ଦୁବାଇ,୧୨/୦୯: ସଦ୍ୟ ପ୍ରକାଶିତ ଆଇସିସି ଟେଷ୍ଟ  ବ୍ୟାଟିଂ ମାନ୍ୟତା ତାଲିକାରେ ୩ ଭାରତୀୟ ଷ୍ଟାର ରୋହିତ ଶର୍ମା, ଯଶସ୍ୱୀ ଜୈସ୍ୱାଲ୍‌ ଓ ବିରାଟ କୋହଲିଙ୍କ ଉନ୍ନତି  ହୋଇଛି । ରୋହିତ ପଞ୍ଚମ, ଜୈସ୍ୱାଲ୍‌ ଷଷ୍ଠ ଓ କୋହଲି  ସପ୍ତମକୁ ଉଠିଛନ୍ତି । ଜୋ ରୁଟ୍‌ ପୂର୍ବବତ ଶୀର୍ଷ ସ୍ଥାନ ବଜାୟ  ରଖିଛନ୍ତି । କେନ ୱିଲିୟମସନ ଦ୍ୱିତୀୟ, ଡାରିଲ ମିଚେଲ  ତୃତୀୟ ଓ ଷ୍ଟିଭେନ ସ୍ମିଥ୍‌ ଚତୁର୍ଥ ସ୍ଥାନରେ ରହିଛନ୍ତି ।  

ଶ୍ରୀଲଙ୍କା ଖେଳାଳିମାନଙ୍କ ମାନ୍ୟତାରେ ଜବରଦସ୍ତ  ଉନ୍ନତି ହୋଇଛି । କାମିଣ୍ଡୁ ମେଣ୍ଡିସ୍‌ ୨୦ତମ ସ୍ଥାନ ଦଖଲ  କରିଛନ୍ତି । ତାଙ୍କ ମାନ୍ୟତାରେ ୬ଟି ସ୍ଥାନ ଉନ୍ନତି ହୋଇଛି ।  ସେହିପରି ଧନଞ୍ଜୟ ଡି ସିଲଭାଙ୍କ ମାନ୍ୟତାରେ ୩ଟି ସ୍ଥାନ  ଉନ୍ନତି ହୋଇଛି ଓ ସେ ୧୩ତମ ସ୍ଥାନ ଦଖଲ କରିଛନ୍ତି। 

୨ବର୍ଷ ପରେ ଟେଷ୍ଟ ଖେଳୁଥିବା ପଥୁମ ନିଶଙ୍କାଙ୍କ  ମାନ୍ୟତାରେ ୪୨ଟି ସ୍ଥାନ ଉନ୍ନତି ହୋଇଛି । ଇଂଲଣ୍ଡ ବିପକ୍ଷ  ତୃତୀୟ ଟେଷ୍ଟରେ ସେ ମ୍ୟାଚ୍‌ ବିଜୟୀ ଶତକ ଅର୍ଜନ  କରିଥିଲେ । ବର୍ତ୍ତମାନ ସେ ୩୯ତମ ସ୍ଥାନ ଦଖଲ କରିଛନ୍ତି