ପ୍ରମୂଖ ଖବର
  • ବଜେପି ଅଧ୍ୟକ୍ଷ ଜେପି ନଡ୍ଡା ରାଜ୍ୟସଭା ନେତା ନିର୍ବାଚିତ
  • ||
  • ୩ ଓ୍ବିକେଟ୍ ହରାଇ ସେମି ଫାଇନାଲ୍‌ରେ ଦକ୍ଷିଣ ଆଫ୍ରିକା, ୱେଷ୍ଟଇଣ୍ଡିଜ୍‌ର ବିଶ୍ୱକପ୍ ସ୍ୱପ୍ନ ଧୂଳିସାତ୍
  • ||
  • ଅଷ୍ଟାଦଶ ଲୋକସଭାର କାମଚଳା ବାଚସ୍ପତି ଭାବେ ଶପଥ ନେଲେ ଭର୍ତ୍ତୃହରି ମହତାବ
  • ||
  • ରୁଙ୍ଗଟା କାରଖାନାରେ ଅଘଟଣ, ଲୁହା ପ୍ଲେଟ୍ ଚାପି ହୋଇ ୨ ଶ୍ରମିକ ମୃତ
  • ||
  • ରି ଚେକିଂ ହେବ ୧୮ ହଜାର ମାଟ୍ରିକ୍‌ ଖାତା, ବୋର୍ଡରେ ଆବେଦନ କରିଛନ୍ତି ୫ ହଜାର ପରୀକ୍ଷାର୍ଥ
  • ||
  • କେନ୍ଦୁଝର: ରାସ୍ତା ପାରି ହେଉଥିବା ବେଳେ ମାଡ଼ିଗଲା ଟ୍ରକ୍, ମହିଳା ମୃତ
  • ||
  • ଭୋଗରାଇ: ବଙ୍ଗୀୟ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର, ସହଯୋଗୀ ଫେରାର୍
  • ||
  • ସୁପର ୮ରେ ଭାରତ-ଅଷ୍ଟ୍ରେଲିଆ ବଡ଼ ଲଢ଼େଇ: ନେଟ୍‌ ରନରେଟ୍‌ ହେବ ଖେଳ, ଖଳନାୟକ ସାଜିପାରେ ବର୍ଷା
  • ||
  • ସୋମବାରଠୁ ଅଷ୍ଟାଦଶ ଲୋକସଭାର ପ୍ରଥମ ଅଧିବେଶନ:୨୬ରେ ବାଚସ୍ପତି ନିର୍ବାଚନ, ୨୭ରେ ରାଜ୍ୟ ସଭା ବୈଠକ
  • ||
  • ଓଡ଼ିଶାର ୩୦ ଜିଲ୍ଲାକୁ ସମ୍ପୂର୍ଣ୍ଣ ଛୁଇଁଲା ମୌସୁମୀ ବାୟୁ, ଆସନ୍ତା ୩ ଦିନ ବିଭିନ୍ନ ଜିଲ୍ଲାରେ ବର୍ଷା ସମ୍ଭାବନା
  • ||

ବିଶ୍ୱ ଚେସ ଚାମ୍ପିଅନ୍‌ସିପ୍‌: ଆୟୋଜନ ପାଇଁ ଭାରତର ବିଡ୍‌ ଦାଖଲ, ବ୍ୟୟ ଅଟକଳ ୭୧କୋଟି ଟଙ୍କା

ନୂଆଦିଲ୍ଲୀ,୩୦/୦୫: ଭାରତର ଯୁବ ଚେସ ବିସ୍ମୟ ଡି ଗୁକେଶ ଓ ଡିଫେଣ୍ଡିଂ ବିଶ୍ୱ ଚାମ୍ପିଅନ୍‌ ଚୀନ୍‌ର ଡିଙ୍ଗ ଲିରେନଙ୍କ ମଧ୍ୟରେ ଖେଳାଯିବ ବିଶ୍ୱ ଚାମ୍ପିଅନ୍‌ସିପ୍‌ ଟାଇଟଲ ମୁକାବିଲା । ଭାରତ ଏହି ପ୍ରତିଯୋଗିତାର ଆୟୋଜନ ପାଇଁ ବିଡ୍‌ ଦାଖଲ କରିଛି । ଗତ ମାସରେ କ୍ୟାଣ୍ଡିଡେଟ୍ସ ଚେସ ଟାଇଟଲ ଜିତି ଗୁକେଶ ବିଶ୍ୱ ଟାଇଟଲ ପାଇଁ ଯୋଗ୍ୟତା ଅର୍ଜନ କରିଥିଲେ । ବିଶ୍ୱର ସର୍ବ କନିଷ୍ଠ ଖେଳାଳି ଭାବେ  ଗୁକେଶ କ୍ୟାଣ୍ଡିଡେଟ୍ସ ଚେସ ଚାମ୍ପିଅନ୍‌ ହୋଇ  ଇତିହାସ ରଚିବା ପରେ ସର୍ବଭାରତୀୟ ଚେସ  ସଙ୍ଘ(ଏଆଇସିଏଫ୍‌) ବିଶ୍ୱ ଟାଇଟଲ ମୁକାବିଲା ଆୟୋଜନ କରିବାକୁ ମନ ବଳାଇଥିଲା ।  

ଚେସ କ୍ୟାଲେଣ୍ଡର ଅନୁଯାୟୀ ନଭେମ୍ବର ୨୦ରୁ  ଡିସେମ୍ବର ୧୫ତାରିଖ ମଧ୍ୟରେ ବିଶ୍ୱ ଚାମ୍ପିଅନ୍‌ସିପ୍‌  ଆୟୋଜନ କରାଯିବ । ବର୍ତ୍ତମାନ ସୁଦ୍ଧା ଏକମାତ୍ର ଦେଶ ଭାବେ  ଭାରତ ଏହି ସମ୍ମାନଜନକ ଟୁର୍ଣ୍ଣାମେଣ୍ଟର ଆୟୋଜନ ପାଇଁ ବିଡ୍‌  ଦାଖଲ କରିଛି । ବିଶ୍ୱ ଚେସ ସଙ୍ଘ(ଫିଡେ) ପକ୍ଷରୁ ଚଳିତ ମାସ  ୩୧କୁ ବିଡ୍‌ ଦାଖଲର ଶେଷ ତାରିଖ ଭାବେ ଚୟନ କରାଯାଇଛି ।  ଫିଡେର ମୁଖ୍ୟ କାର୍ଯ୍ୟକାରୀ ଅଧିକାରୀ ଏମିଲ ସୁତୋସ୍କି  କହିଛନ୍ତି, ଇତି ମଧ୍ୟରେ କେବଳ ଭାରତ ପ୍ରତିଯୋଗିତା  ଆୟୋଜନ ପାଇଁ ବିଡ୍‌ ଦାଖଲ କରିଛି । ସିଙ୍ଗାପୁର ମଧ୍ୟ  ଆୟେଜନ ଦୌଡରେ ରହିଛି । ମାତ୍ର ବିଡ୍‌ ଦାଖଲ କରିନାହିଁ ।  ଆସନ୍ତା ସପ୍ତାହରେ ଫିଡେ କାଉନ୍‌ସିଲ ବୈଠକ ରହିଛି । ଏହି  ବୈଠକ ଅବସରରେ ଆୟୋଜନ ଅଧିକାର ପ୍ରଦାନ କରାଯିବ ।  

ଫିଡେ ଜାରି କରିଥିବା ନିୟମାବଳୀ ଅନୁଯାୟୀ ଆୟୋଜନ  ଅଧିକାର ପାଇଁ ବ୍ୟୟ ଅଟକଳ ୮୫ଲକ୍ଷ ଡଲାର (ପାଖାପାଖି  ୭୧କୋଟି ଟଙ୍କା) ରଖାଯାଇଛି । ଏହା ବ୍ୟତୀତ ଫେଲିସିଟେସନ  ପାଉଣା ବାବଦରେ ୧.୧ ମିଲିୟନ ଡଲାର(୯କୋଟି ଟଙ୍କା)  ପ୍ରଦାନ କରିବାକୁ ହେବ । ଟୁର୍ଣ୍ଣାମେଣ୍ଟର ସମୟସୀମା  ୨୫ଦିନ ଧାର୍ଯ୍ୟ କରାଯାଇଛି । ଜୁଲାଇ ୧ ତାରିଖ ସୁଦ୍ଧା  ଟୁର୍ଣ୍ଣାମେଣ୍ଟର ଫର୍ମାଟ୍‌ ଘୋଷଣା କରାଯିବ ।  ଟୁର୍ଣ୍ଣାମେଣ୍ଟର ପୁରସ୍କାର ବାବଦରେ ଫିଡେ  ମୋଟ୍‌ ୨୫ଲକ୍ଷ ଡଲାର(୨୦କୋଟି ଟଙ୍କା)  ଖର୍ଚ୍ଚ କରିବ । ଗତ ସିଜନରେ ମୋଟ୍‌ ପୁରସ୍କାର  ରାଶି ଥିଲା ୨୦ଲକ୍ଷ ଡଲାର(୧୭କୋଟି ଟଙ୍କା)  । 

ଏଥର ପୁରସ୍କାର ରାଶି ବୃଦ୍ଧି କରାଯାଇଛି ।  ପୂର୍ବରୁ ଭାରତ ଶେଷ ଥର ପାଇଁ ୨୦୦୦ ଓ ୨୦୧୩  ମସିହାରେ ବିଶ୍ୱ ଚାମ୍ପିଅନ୍‌ସିପ୍‌ ଆୟୋଜନ କରିଥିଲା ।  ମୋଟ ୧୦୦ଜଣ ପ୍ରତିଯୋଗୀ ଏହି ଟୁର୍ଣ୍ଣାମେଣ୍ଟରେ  ଭାଗ ନେଇଥିଲେ । ଭାରତର ପ୍ରସିଦ୍ଧ ଚେସ୍‌ ଖେଳାଳି  ବିଶ୍ୱନାଥନ ଆନନ୍ଦ ଫାଇନାଲରେ ଆଲେକ୍ସି ଶିରୋଭାଙ୍କୁ  ହରାଇ ପ୍ରଥମ କରି ଚାମ୍ପିଅନ୍‌ ହୋଇଥିଲେ । ଆନନ୍ଦ ନିଜ  କ୍ୟାରିୟର ମଧ୍ୟରେ ୫ଥର ବିଶ୍ୱ ଚାମ୍ପିଅନ୍‌ ଆଖ୍ୟା ଅର୍ଜନ  କରିଛନ୍ତି । ୨୦୧୩ରେ ଆନନ୍ଦଙ୍କୁ ହରାଇ ନରୱେରେ  ମାଗନସ କାର୍ଲସେନ ଟାଇଟଲ ହାସଲ କରିଥିଲେ ।

  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.