ନୂଆଦିଲ୍ଲୀ: ଭାରତ ନିଜକୁ ଏକ ବିକଶିତ ରାଷ୍ଟ୍ର ହେବାର ପଥରେ କ୍ରମାଗତ ଭାବରେ ଆଗକୁ ବଢିବାରେ ଲାଗିଛି । ଦେଶରେ ପ୍ରତିଦିନ ନୂଆ ନୂଆ କାର୍ଯ୍ୟ ଜାରି ରହିଛି । ଦେଶର ବିକାଶରେ ରାସ୍ତା କେତେ ଗୁରୁତ୍ୱପୂର୍ଣ୍ଣ ତାହା ଭାରତ ସରକାର ଜାଣିଛନ୍ତି । ଏହି କାରଣରୁ ଦୁର୍ଗମ ଅଞ୍ଚଳଗୁଡିକ ମଧ୍ୟ ମୁଖ୍ୟ ସହର ସହିତ ସଂଯୁକ୍ତ ହୋଇପାରୁଛି । ଏହି ପରିପ୍ରେକ୍ଷୀରେ ଉତ୍ତର-ପୂର୍ବ ରାଜ୍ୟଗୁଡ଼ିକୁ ପ୍ରମୁଖ ସହର ସହିତ ଯୋଡିବା ପାଇଁ ଭାରତ ସରକାର ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି । ଏହି ସମୟ ମଧ୍ୟରେ ଭାରତ ମଧ୍ୟ ବାଂଲାଦେଶରୁ ସମର୍ଥନ ପାଉଛି ।
ସୂଚନାଥାଉକି, ଭାରତର ଉତ୍ତର-ପୂର୍ବ ରାଜ୍ୟ ଗୁଡିକ ମଧ୍ୟରୁ ମେଘାଳୟରୁ ପଶ୍ଚିମବଙ୍ଗ ପର୍ଯ୍ୟନ୍ତ ଦୂରତା ୫୮୮ କିଲୋମିଟର ଅଟେ । ଏହା ଯାତ୍ରୀଙ୍କ ପାଇଁ ସମୟ ସହିତ ଅଧିକ ଖର୍ଚ୍ଚ ମଧ୍ୟ କରିଥାଏ । ଏହି ବାସିନ୍ଦାଙ୍କ ପାଇଁ ଭାରତ ସରକାର ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛନ୍ତି । ମେଘାଳୟର ତୁରା ସହରରୁ ପଶ୍ଚିମବଙ୍ଗର ବାଲୁରଘାଟ ଜିଲ୍ଲା ପର୍ଯ୍ୟନ୍ତ ଏକ ରାଜପଥ ନିର୍ମାଣ ପାଇଁ ଯୋଜନା ପ୍ରସ୍ତୁତ ହୋଇଛି ।
ଏହି ମେଗା ପ୍ରକଳ୍ପ ବାଂଲାଦେଶ ଦେଇ ପଶ୍ଚିମବଙ୍ଗରେ ପହଞ୍ଚିବ । ଏହି ସମୟରେ, ତୁରାରୁ ବାଲୁରଘାଟ ପର୍ଯ୍ୟନ୍ତ ଦୂରତା ମାତ୍ର ୧୨୦ କିଲୋମିଟର ରହିବ । ଯଦି ଭାରତର ଏହି ମେଗା ଯୋଜନା ସଫଳ ହୁଏ, ତେବେ ଉତ୍ତର-ପୂର୍ବାଞ୍ଚଳ ରାଜ୍ୟଗୁଡ଼ିକ ମଧ୍ୟ ଅଗ୍ରତି କରିବେ ।
ସୂଚନାଯୋଗ୍ୟ ଯେ ଏହା କୌଣସି ନୂତନ ରାଜପଥ ନୁହେଁ । ୧୯୬୫ ମସିହାରେ ଭାରତ ଏବଂ ପାକିସ୍ତାନ ମଧ୍ୟରେ ଯୁଦ୍ଧ ଆରମ୍ଭ ନହେବା ପର୍ଯ୍ୟନ୍ତ ଏହା ସାଧାରଣ ନାଗରିକଙ୍କ ପାଇଁ ଖୋଲା ଥିଲା । ତେବେ, ୧୯୭୧ ଯୁଦ୍ଧ ପରେ ଏହା ଭାରତୀୟ ନାଗରିକଙ୍କ ପାଇଁ ବନ୍ଦ ହୋଇଯାଇଥିଲା । ବର୍ତ୍ତମାନ ଭାରତ ସହିତ ବାଂଲାଦେଶୀ ନାଗରିକ ମାନେ ମଧ୍ୟ ଏହି ରାଜପଥ ଖୋଲିବାକୁ ଦାବି କରୁଛନ୍ତି । ଏହା ପରେ ଉଭୟ ଦେଶର ସରକାର ଏହାକୁ ଖୋଲିବାକୁ ରାଜି ହୋଇଛନ୍ତି । ଭାରତ ଏବଂ ବାଂଲାଦେଶ ମଧ୍ୟରେ ବଢୁଥିବା ନିକଟତରତା ପାକିସ୍ତାନକୁ ବିରକ୍ତି କରୁଛି ବୋଲି ବିଶେଷଜ୍ଞ ମାନେ କହିଛନ୍ତି ।