ନୂଆଦିଲ୍ଲୀ,୧୯।୯: ଋଷ ଓ ୟୁକ୍ରେନ୍ ଯୁଦ୍ଧକୁ ପ୍ରାୟ ୩ ବର୍ଷ ସମୟ ବିତି ସାରିଛି। ସଂଘର୍ଷ ଥମିବାର ନାଁ ଧରୁନି। ,ଏହା ମଧ୍ୟରେ ଏବେ ଯୁଦ୍ଧକୁ ନେଇ ଆଶ୍ଚର୍ଯ୍ୟ କରିଦେବା ଭଳି ଘଟଣା ସାମନାକୁ ଆସିଛି। ଏହି ରିପୋର୍ଟର ଦାବି କରାଯାଇଛି ଭାରତୀୟ ଅସ୍ତ୍ରଶସ୍ତ୍ର ନିର୍ମାତାଙ୍କ ଦ୍ବାରା ବିକ୍ରି କରାଯାଇଥିବା ତୋପ ଓ ଗୁଳି ୟୁରୋପ ଜରିଆରେ ୟୁକ୍ରେନ୍ ପହଁଞ୍ଚିଥିଲା। ଋଷର ବିରୋଧ ପରେ ଭାର ଏହାର କିଣା ବିକା ରୋକିବା ପାଇଁ ଏପର୍ଯ୍ୟନ୍ତ କୌଣସି ହସ୍ତକ୍ଷେପ କରିପାରି ନାହିଁ। ବହୁ ଭାରତୀୟ ଓ ୟୁରୋପୀୟ ଅଧିକାରୀଙ୍କ ସହ ସୀମା ଶୁଳ୍କ ଡାଟା ଅନୁସାରେ, ଋଷ ବିରୋଧରେ ୟୁକ୍ରେନ୍ ଆକ୍ରମଣ ପାଇଁ ଗୋଳା-ବାରୁଦର ଏହି ସାମଗ୍ରୀ ଆମଦାନୀ ଗତ ଏକ ବର୍ଷରୁ ଅଧିକ ସମୟ ଧରି କରି ଆସୁଛି। ରିପୋର୍ଟରେ ଏହା ମଧ୍ୟ କୁହାଯାଇଛି ଯେ, ପୋକ୍ରୋଓ୍ବସ୍କରେ ଋଷ ଆକ୍ରମଣକୁ ରୋକିବା ପାଇଁ ସଂଘର୍ଷ କରୁଥିବା ୟୁକ୍ରେନ୍ ଗୋଳା-ବାରୁଦର ଖୁବ୍ ଅଭାବ ରହିଛି।
ଉଲ୍ଲେଖନୀୟ ଯେ, ହତିଆର ଆମଦାନୀକୁ ନେଇ ଭାରତୀୟ ନିୟମ ଅନୁସାରେ, ହତିଆର ବ୍ୟବହାର କେବଳ କିଣିପାରବେ। ଭାରତୀୟ ଅଧିକାରୀମାନେ କହିଛନ୍ତି, ଋଷ ଅତି କମ୍ରେ ଦୁଇ ଦୁଇ ଥର ଏହି ପ୍ରସଙ୍ଗକୁ ଉଠାଇଛି। ଜୁଲାଇରେ ଋଷ ବୈଦେଶିକ ମନ୍ତ୍ରୀ ସର୍ଗେଇ ଲାଭରୋଭ ଓ ତାଙ୍କ ଭାରତୀୟ ସମକକ୍ଷଙ୍କ ମଧ୍ୟରେ ହୋଇଥିବା ବୈଠକରେ ଏହି ପ୍ରସଙ୍ଗ ଉଠାଯାଇଥିଲା। ରଏଟର୍ସର ଏହି ରିପୋର୍ଟ ଜରିଆରେ ପ୍ରଥମ ଥର ଗୋଳା ବାରୁଦର ବିକ୍ରି ସମ୍ପର୍କରେ ଜଣାପଡିଛି। ୟୁକ୍ରେନ୍କୁ ଭାରତୀୟ ଗୋଳା-ବାରୁଦ ପଠାଉଥିବା ୟୁରୋପୀୟ ଦେଶ ଇଟାଲି ଓ ଚେକ୍ ଗଣରାଜ୍ୟ ସାମିଲ ରହିଛି। ଏହି ଦେଶ ୟୁକ୍ରେନକୁ ଅସ୍ତ୍ର ଯୋଗାଇବାର କାମ କରୁଛି।
ଏହି ଘଟଣା ନେଇ ଋଷର ଅଭିଯୋଗ ପରେ ଭାରତୀୟ ପ୍ରତିରକ୍ଷା ମନ୍ତ୍ରଣାଳୟ କୌଣସି ସୂଚନା ଦେଇ ନାହିଁ। ଏହା ପୂର୍ବରୁ ଜାନୁଆରୀରେ ଭାରତୀୟ ବୈଦେଶିକ ମନ୍ତ୍ରଣାଳୟ ମୁଖପାତ୍ର ରଣଧିୀର ଜାୟସ୍ଓ୍ବାଲ ଏକ ସାମ୍ବାଦିକ ସମ୍ମିଳନୀରେ କହିଥିଲେ ୟୁକ୍ରେନ୍କୁ ଭାରତ ହତିଆର ପଠାଇ ନାହିଁ କିମ୍ବା ବିକ୍ରି କରିନି। ଯୁଦ୍ଧ ପରେ ୟୁକ୍ରେନ୍ ଦ୍ବାରା ଆମଦାନୀ କରାଯାଇଥିବା ହତିଆର ୧%ରୁ କମ୍। ତେବେ ଏପର୍ଯ୍ୟନ୍ତ ଜଣାପଡିନି ଗୋଳା-ବାରୁଦକୁ ୟୁରୋପୀୟ ଗ୍ରାହକମାନେ ୟୁକ୍ରେନ୍କୁ ପୁଣିଥରେ ବିକ୍ରି କରିଛନ୍ତି ନା ଦାନ କରିଛନ୍ତି। ଉଲ୍ଲେଖନୀୟ ଯେ, ଭାରତର ଋଷ ସହିତ ଭଲ ସମ୍ପର୍କ ରହିଛି। ଯାହାକି ଦୁଇ ଦଶକ ହେବ ଭାରତକୁ ହତିଆର ଯୋଗାଇ ଆସୁଛି ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଋଷ ବିରୋଧରେ ପାଶ୍ଚାତ୍ୟ ଦେଶ ଉପରେ ଲଗାଇଥିବା କଟକଣାରେ ସାମିଲ ହେବାକୁ ମନା କରି ଦେଇଥିଲେ।
