଶ୍ରମ କରିଥାନ୍ତି । କୋଚିଂଠୁ ଆରମ୍ଭ କରି ଅନେକ ପ୍ରକାରର ଗାଇଡାନ୍ସ ବି ନେଇଥାନ୍ତି ।

ଆଜି ଆମେ ଏଭଳି ଜଣେ ଆଇଏଏସ ଅଧିକାରୀଙ୍କ କଥା କହିବୁ ଯାହାଙ୍କ ଜୀବନ ଅନେକ ସଂଘର୍ଷରେ ଭରା । ଯାହାଙ୍କ ନାମ ରମେଶ ଘୋଲପ । ଏହି ଅଧିକାରୀଙ୍କ ଜୀବନରେ ଅନେକ ବାଧାବିଘ୍ନ ଆସିଛି । ମାତ୍ର ତାକୁ ସେ ତିଳେ ମାତ୍ର ଭୃକ୍ଷେପ ନ କରି ଆଗକୁ ଯାଇଥିଲେ । ଏଭଳି କି ପରୀକ୍ଷା ଦେବା ପୂର୍ବରୁ ସେ କୌଣସି କୋଚିଂ ବି ନେଇ ନ ଥିଲେ । ମନରେ ଆଇଏଏସ ହେବାର ଦୃଢ ଇଛା ଶକ୍ତି ତାଙ୍କୁ ଆଜି ଏହି ସ୍ଥାନରେ ପହଞ୍ଚାଇପାରିଛି । ତାଙ୍କ ବାପା ଗୋରଖ ଘୋଲପ ଏକ ଛୋଟ ସାଇକେଲ ଦୋକାନ ଚଳାଉଥିଲେ । ମାତ୍ର ସେ ସବୁବେଳେ ନିଶାରେ ଥିବାବେଳେ ରମେଶ ସ୍କୁଲରେ ପଢୁଥିବାବେଳେ ତାଙ୍କର ମୃତ୍ୟୁ ହୋଇଥିଲା । ଏହି ଦୁଃଖଦ ଘଟଣା ପରେ ରମେଶ ଓ ତାଙ୍କ ଭାଇ ମା’ ବିମଳାଙ୍କ ଉପରେ ଜୀବନଯାପନର ବୋଝ ହୋଇଯାଇଥିଲେ । ଏଭଳି କି ତାଙ୍କ ମା’ ଗାଁ ଗାଁ ବୁଲି ଚୁଡ଼ି ବିକିବାକୁ ଲାଗିଥିଲେ ଏବଂ ପରେ ଏଭଳି ଅବସ୍ଥା ଦେଖି ରମେଶ ବି ତାଙ୍କ ମା’ଙ୍କୁ ସାହାଯ୍ୟ କରିବାକୁ ଯାଇ ଗାଁ ଗାଁ ବୁଲି ଚୁଡ଼ି ବିକିଥିଲେ ।

ରମେଶ ତାଙ୍କ ପ୍ରାରମ୍ଭିକ ପାଠ ପଢା ତାଙ୍କ ଗାଁରେ କରିଥିଲେ । ପରେ ସେ ଆଗକୁ ପାଠ ପଢିବା ଲାଗି ନିଜ ଦାଦାଙ୍କ ଘର ବରସୀ ଚାଲିଯାଇଥିଲେ । ୨୦୦୫ରେ ରମେଶ ଯେତେବେଳେ ଦ୍ବାଦଶ ଶ୍ରେଣୀରେ ପାଠ ପଢୁଥିଲେ ସେତେବେଳେ ତାଙ୍କ ବାପାଙ୍କ ମୃତ୍ୟୁ ହୋଇଥିଲା । ଏହି ସମୟରେ ତାଙ୍କୁ ଖୁବଶୀଘ୍ର ଘରେ ପହଞ୍ଚିବାକୁ ଥିଲା । ଦାଦାଙ୍କ ଘରୁ ତାଙ୍କ ଘରେ ପହଞ୍ଚିବାକୁ ରମେଶଙ୍କୁ କେବେଳ ୭ଟଙ୍କା ଲାଗୁଥିଲା । କିନ୍ତୁ ଦିବ୍ୟାଙ୍ଗ ହେବା କାରଣରୁ ରମେଶଙ୍କ କେବଳ ୨ଟଙ୍କା ଭଡ଼ା ଲାଗୁଥିଲା । ହେଲେ ରମେଶ ଘରକୁ ଯିବାକୁ ବି ତାଙ୍କ ପାଖରେ ୨ଟଙ୍କା ବି ନ ଥିଲା । ଫଳରେ ସେ ଘରେ ନିଜ ବାପାଙ୍କ ଅନ୍ତିମ ସଂସ୍କାରରେ ବି ପହଞ୍ଚି ପାରିନଥିଲେ ।

ମାତ୍ର ରମେଶଙ୍କୁ ଏହି ପରିସ୍ଥିତି ପଛକୁ ଫେରାଇପାରିନଥିଲା । ପ୍ରତିକୂଳ ପରିସ୍ଥିତି ସତ୍ବେ ବି ସେ ଆଗକୁ ମାଡ଼ି ଚାଲିଲେ । ପରେ ଡିପ୍ଲୋମା ହାସଲ କରିଥିଲେ ଏବଂ ନିଜ ପାଠପଢାର ଖର୍ଚ୍ଚ ସେ ନିଜେ ଉଠାଇଥିଲେ । ପରେ ସେ ଏକ ଓପନ ୟୁନିଭର୍ସିଟିରୁ ଆର୍ଡସରେ ଡିଗ୍ରୀ ହାସଲ କରିଥିଲେ ଏବଂ ୨୦୦୯ରେ ଶିକ୍ଷକ ଭାବେ କାମ କରିବାକୁ ଆରମ୍ଭ କରିଥିଲେ । ସେହି ସମୟରେ ଜଣେ ତହସିଲଦାରଙ୍କ ସହ ତାଙ୍କର ଭେଟ ହେବା ପରେ ୟୁପିଏଏସି ପରୀକ୍ଷା ଦେବାକୁ ମନ ବଳାଇଥିଲେ । ଯାହା ପରେ ସେ ୟୁପିଏସସି ପରୀକ୍ଷା ଦେବାକୁ ନିଜର ଶିକ୍ଷକତା ଚାକିରି ଛାଡ଼ିବାକୁ ପଡ଼ିଥିଲା । ମା’ ବି ତାଙ୍କ ସ୍ବପ୍ନ ପୁରା କରିବାକୁ କିଛି ଟଙ୍କା ଏକାଠି କଲେ ଏବଂ ସେ ୬ମାସର ପାଠ ପଢିବା ଲାଗି ପୂଣେ ଚାଲିଯାଇଥିଲେ । ୨୦୧୦ର ପ୍ରଥମ ପ୍ରୟାସରେ ତାଙ୍କୁ ସଫଳତା ମିଳିନଥିଲା । କିନ୍ତୁ ସେ ନିଜର ପ୍ରୟାସ ଛାଡ଼ିନଥିଲେ ଯାହାକି ୨୦୧୨ରେ ରମେଶ ୟୁପିଏସସି ସିଭିଲ ସେବା ପରୀକ୍ଷା ପାସ୍ କରିଥିଲେ ଏବଂ ଦିବ୍ୟାଙ୍ଗ କ୍ୟାଟେଗୋରୀରେ ୨୮୭ରାଙ୍କ ହାସଲ କରିଥିଲେ । ଆଜି ଆଇଏଏସ ରମେଶ ଘୋଲପ ଝାଡ଼ଖଣ୍ଡର ଶକ୍ତି ବିଭାଗର ସଂଯୁକ୍ତ ସଚିବ ପଦରେ କାର୍ଯ୍ୟରତ ଅଛନ୍ତି ।