ନୂଆଦିଲ୍ଲୀ,୦୯/୦୨: ଜାତୀୟ ବିଧାନସଭା ଏବଂ ପ୍ରାଦେଶିକ ନିର୍ବାଚନ ପାଇଁ ଭୋଟ୍ ଶେଷ ହେବା ପରେ ପାକିସ୍ତାନରେ ମତଗଣନା ଚାଲିଛି। ଭୋଟ୍ ଗଣନା ମଧ୍ୟରେ ଏକ ଟ୍ରେଣ୍ଡ ମଧ୍ୟ ଆରମ୍ଭ ହେବାକୁ ଲାଗିଲା। ଏଥିରୁ ଜଣାପଡ଼ୁଛି ଯେ, ଏଥର ପାକିସ୍ତାନର ଫଳାଫଳ ସବୁଠୁ ଆଶ୍ଚର୍ଯ୍ୟଜନକ ହେବ। ଇମ୍ରାନ ଖାନ୍ଙ୍କ ସମର୍ଥିତ ସ୍ବାଧିନ ପ୍ରାର୍ଥିମାନେ ଏକ ବଡ଼ ବିଜୟ ଆଡ଼କୁ ଯାଉଥିବା ଦେଖିବାକୁ ମିଳୁଛି। ପାକିସ୍ତାନରେ ତିନି ପ୍ରମୁଖ ରାଜନୈତିକ ଦଳ ପାକିସ୍ତାନ ମୁସଲିମ ଲିଗ୍-ନୱାଜ (ପିଏମଏଲ-ଏନ), ପାକିସ୍ତାନ ତେହେରିକ-ଇ-ଇନସାଫ (ପିଟିଆଇ) ଏବଂ ପାକିସ୍ତାନ ପିପୁଲ୍ସ ପାର୍ଟି (ପିପିପି) ରହିଛି।
ସଦ୍ୟତମ ରିପୋର୍ଟ ଅନୁସାରେ ପିଟିଆଇ ସମର୍ଥିତ ନିର୍ଦ୍ଦଳୀୟ ପ୍ରାର୍ଥୀ ଆଗୁଆ ଥିବା ବେଳେ ଦ୍ବିତୀୟରେ ନଓ୍ବାଜ ସରିଫଙ୍କ ପାର୍ଟି ପିଏମଏଲ-ଏନ ଓ ଶେଷରେ ବିଲାବଲ ଭୁଟ୍ଟୋଙ୍କ ପାର୍ଟି ପିପିିପି ରହିଛି। ତେବେ ଏହାରି ଭିତରେ ପ୍ରଶ୍ନ ଉଠୁଛି ଯେ, ଏଥର କିଏ ପାକିସ୍ତାନର ପ୍ରଧାନମନ୍ତ୍ରୀ ହେବ। ଦୀର୍ଘ ଦିନ ଧରି ଲଣ୍ଡନରେ ରହିଥିବା ନୱାଜ ସରିଫଙ୍କ ଆଶା ଏଥର ମଉଳିଲା ପରି ମନେ ହେଉଛି। ଏଭଳି ପରିସ୍ଥିତିରେ ତାଙ୍କ ଭାଇ ତଥା ପୂର୍ବତନ ପ୍ରଧାନମନ୍ତ୍ରୀ ଶେହବାଜ ସରିଫଙ୍କ ଭାଗ୍ୟ ପୁଣି ଉଦୟ ହେବ କି ବୋଲି ପ୍ରଶ୍ନ ଉଠିଛି। କିନ୍ତୁ ଏହି ସମସ୍ତ ଚର୍ଚ୍ଚା ଆଲୋଚନାକୁ ଜେଲରେ ଥିବା ଇମ୍ରାନ ଖାନ ଓଲଟାଇଦେଇ ପାରନ୍ତି।
କିନ୍ତୁ ଏକ ଖବର ଅଛି ଯେ ଇମ୍ରାନଙ୍କୁ କ୍ଷତି ପହଞ୍ଚାଇବାକୁ ସେନାର ଏକ ଯୋଜନା ଚାଲିଛି। ସେନାର ଯୋଜନା ହେଉଛି ଇମ୍ରାନ ସମର୍ଥକ ନେତାମାନଙ୍କୁ ଦଳ ବଦଳାଇବା ଏବଂ ବିଜୟ ପରେ ସେମାନଙ୍କୁ ନୱାଜ ସରିଫଙ୍କ ପାର୍ଟି ପାକିସ୍ତାନ ମୁସଲିମ ଲିଗ-ନୱାଜରେ ଯୋଗଦାନ କରାଇବା। ଏହି କାର୍ଯ୍ୟ ପାଇଁ ପାକିସ୍ତାନୀ ସେନା ଅନେକ ଇମ୍ରାନ ସମର୍ଥକ ପ୍ରାର୍ଥୀଙ୍କ ସହ ଯୋଗାଯୋଗରେ ଅଛି।
ଗତକାଲି ବିଳମ୍ବିତ ରାତିରେ ଆସିଥିବା ନିର୍ବାଚନର ପ୍ରାରମ୍ଭିକ ଧାରାରେ, ଇମ୍ରାନଙ୍କୁ ସମର୍ଥନ କରୁଥିବା ସ୍ୱାଧୀନ ପ୍ରାର୍ଥୀମାନେ ୧୦୦ ରୁ ଅଧିକ ଆସନରେ ଆଗୁଆ ରହିଥିଲେ। ଏହା ପରେ ପାକିସ୍ତାନରେ ନିର୍ବାଚନ ଆୟୋଗ ଫଳାଫଳ ପ୍ରକାଶ କରିବାରେ ବିଳମ୍ବ କରିଥିଲେ। ପିଟିଆଇ କର୍ମୀମାନେ ଦାବି କରିଛନ୍ତି ଯେ ସେମାନଙ୍କ ଦଳର ପ୍ରାର୍ଥୀ ଜିତୁଛନ୍ତି, ତେଣୁ ଫଳାଫଳ ବିଳମ୍ବ ହେଉଛି। ପିଟିଆଇ ପକ୍ଷରୁ ଧମକ ମଧ୍ୟ ଦିଆଯାଇଛି। ଏହି ନିର୍ବାଚନରେ ଦଳ ଠକେଇ ଅଭିଯୋଗ କରିଛି। ଏବଂ କହିଛି ଯେ ପାକିସ୍ତାନରେ ଏହି କଠୋରତା ଏବଂ ଅତ୍ୟାଚାରକୁ ବରଦାସ୍ତ କରାଯାଇପାରିବ ନାହିଁ।
You can also read: ନିର୍ବାଚନ ପୂର୍ବରୁ ଇଣ୍ଡିଆ ମେଣ୍ଟକୁ ଲାଗିପାରେ ଝଟ୍କା; ନୀତୀଶଙ୍କ ପରା ଆର୍ଏଲ୍ଡି, ଏମ୍ଏନ୍ଏସ୍ ଏନ୍ଡିଏରେ ହୋଇପାରନ୍ତି ସାମିଲ